Bangkay ng neneng siklista natagpuan sa madamong lugar

Bangkay ng neneng siklista natagpuan sa madamong lugar

August 15, 2022 @ 1:35 PM 2 months ago


Bulacan- Hustisya ang isinisigaw ng mga kapwa siklista ng 15-anyos na babaeng natagpuang may mga sugat sa braso, mga pasa sa leeg at wala ng buhay sa madamong lugar sa bayan ng Bustos.

Ang biktima ay isang Grade 9 student at residente ng 6A Tower Ville, Grace Ville, San Jose Del Monte.

Ayon sa paunang report, natagpuan ang bangkay ng babaeng na nasa edad 15 hanggang 21, may taas na 5’2” hanggang 5’5”, katamtamang pangangatawan, nakasuot ng puting t-shirt na may chinese characters, itim na boxer short, puting medyas at Nike rubber shoes bandang alas-9 ng umaga nitong Agosto 12, sa Bypass Road Bonga Menor, Bustos.

Dahil dito, agad nagpatawag ng SOCO ang mga awtoridad na nakitaan ng maliit na sugat sa kanang braso at mga pasa sa leeg ang biktima.

Base sa report ng pulisya, nitong umaga ng Agosto 14 ay positibong kinilala ng ama ang natagpuang bangkay na kanyang anak.

Ang biktima ay dinala na sa punerarya at nakatakdang sumalang sa autopsy habang patuloy ang follow up operation ng pulisya para makilala at mahuli ang nasa likod nito.

Kaugnay nito, maraming netizen, kaanak at kapwa siklista ang nagdadalamhati at sumisigaw ng hustisya para sa dalagita. Dick Mirasol III