Bakbakang Shogun Rua vs Saint Preux, sisiklab sa Linggo

Bakbakang Shogun Rua vs Saint Preux, sisiklab sa Linggo

May 5, 2022 @ 1:03 PM 2 months ago


MANILA, Philippines – Nakatakdang magsagupa sina heavyweight fighter Mauricio “Shogun” Rua at Ovince Saint Preux sa UFC 274 sa Linggo, Mayo 8.

Ito ang pangalawa sa huling laban ng maalamat na si Rua (27-12-1; 10-10-1 sa UFC), isang dating Pride Middleweight Grand Prix champion at ex-UFC light heavyweight titlist.

“I put it in my mind to fight twice more and then retire,” ayon sa 40-year-old na si Rua.

Ngayong 2022 ang kanyang ika-20 taon sa mixed martial arts competition. “Matagal na,” maikli niyang sabi. “Gagawin ko ang aking makakaya upang manalo at magretiro sa kaalaman na ibinigay ko ang lahat at kung ako man ay manalo, ito ang magiging pinakamahusay na paraan upang tapusin ang aking karera.”

Ang Brazilian fighter ay hindi na lumaban sa loob ng Octagon mula noong Nobyembre 2020 pagkatalo kay Paul Craig.

“Yung last fight ko, sumakit yung braso at siko ko (na na-dislocate). Matagal bago gumaling at dumaan sa physical therapy.  It didn’t recover too fast so I was on the sidelines recovering,” paliwanag ni Rua tungkol sa kanyang layoff. “Gusto ko lang lumaban kapag sapat na itong gumaling at gumaan ang pakiramdam ko.”

Ang laban kay Saint Preux (25-16; 13) sa Footprint Center sa Phoenix, Arizona ay hindi lamang ang kanyang huling laban, kundi isang “paghihiganti” na laban sa Haitian-American fighter.

Noong huling nagsagupa ang dalawa noong Nobyembre 8, 2016 sa isang UFC headline event sa Uberlandia, Brazil, sinamantala ng Saint Preux ang isang pagkakadulas ni Rua para tapusin siya sa unang round. JC