Ai Ai de las Alas, ‘pinatay’ sa diabetes!

Ai Ai de las Alas, ‘pinatay’ sa diabetes!

July 11, 2021 @ 4:16 PM 1 year ago


Manila, Philippines – Bukod kay Congresswoman Vilma Santos-Recto, “pinagtripan” din ng mga taong walang magawa sa buhay si Ai Ai de las Alas na “namatay” rin daw.

Ito na ang pangalawang pagkakataong kumalat ang nasabing fake news.

Ipinost ni Ai Ai ang screen shot sa kanyang Instagram account na nagsasabing: “Aktres na si Ai Ai de las Alas patay na!” na agad niyang sinagot ng: “Fake news ito! Huwag kayong mag-subscribe dito!”

Inamin ng komedyana na nag-alala ang kanyang mga kamag-anak at kaibigan dito at sa ibang bansa, “Ano kaya ang napapala ng mga gumagawa nito?”

Pagbibiro niya, “Buti na lang, maganda ang picture na ginamit.”

Diabetes daw ang sanhi ng “pagkamatay” niya.

Buwelta niya, “Five years ago pa ‘ko walang sugar sa katawan, puro fruits and coco sugar lang. Mga mangmang! Mga inutil! Mga hinulma sa tae ang kaisipan!”

Tinawag din ni Ai Ai na “ga*o!” ang mga may pakana ng mga ganitong fake news.

Nasa Amerika pa rin hanggang nayon si Ai Ai kasama ang asawang si Gerald Sibayan. Ronnie Carrasco III