Bagong appointees sa gov’t agencies, inanunsyo ng Malakanyang
March 10, 2023 @ 3:36 PM
2 weeks ago
Views: 173
Remate Online2023-03-10T14:19:27+08:00
MANILA, Philippines – Muling nag-anunsyo ang Malakanyang ng mga bagong appointments sa ilang departmento sa ilalim ng administrasyon ni Pangulong Ferdinand R. Marcos Jr.
Base sa listahan na ipinalabas ng Presidential Communications Office (PCO), ang bagong appointments ay para sa Department of Agriculture (DA), Department of Energy (DOE), Department of Justice (DOJ), Department of Migrant Workers (DMW), Department of Transportation (DOTr), Government Service Insurance System (GSIS), at National Tobacco Administration (NTA).
Kabilang sa mga bagong appointees sa ilalim ng DA ay sina Noel Padre bilang Assistant Secretary at Vener Dilig bilang Director III.
Samantala, itinalaga naman si Remelyn Recoter bilang Director IV at Antonieta Arceo bilang Director III ng Agriculture Training Institute ng DA.
Itinalaga rin ni Pangulong Marcos sina Ma. Angela Ignacio at Froilan Tampinco bilang acting members ng board of directors ng Philippine National Oil Company Exploration Corp. para sa energy sector.
Para naman sa DOJ, itinalaga ng Chief Executive si Dennis Arvin Chan bilang Chief State Counsel.
Itinalaga naman ni Pangulong Marcos sina Liza Alcera, Maria Bernardine Madamba, at Eric Dollete bilang Director III ng DMW.
Sa ilalim ng Clark International Airport Corp. ng DOTr, itinalaga ng Pangulo si Joshua Bingcang bilang acting president, chief executive officer, at board member, habang sina Dante Francis Ang II, Monico Puentevella Jr., at Julius Raboca ay itinalaga naman bilang acting members ng board of directors.
Sa ilalim ng GSIS, itinalaga naman ng Pangulo si Evelina Guevara-Escudero bilang miyembro ng board of trustees, kakatawan sa leading organizations o associations ng government employees o retirees, habang itinalaga naman si Jose Arnulfo Veloso bilang board member, kakatawan sa “banking, finance, investment, at insurance sectors.”
Samantala, itinalaga naman ng Pangulo si Luzviminda Padayao bilang acting member ng board of directors ng NTA na kakatawan sa tobacco farmers sector. Kris Jose
March 26, 2023 @7:40 AM
Views: 5
Manila, Philippines – Tila burado na kay Aljur Abrenica ang mga magandang alaalang dulot ng pakikipagtambal kay Kris Bernal.
Sa Season 4 ng Starstruck ng GMA noong 2006 naging produkto sina Kris at Aljur.
May limang teleserye rin silang pinagsamahan.
But all these years ay inamin ni Kris na loveteam lang talaga sila.
In a way daw ay pinaplastik nila ang kanilang mga fans who thought there was more to their screen partnership.
As Kris termed it, pag kaharap na raw ang mga tagahanga nila’y “Sweet-sweetan kami pero ang totoo, nag-aaway kami.”
Kung bakit hindi raw sila nagkatuluyan ni Aljur ay dahil na rin daw kay Kris.
Aniya, “Siguro, naramdaman ni Aljur na hindi ako interesado sa kanya.”
But are they friends?
“Half,” matipid na sagot ni Kris.
Panay raw kasi ang pandededma sa kanya ni Aljur who does not reply to her messages.
Ang layunin lang naman daw ni Kris ay para yayain ang dating ka-loveteam na mag-collab sa pagba-vlog.
Anyway, Kris is on her fifth month ng kanyang pagdadalantao.
Married to Perry Choi na isang negosyante, if siya raw ang masusunod ay baby girl ang nais niyang isilang.
Naadik si Kris sa lumpiang toge noong naglilihi siya.
With Aljur naman, tiyak na ang kawalan ng oras nito para replayan siya has a lot to do with giving all his time to AJ Raval na missing in action din these days. Ronnie Carrasco III
March 26, 2023 @7:30 AM
Views: 9
MANILA, Philippines – Makakaapekto sa bansa ang easterlies at localized thunderstorm, ayon sa ulat ng PAGASA.
Sa 24-hour weather bulletin ng ahensya, makararanas ang Metro Manila at nalalabing bahagi ng bansa ng maulap na kalangitan na may kalat-kalat na pag-ulan dahil sa nabanggit na weather system.
Nagbabala naman ang PAGASA ng posibilidad ng pagbaha at pagguho ng lupa sa panahon ng malalakas na thunderstorm. RNT/JGC
March 25, 2023 @4:48 PM
Views: 77
Manila, Philippines – Sa kanyang vlog, ipinakita ni Miguel Tanfelix ang kanyang concern sa kanyang mga fans.
Maaga pa lang ay naghanda na ang Kapuso actor sa treat niya sa kanyang kafaneyan.
Pumunta siya sa Tagaytay Public Market para personal na mamili ng kanyang mga kakailanganin sa papiging niya sa kanyang mga masusugid na tagahanga.
Nakipagtawaran siya sa pagbili ng karneng baboy, manok, isda, gulay at mga sangkap na gagamitin niya sa pagluluto.
Habang namimili, nakipag-bonding din siya sa mga fan na naki-selfie sa kanya.
Maging sa paghahanda tulad ng pagtitimpla ng kanyang mga napamiling pagkain ay siya rin ang personal na nag-asikaso.
Matiyaga rin siyang nag-ihaw ng liempo at manok at nagprito ng isda at karneng baboy para sa kanyang pa-boodle fight sa kanyang fans.
Maging sa pagdedekorasyon ng pagkain sa hapag ay siya rin ang naging punong abala.
Tuwang-tuwa naman ang kanyang kafaneyan dahil sila ang piniling pagsilbihan o i-date ni Miguel at hindi ang sinumang leading lady na nali-link dito.
Ang nakaka-touch, binigyan pa ng Kapuso actor ng tig-isang pulang rosas ang kanyang loyal fans na ikinakilig ng mga ito.
Si Miguel ay mapanood sa Voltes V: The Legacy sa GMA-7 kung saan ginagampanan niya ang papel ni Steve Armstrong. Archie Liao
March 25, 2023 @4:37 PM
Views: 83
Manila, Philippines – Mula nang maging available ang mga tickets nitong March 17, wala pang isang linggo’y sold out na ang 20th anniversary concert ni Sarah Geronimo.
Magaganap ito sa May 12 sa Smart Araneta Coliseum.
Nitong March 1 ay ipinagdiwang ng Popstar Royalty ang kanyang ika-20 taon sa showbiz bilang singer at aktres.
Matatandaang 2003 nang manalo si Sarah sa singing search na Star For A Night at mula noon ay bumulusok na ang kanyang singing career.
Kasabay ng kanyang 20th year in showbiz ay ang pag-release niya ng awiting Habang Buhay.
Sila ni Paolo Valenciano ang magkatuwang sa pagdidirek ng kanyang anniversary concert.
This year ay inaasahang maipo-promote niya ang kanyang album.
Samantala, inaasahang babaha ng emosyon sa mismong gabi ng pagtatanghal ni Sarah.
Mas masarap daw kasing namnamin ang kanyang tagumpay kung magkasundo na sila ng kanyang Mommy Divine.
Inaasahang present sa audience ang kanyang mga magulang para suportahan ang kanilang anak.
Sa side naman ng asawa ni Sarah na si Matteo Guidicelli, too bad namang sa April 29 ay last episode na ng kinabibilangan niyang programang Tropang LOL sa TV5.
Looking forward naman ang mga tagahanga ni Matteo na mapapanood ang aktor sa mga programa ng GMA dahil balitang nakipagnegosasyon na ito for a possible transfer.
Ang Viva Entertainment ang namamahala sa carer ng mag-asawang Sarah at Matteo.
Almost finished na rin ang all-in-one studio nilang G na ipinatayo ni Matteo para sa kanyang misis. Ronnie Carrasco III
March 25, 2023 @4:25 PM
Views: 76
Manila, Philippines – Buhat nang naging busy si Ashley Ortega sa training ng figure skating at sa taping ng Hearts On Ice with leading man Xian Lim ay tuluyan na niyang kinalimutan ang ex-boyfriend na nagpaluha sa dalaga.
Inamin ni Ashley sa isang interview na fully recovered na siya sa split-up nila kahit ilang buwan pa lang ang nakararaan.
Ani Ashley: “Tuluy-tuloy lang ang buhay natin. Malaking tulong sa akin sa madaling paglimot sa ex-bf ko ang work ko bilang actress, pamilya ko at mga friends ko na nakakaunawa sa akin.”
Sa panayam kay Ashley, nasabi niya na ang una niyang showbiz na boyfriend ay ang may asawa na ngayong si Juancho Triviño, na naging leading man niya sa isang Sunday afternoon soap ng GMA noong teenager pa siya. Short-lived relationship lang ‘yun na iniyakan din ni Ashley dahil minahal niya si Juancho.
Sumunod na bf ni Ashley ay ang ang non-showbiz na si Prince Singson, na isa sa mga apo ni dating Gov. Chavit Singson ng Ilocos Sur. Si Prince ang last dance ni Ashley nang nag-18th birthday (debut) ang Kapuso actress.
Short-lived din ang relationship nina Ashley at Prince!
Sa California, USA nag-aaral ng college ang binata. Si Ashley nama’y busy sa showbiz career niya bilang contract star ng Sparkle Artist Center. As usual, iniyakan din ito ni Ashley. Totoo kasi siya kung magmahal.
After four years ay muling nagkarelasyon si Ashley sa binatang taga-Lucena City, si Mayor Mark Alcala. Tumagal din ng more than a year ang relasyon ng dalawa.
Bale siya ang huling karelasyon ni Ashley bago naging busy sa training at taping.
Ani Ashley: “Mutual decision naming dalawa na mag-split. Busy ako bilang actress, siya nama’y public servant. Malayo ang Manila at Lucena City. Di rin ako pwede sa mga out of town trip o kaya’y trip sa abroad na pwede sanang kasama ko siya. Tutok ako sa career ko.
“Mahalaga sa akin ang career. Tulad ngayon, first solo lead ko ang Hearts On Ice,” sabi pa ni Ashley. Norl Asinas
