Ama patay sa saksak ng 15-anyos na anak

Ama patay sa saksak ng 15-anyos na anak

July 14, 2022 @ 8:45 AM 1 month ago


COTABATO CITY- Hindi inakala ng isang ama na sariling anak pa mismo ang papatay sa kanya matapos siyang pagsasaksakin Miyerkules sa bayang ito.

Kinilala ang biktimang si Rafael Tahum Edlang, 44-anyos at residente ng Purok Kalabasa Barangay Ulamian Libungan Cotabato.

Nasa kustodiya naman ng Department of Social Welfare and Development (DSWD) ang 15-anyos na suspek at anak ng biktima na isang grade 9 student ng nasabing lugar.

Ayon kay Libungan Chief of Police Major Judgie Barotas, umaga nang maganap ang insidente sa loob ng bahay ng mag-ama sa nabanggit na lugar.

Bago ang krimen napagalitan umano ng matandang Edlang anak nito at sinuntok sa tiyan.

Nagalit ang batang Edlang kaya kumuha ito ng kutsilyo at pinagsasaksak ang ama sa iba’t ibang parte ng katawan.

Nagawa pang isugod sa ospital ang biktima subalit idineklara na rin itong patay ng umatending doktor. Mary Anne Sapico