Alex sinita ni Mateo sa ex joke!

Alex sinita ni Mateo sa ex joke!

August 14, 2022 @ 11:45 AM 2 months ago


Manila, Philippines – Hindi napigilan ng actor/host na si Mateo Guidicelli na i-call out ang co-host nito na si Alex Gonzaga.

Sa isang episode kasi ng noon time show na LOL (Lunch Out Loud), biniro ni Alex si Mateo sa ex nito.

“Napanaginipan ko ‘to kagabi, sabi ko sa sarili ko, pinag-pray ko, ‘Lex tigilan na natin pagbiro sa mga asawa natin dahil mga ex na ‘yan, eh. Maawa naman tayo kay konsehal at asawa ko dahil kagabi umiyak na talaga ako dahil sa’yo,'” saad ni Mateo in a serious tone.

Sagot naman ni Alex, “Bakit ka naman umiyak sa ‘kin, ano’ng ginawa ko?!”

Tuloy tuloy naman ang pagsasalita ni Mateo at sinabing nasasaktan siya para sa asawa niyang si Sarah Geronimo.

Pahabol pa ni Mateo, “Tropang LOL irespeto natin mga asawa natin.”

Seryoso na ang lahat maging si Alex na mukhang nag-iisip na tungkol sa mga biro niya nang biglang ginawang biro ni Mateo sa huli at sinabing, “Mag-usap na lang tayo tungkol sa kuko mo!”

Ang dating, eh, biro lang pala ang pag-call out ni Mateo kay Alex pero umani ito ng papuri mula sa netizens na nagsasabing tama lang ang ginawa ni Mateo lalo’t laging below the belt anila ang mga joke ni Alex.

Kaliwa’t kanang batikos ang natanggap ni Alex tungkol dito at mukhang sinagot niya ito sa pamamagitan ng isang tweet where she said, “Some people won’t like you but that’s okay as long as you still like yourself and the person you can be.”

Negative na naman ito sa netizens at sinabing apologist si Gonzaga pero hindi marunong mag-apologize.

Hmmm. After this, maging maingat na kaya si Alex sa mga bibitawan niyang joke on screen? Paula Jonabelle Ignacio