MANILA, Philippines – Patuloy na lumalakas at lumalaki ang suporta ng panawagan ni Vice President at incoming Education Secretary Sara Duterte-Carpio na muling ibalik ang
mandatory Reserve Officers’ Training Corps (ROTC).

Sa katunayan, may mga mambabatas at education officials ang nagpahayag ng kanilang pagsuporta sa mandatory ROTC na ito ni Duterte.

Sa isang panayam, sinabi ni incoming Quezon City Rep. Arjo Atayde na ang nasabing panukala ay “interesting” subalit kailangan ng masusing pagsusuri upang matiyak ang makabubuti at makagagaling sa mga mag-aaral.

“To be honest, noh, there [are] interesting pros and cons to it. We have to look into it, we just started… If departments slowly were actually meeting committees as a team, [in] Congress, hopefully, we would come up with the right decision where the majority, or whatever it is that people want and more than what they want, is what they need,” ani Atayde.

Nauna rito, nangako naman si Senador Ronald “Bato” Dela Rosa na muling ihahain ang nasabing batas na naglalayong itulak ang mandatory ROTC na nauna na niyang inihain noong 18th Congress.

Handa aniya siya na “to author a bill” alinsunod sa panukala ng bise-presidente.

“I am willing to author such a bill na gusto nila, ‘yung version na gusto ni Vice President Inday Sara,” ayon kay Dela Rosa sa isang panayam.

Suportado naman ni Commission on Higher Education Chairperson Prospero “Popoy” De Vera III ang ROTC sa university level.

“Remember I was an ROTC officer when I was a student at UP, and I know on a personal level how the training and discipline that I got from the ROTC officer helped me develop myself when I continued and left university,” ani DE Vera.

Gayunman, hihintayin nila ang mga mambabatas na magpalabas ng kalatas para sa kanilang bersyon.

“We’ll have to wait for the bill to be filed in congress so that the commission can give its proper comments on the contents of the bill, it’s a little bit early to comment without a copy of the actual bill than is filed, but as a general principle I support the ROTC at the university level,” aniya pa rin.

Umaasa naman si Duterte na magiging bahagi ng legislative agenda ng incoming administration sa ilalim ni President-elect Ferdinand “Bongbong” Marcos Jr. ang mandatory ROTC. Kris Jose

MANILA, Philippines – Pinasisilip ni Basilan Rep. Mujiv Hataman sa Kongreso ang palpak na operasyon ng National Commission for Muslim Filipinos (NCMF) matapos maiulat na ilang Filipino Hajj pilgrims ang stranded ngayon sa Metro Manila at hindi nakaalis patungong Saudi Arabia kahit nakapagbayad ng P300,000 na travel arrangements.

Partikular na pinasisilip ni Hataman sa Kongreso ang kabiguan ng NCMF sa pag-asikaso ng travel documents sa taunang pilgrimage sa Mecca.

Giniit ni Hataman na isa sa mandato ng NCMF ay ang pag-coordinate nito sa Bureau of Pilgrimage and Endowment, sa Hajj pilgrimage of Muslim Filipinos at travel aid patungong Kingdom of Saudi Arabia (KSA).

Aniya, ang byahe noong Hunyo 19, 20 at 21 patungong KSA ay nakansela kaya libo-libong pilgrims ang hindi nakadalo.

“Baka kailangan pag-aralan na natin ang proseso ng coordination ng mga tanggapan sa NCMF tungkol sa Hajj at tingnan kung saan pwedeng malunasan ng pag-amyenda ng batas. May nagpabaya ba? May nagkamali ba? San galing ang gusot? Ito ang mga titingnan natin sa ating imbestigasyon” ani Hataman.

Aniya, sa palpak na sistema ng NCMF ay mas mainam na ipasa sa private sector ang pagpoproseso ng requirements ng mga pilgrims.

“Dapat hindi na ito maulit pa.We want a better pilgrimage experience for Muslim Filipinos, hindi yung ganito. Kaya tingnan natin kung ano ang maitutulong ng Kongreso sa NCMF para maiwasan na itong mangyari sa mga susunod na taon” dagdag ng solon.

Ang Hajj ay isa sa limang pillars ng Islam, ito ay kinapapalooban ng 5 araw na ritual at pilgrimage sa Mecca.

Samantala sa panig ni NCMF spokesman Commissioner Yusoph Mando sinabi nito na kanila nang minamadali ang pagbibigay ng visa sa mga pilgrims at isinasaayos na rin ang bagong flights.

Ipinaliwanag nito na ang delay ay resulta ng aberya din sa online Hajj portal kaya natagalan ang pagpapalabas ng visa.

Nangako ang NCMF na magbibigay ito ng cash assistance para sa pagkain at accommodation ng mga stranded na pilgrims. Gail Mendoza

MANILA, Philippines – Hinikayat ni Presidential Adviser for Entrepreneurship Joey Concepcion ang pamahalaan na payagan nang mabigyan ng booster shots laban sa coronavirus disease 2019 (COVID-19) ang mga kabataan na may edad na 12 hanggang 17 bilang bahagi ng paghahanda sa pagbabalik ng face-to-face classes sa Agosto.

Sa Laging Handa public briefing, sinabi ni Concepcion na kailangan ng magdesisyon ng Health Technology Assessment Council (HTAC) hinggil sa rollout ng booster jabs para sa nasabing age group para makatulong na mapanatili ang level of immunity sa bansa.

Sinabi pa niya na ang efficacy o bisa ng paunang Covid-19 vaccines ay humina na “as early as four months,” at ang indibiduwal na nasa edad na 12 hanggang 17 na karamihan ay estudyante ay dapat lamang na makakuha ng “extra protection” mula sa virus dahil sa napipintong pagpapatuloy ng in-person classes.

“This will have dire consequences on the country’s recovery. I echo what the Advisory Council of Experts (ACE) is saying: When you delay these boosters, you deny our country the chance to recover,” ang nakasaad sa kalatas.

Noong nakaraang linggo, iginiit ng adviser ni Pangulong Rodrigo Roa Duterte ang pagbuo ng ACE, isang advisory group para sa pribadong sektor na makatutulong sa kanila na tahakin ang daan palabas mula sa pandemiya.

Ang grupo ay kinabibilangan ng mga eksperto sa larangan ng kalusugan at ekonomiya.

“In a pandemic, we do not wait for the ‘hard evidence’ that we use for routine vaccines,” ayon sa grupo sabay sabing “We use the weight-of-evidence approach, which takes into consideration things like whole-of-society needs, vaccine deployment challenges at the ground level, age-related issues such as vulnerability versus schools being able to return to normal, the emergence of variants, and many other factors.”

Sinabi pa ng advisory council na ang pagbabakuna ay “key weapon” ng bansa para siguraduhin ang “uninterrupted recovery” mula sa pandemiya. Kris Jose

MANILA, Philippines –  Tila na tinadhana na talaga Governor-elect Bayawan City Mayor Pryde Henry Teves ang maging gobernador ng Negros Oriental dahil sa makikitang kasabikan ng mga tao na ma-upo na ito upang masimulan ang tunay na pagmamahal nito sa bawat Negrosanos.

Ngayong linggo na ito ang oathtaking ni Governor-elect Teves na siyang sinasabing tulad ng pangalan nito na Pryde at siya rin na PRIDE ng bawag Negrosanos dahil tiwala ang mga mamamayan sa magandang magagawa nito sa probinsiya.

Na-i-proklama si Gov. Teves ng provincial election officer noong nakaraan Mayo 10 matapos itong humakot ng 296,897 na boto at manguna sa ibang naghangad kabilang si Gob. Roel Degamo.

“God is good all the time. And, all the time, God is good. Hindi po masasayang ang tiwala na inyong ibinigay. Ang aking puso at isipan ay itututok ko lang sa ikabubuti ng bawat Negrosanos. Panahon na para puspusang umunlad ang Negros Oriental,” pahayag ni Teves.

Sa kabila ng pangugulo ng isang natalong kandidato, nananatili ang isipan ni Gob. Teves sa mga dapat unahin at mga dapat linisin sa oriental na makakatulong ng Malaki sa pamumuhay ng mga Negrosanos ayon dito.

Ayon sa bagong gobernador, lilinisin nito ang kurapsyon sa probinsya at bubusisiin man kung ano ang mga anomalyang nagkaroon sa probinsya mula sa dating pangangasiwa ng mga nanunungkulan dito.

“Panahon na po para linisin at payamanin ang probinsya. Kailangan nating mapa-asenso ang pamumuhay ng Negros Oriental. Sisiguraduhin natin na mararamdaman agad po ito ng bawat mamamayan ng Negros Oriental,” pagtatapos ni Teves. RNT