Australian professor na ralyista, hinarang sa NAIA

Australian professor na ralyista, hinarang sa NAIA

August 9, 2018 @ 1:11 PM 4 years ago


 

 

Manila, Philippines – Hinarang ng Bureau of Immigration (BI) ang isang  Australian professor na papasok ng bansa dahil sa alegasyong siya ay sumasali sa mga rally sa bansa.

Kinilala ang propesor na si Gill Hale Boehringer, 84-anyos, na dumating sa Ninoy Aquino International Airport Terminal 1 mula sa Guanhzhou, China kahapon.

Ayon kay Immigration Spokesperson Dana Krizia Sandoval, si Boehringer ay pinagbawalang pumasok sa bansa makaraang  makatanggap ang BI ng rekomendasyon  ng blacklisting mula sa government intelligence sources.

Sa ulat, si  Boehringer ay sumasali sa rally noong November 2015  kung saan malinaw na siya lumabag sa BI Operations Order na nagbabawal sa mga dayuhan na masangkot sa mga political activities sa bansa. Jocelyn Tabangcura-Domenden