Angelu, goodbye na sa teleserye at pelikula!

Angelu, goodbye na sa teleserye at pelikula!

June 28, 2022 @ 7:45 PM 2 months ago


Manila, Philippines – May binitiwang pangako ang ngayo’y Pasig City Councilor na si Angelu de Leon.

Sana lang, mapangatawanan niya na hindi na raw siya gagawa ng mga teleserye o pelikula hangga’t nasa puwesto.

Angelu got the highest number of votes sa pagka-konsehal to think na unang sabak pa lang niya sa local politics.

Hindi naman nangiming aminin ni Angelu na kailangan din naman niyang kumita.

Pero tama na raw sa kanya ang mga guest appearances, hindi ‘yung showbiz work that requires long hours.

Iro raw ang self-commitment niya para sa Pasig City.

Aminado si Angelu na siya mismo ang lumapit at nag-apply bilang kandidato sa puwesto sa ilalim ng partidong kinabibilangan ng muling nanalong mayor na si Vico Sotto.

At bahagi nga ng kanyang pangako ay tumutok sa mga pangunahing isyu sa siyudad.

Wish ng marami’y tuparin ni Angelu ang pangakong binitiwan.

Ikinalungkot naman ng political greenhorn na ang katambal niya dati na si Bobby Andrews ay natalo sa pareho ring puwesto.

Ani Angelu, marami raw magagawa si Bobby had he won.

Pero may susunod pa naman daw eleksyon. Ronnie Carrasco III