AMLC: ‘Di pag-ulat ng kahina-hinalang transaksyon parurusahan

AMLC: ‘Di pag-ulat ng kahina-hinalang transaksyon parurusahan

February 17, 2022 @ 10:35 AM 4 months ago


MANILA, Philippines – Pinaalahahanan ng isang mataas na opisyal ng Anti-Money Laundering Council (AMLC) na ang lahat ng institusyong sakop ng ahensya ay dapat mag-ulat ng anumang kahina-hinalang transaksyon dahil kung hindi  ay mahaharap ang mga ito sa parehong administratibo at kriminal na parusa.

“On the part of AMLC, kung sila ay very obvious na may maraming red flag indicators ngunit hindi sila nag-analyze or nagrequest ng additional information, na hindi sila nagfile ng suspicious transaction report sa AMLC, ito ay pwedeng maging basehan para sila ay ma-imposean ng both administrative sanction and criminal sanction,” sabi ni AMLC Executive Director Mel Georgie Racela sa Laging Handa briefing, Miyerkules.

Sinabi ni Racela na lahat ng indibidwal na sakop ng AMLC — kabilang ang mga bangko at electronic money issuer — ay obligadong magkaroon ng electronic monitoring system.

Idinagdag niya na anuman ang halaga, kapag nakakita ng red flag, ang mga sakop na entity na ito ay may mga analyst at investigator na anti-money laundering na dapat magsagawa ng malalimang pag-iimbestiga.

Nauna nang naglabas ang AMLC ng listahan ng mga pulang bandila na maaaring magpahiwatig ng mga kahina-hinalang transaksyon:

– significant or large transactions performed within a short period

– unjustified large cash deposits, withdrawals

– transactions seen as inconsistent with the customer’s financial profile or declared business

– unusual transactions or activities compared with normal daily dealings

– structured cash deposits, money transfers

– use of multiple accounts by a single transactor

– Use of several money service businesses to send funds

“Combined yan along with several factors, kasama na po ang location kung saan nakatira yung recipients and yung frequency — again mas madami around on or about election day — yung number of transferees and age,” dagdag pa ni Racela.

“Lahat yan ay pagka kinombine ay nagiging red flag indicator. Maaring maging ground for filing or submitting a suspicious transaction report sa AMLC.”

Dagdag pa ni Racela na exempted ang AMLC sa Data Privacy Act.

“Sa hanay ng AMLC, as early as 2017 nakakuha na kami ng opinion sa National Privacy Commission na ang pagshare ng impormasyon ng AMLC ay exempted sa Data Privacy Act dahil ito ay mandato ng AMLC,” giit pa niya.

“As a financial intelligence unit, ang mandato po ay to preserve the integrity of the bank accounts and to ensure na ang Pilipinas ay hindi ginagamit to launder proceeds of unlawful activities,” dagdag pa ng opisyal. RNT