Alessandra, Allen, wagi sa Famas!

Alessandra, Allen, wagi sa Famas!

December 13, 2021 @ 4:29 PM 10 months ago


Manila, Philippines – Inanunsyo na ang mga nagwagi sa ika-69 na edisyon ng FAMAS noong Linggo.

Kinabog ni Alessandra de Rossi ng “Watch List” sina Cristine Reyes (Untrue), Iza Calzado (Tagpuan), Bela Padilla (On Vodka, Beers, and Regrets), Charlie Dizon (Fan Girl) at Lovi Poe ( Latay) sa best actress category.

Tinalo naman ni Allen Dizon para sa kanyang pagganap bilang battered husband sa pelikulang “Latay” sina Xian Lim, (Untrue), Coco Martin ( Love or Money), Alfred Vargas (Tagpuan), Paulo Avelino (Fan Girl), Elijah Canlas (He Who Is Without Sin) at JC Santos (On Vodka, Beers, and Regrets) sa best actor category.

Naiuwi naman ng magaling na character actress na si Dexter Doria ang best supporting actress trophy para sa “Memories of Forgetting” samantalang wagi naman si Enzo Pineda ng kanyang kauna-unahang best supporting actor award para sa pelikulang “He who is Not Without Sin.”

Wagi naman bilang best picture ang fantasy-adventure movie na “Magikland” na naging kalahok sa 2020 Metro Manila Film Festival.

Itinanghal namang best director si Christian Acuña para sa “Magikland” na panalo rin sa mga kategoryang best editing, best visual effects, best sound, best cinematography at best production design.

Recipient naman ng German Moreno Youth Achievement awards ang mga Kapusong sina Joaquin Domagoso at Cassy Legaspi.

Pinagkalooban naman ng FPJ Memorial award ang character actor na si Mon Confiado.

Ito pa ang ilang nagwagi sa 69th Famas awards:

  • BEST CHILD PERFORMER: Miel Espinosa (Block Z)

  • BEST SCREENPLAY: Manny Angeles and Paulle Olivenze (Hayop Ka!)

  • BEST CINEMATOGRAPHY: Rody Lacap (Magikland)

  • BEST PRODUCTION DESIGN: Ericson Navarro (Magikland)

  • BEST EDITING: Manet A. Dayrit and She Lopez-Francia (Magikland)

  • BEST MUSICAL SCORE: Kean Cipriano and Brain Coat (On Vodka, Beers, and Regrets)

  • BEST ORIGINAL SONG: ‘Maibalik’ by Joshua Bulot and JBK (Us Again)

  • BEST SOUND: Gerald James D’Lonsod, Albert Michael Idioma, and Vanya Fantonial (Magikland)

  • BEST VISUAL EFFECTS: Richard Francia and Ryan Grimarez (Central Digital Lab) for Magikland

  • BEST SHORT FILM: Solo by Kevin Piamonte

Ang 69th Famas awards ay ini-host ng Frontrow CEO, actor-director na si Raymond “RS” Francisco.

Nagkaroon din ng special number ang ace performer at actress na si Nicole Laurel Asensio.

Ang Famas ay idinirek ng award-winning theater actor-director na si Vince Tanada, kasama ang kanyang team na kinabibilangan nina Alejandro Mirasol Ramos (Associate Director), Pipo Cifra (Musical Director), Mark Jason M. Sucgang (Editor), Louis Archie Dreyfus Perez (Writer), OJ Ar Ci (Production Manager), Nelson Mendoza (Famas Coordinator) Domingo Almoete (Production Coordinator), Johnrey Rivas (Social Media Director), at Raymart Mater at Awin Valencia (Production Assistants).

Dumalo rin sa naturang awards ceremony sina Francia Cheche Conrado, FAMAS President at Angelo Eloy Padua, Chairman of the Board. Archie Liao