Bangsamoro peace process suportado ng PBBM admin
February 24, 2023 @ 7:17 PM
1 month ago
Views: 149
Remate Online2023-02-24T17:33:59+08:00
MANILA, Philippines – Suportado ng administrasyong Marcos ang Bangsamoro peace process at handang tumulong para iangat ang buhay ng dating Moro Islamic Liberation Front (MILF) combatants at kanilang pamilya at paunlarin ang kanilang lugar sa mapayapa, progresibo at matatag na komunidad.
“Today is another demonstration of this administration’s commitment to taking material steps in ensuring that our countrymen in the Bangsamoro Region have their share of justice, peace, and development,” ayon kay Special Assistant to the President, Secretary Antonio Ernesto F. Lagdameo Jr. sa idinaos na 9th meeting ng Inter-Cabinet Cluster Committee Mechanism on Normalization (ICCMN), araw ng Huwebes, Pebrero 23.
Ang ICCMN ang kauna-unahang idinaos sa ilalim ng kasalukuyang administrasyon.
Si Lagdameo, co-chair ng ICCMN, nagpahayag na kinikilala rin nila ang pagsisikap ng Normalization Program sa pangangalaga ng kapayapaan at pagpapahusay sa kalidad ng buhay ng mga mamamayang Filipino.
Pinuri naman nito ang pagsisikap ng ICCMN sa pagpapabilis ng implementasyon ng Normalization Program.
“I am pleased with the developments of the mainstreaming of former combatants, including the continued disbandment of private armed groups, and transformation of MILF camps. On a larger lens, I note that this is considerable progress towards the planned implementation of the Exit Agreement by 2025,” ayon kay Lagdameo.
Binigyang diin ni Lagdameo na ang pagbibigay ng “sustainable livelihood” sa mga dating combatants ay kabilang sa pangunahing prayoridad ng administrasyong Marcos.
“Furthermore, our administration is fully cognizant of the challenges brought about by our present economic conditions. The pursuit of an economic agenda aimed at inclusivity and sustainable livelihood development, as well as providing former combatants a stable means of reintegration as contributing members of the society, will always remain a top priority,” ayon kay Lagdameo.
Sinabihan din nito ang mga ICCMN member agencies na siguruhin ang resources ng bansa sa kapwa Filipino.
Tinatayang 30 government agencies ang dumalo sa pagpupulong.
Samantala, sinabi naman ni outgoing Presidential Adviser on Peace Reconciliation and Unity at Department of National Defense officer in charge, Undersecretary Carlito Galvez Jr. na ang ICCMN meeting ay sumasalamin sa “collective commitment to the implementation of the Normalization Program in the Bangsamoro” ng gobyerno.
“With the gains we have achieved under the Bangsamoro peace process, there is a need for the ICCMN to sustain the momentum of all its initiatives, and make sure that they are making the greatest impact on the people we are serving – the Bangsamoro people,” ani Galvez.
Nag-ulat naman ang sub-clusters ng ICCMN ng kanilang major accomplishments na nagawa sa ilalim ng iba’t ibang bahagi ng Normalization Program.
Ang sub-clusters ay kinabibilangan ng Security Cluster na pinamumunuan ni Presidential Assistant David B. Diciano; Socioeconomic Cluster sa pangunguna ni Ariel C. Hernandez; at Confidence-building Measures at Transitional Justice and Reconciliation Clusters na pinamumunuan naman ni Presidential Assistant Wilben M. Mayor.
Ang ICCMN ay nilikha upang matiyak ang napapanahon, angkop at epektibong implementasyon ng Normalization Program sa ilalim ng Comprehensive Agreement on the Bangsamoro sa pamamagitan ng “close collaboration at greater synergy” sa hanay ng national line agencies.
Itinatag ito sa pamamagitan ng Executive Order (EO) 79 na ipinalabas ni dating Pangulong Rodrigo R. Duterte noong Abril 24, 2019.
Upang magpatuloy ang kapakinabangan na nakukuha sa ICCMN, nagpalabas ang administrasyong Marcos ng EO 6 noong nakaraang taon.
Tungkulin ng ICCMN na tiyakin ang whole-of-government approach para makalikha ng funding at resources na kailangan para ipatupad ang Normalization Program at baguhin ang buhay ng mga rebelde na maging produktibong miyembro ng lipunan.
Kapwa naman tumatayong co-chair ng ICCMN sina Lagdameo at Galvez.
Samantala, si Acting Presidential Peace Adviser Isidro L. Purisima ang magti-take over ng gampanin ni Galvez bilang co-chair matapos na ipalabas kamakailan ang appointment nito bilang pinuno ng Office of the Presidential Adviser on Peace, Reconciliation and Unity. Kris Jose
March 30, 2023 @9:49 AM
Views: 9
MANILA, Philippines – Sinabi ng Commission of Higher Education (CHED) na gumagawa na sila ng hakbang upang tugunan ang kakulangan sa mga nurse sa bansa dahil sa pangingibang-bansa.
Ani CHED Chairperson Prospero De Vera, gumagawa na ng ilang interbensyon ang ahensya upang mapigilan ang shortage sa mga nurse, katulad ng “retooling board non-passers, adopting nursing curriculum with exit credentials, redirecting non-practicing nurses and conducting exchange programs with other countries.”
“Under the nursing curriculum with exit credentials, students could have several options: exit at the end of Level I or II, obtain the certificate or diploma in Nursing, or choose to continue and finish the four-year nursing program to become a registered nurse,” iniulat ni De Vera sa Private Sector Advisory Council (PSAC) Health Sector group.
Aniya, sinusubukan na rin ng CHED ang flexible short-term masteral program upang masolusyunan ang kakulangan sa mga magtuturo sa nursing at medical schools.
Nauna nang inatasan ni Pangulong Ferdinand Marcos, Jr. ang CHED na resolbahin ang kakulangan ng mga nurse sa bansa na nakaaapekto sa pagbibigay ng epektibong healthcare.
Para naman sa Department of Health (DOH), kasalukuyan nilang sinusuri ang panukalang batas na Magna Carta for Public Health Care Workers and Philippine Nursing Act, kabilang ang pag-aaral sa standardization ng sahod ng mga nurse, doktor at iba pang healthcare workers.
Tututukan din nito ang mga bagong teknolohiya na magagamit sa liblib na lugar.
Matatandaan na sinabi noon ng DOH na nangangailangan ang bansa ng 35,000 na mga nurse. RNT/JGC
March 30, 2023 @9:36 AM
Views: 7
MANILA, Philippines – Nakapagtala ang Department of Health (DOH) nitong Miyerkules, Marso 29 ng 184 bagong kaso ng COVID-19.
Dahil dito ay umakyat sa 8,626 ang aktibong kaso ng sakit.
Kasabay nito ay umakyat din sa 4,080,732 ang nationwide caseload.
Samantala, iniulat din ng DOH na umakyat naman sa 4,005,747 ang recovery tally habang umakyat naman sa 66,359 ang death toll sa walong bagong nasawi.
Sa nakalipas na dalawang linggo, nananatiling ang National Capital Region (NCR) ang may pinakamataas na bagong kaso ng COVID-19 sa
714, sinundan ng Davao Region sa 325 kaso, Northern Mindanao sa 287, Calabarzon sa 247, at Soccsksargen sa 170.
Hanggang nitong Lunes ay mayroon namang 3,719 COVID beds ang okupado, habang nasa 20,429 ang bakante sa bed occupancy sa bansa na 15.4%. RNT/JGC
March 30, 2023 @9:23 AM
Views: 19
MANILA, Philippines – Nagpahayag ng kumpiyansa si Senate Majority Leader Joel Villanueva na susuportahan ng mga kasamahang senador ang report ni Senate ways and means committee chairman Sherwin Gatchalian na nagrerekomendang agaran nang ipagbawal ang
Philippine Offshore Gaming Operators (POGO) sa bansa.
“I have to say that I am confident with my colleagues that if they get a chance to really read into the committee report of Senator Gatchalian, they will sign,” ani Villanueva sa panayam.
Bagama’t batid niya na ang ilang mga kasamahan ay may reservations, tiwala ito na makakakuha ng sapat na pirma ang report para isponsoran sa deliberasyon sa Senado.
“I think it’s quite clear among all of us in the Senate, the majority of the members of the Senate are not in the dark in so far as [the] wicked effects of POGO is concerned,” ani Villanueva.
Pagdating naman sa epekto sa ekonomiya, sinabi ng senador na naniniwala siyang matutugunan ng Retail Trade Liberalization Law at pag-amyenda sa Public Services Act ang mawawalang kita sa pagbabawal ng POGO sa bansa.
“All things considered, this representation still firmly and undoubtedly believes that there are things that we are better off without, and these include POGOs,” sinabi ni Villanueva.
Nitong Martes, Marso 28, sinabi Gatchalian na inaasahan niyang isponsoran ang report ng Senate committee on ways and means kaugnay sa POGO, sa pagbabalik ng sesyon lalo’t marami nang senador ang pumirma dito matapos ang kanyang privilege speech. RNT/JGC
March 30, 2023 @9:10 AM
Views: 24
VATICAN CITY – Dinala sa isang ospital sa Rome si Pope Francis, 86-anyos dahil sa respiratory infection dahilan para kinailangan muna niyang mamalagi sa ospital ng ilang araw.
“In recent days Pope Francis has complained of some breathing difficulties,” sinabi ni Vatican spokesman Matteo Bruni sa isang pahayag.
Ang Papa ay dinala sa Gemelli hospital para sa ilang medical checks kaugnay ng isang “respiratory infection… that will require a few days of appropriate hospital medical treatment”, ani Bruni.
Bago nito ay sinabi na ng Vatican na dinala si Pope Francis sa ospital “for some previously scheduled checks.”
Ito na ang ika-10 taon ng panunungkulan ni Pope Francis bilang pinuno ng Simbahang Katolika, kung saan kamakailan ay nakita pa siyang nakikisalamuha sa publiko.
“Pope Francis is touched by the many messages received and expresses his gratitude for the closeness and prayer,” pahayag pa ni Bruni.
Ayon sa source sa Vatican, kinansela na ang mga appointments ng Santo Papa na nakatakda Huwebes ng umaga, Marso 30, oras sa Vatican. RNT/JGC
March 30, 2023 @8:57 AM
Views: 27
MANILA, Philippines – Aabot sa 10 katao ang iniulat na nasawi at pito ang nawawala makaraang masunog ang isang pampasaherong barko sa dagat na sakop ng Basilan nitong Miyerkules ng gabi, Marso 29, ayon sa Provincial Disaster Risk Reduction and Management Office (PDRRMO) nitong Huwebes, Marso 30.
Ayon kay Basilan PDRRMO chief Nixon Alonzo, ang ulat na ito ay mula sa Hadji Muhtamad Municipal DRRMO at sasailalim pa sa validation.
“Bale total po, according sa nalaman namin, apat na ang naiwan namin dito sa barko tapos noong dumating kami sa may port ng Isabela, may anim ding namatay. So all in all, 10 po ‘yung mga namatay po,” ani Alonzo sa panayam ng DZBB.
“Nakuha sila sa barko na patay or tumalon kasi yung iba sa dagat. Either nalunod or may mga nakita rin kami na signs na yung iba ay sunog din,” dagdag pa niya.
Nasagip naman aniya ang nasa kabuuang 195 pasahero at 35 crew mula sa nasusunog na passenger vessel.
Sa ulat, nakadaong ang MV Lady Mary Joy 3, sa pier ng Baluk-Maluk Island nang sumiklab ang sunog pasado alas-11 ng gabi.
Nakatakda sana itong bumiyahe patungong Jolo, Sulu.
Sa kasalukuyan ay nagsasagawa pa ng monitoring activities ang mga awtoridad upang matukoy kung may karagdagan pang nasawi.
Nagpapatuloy din ang search and rescue operations sa bisinidad ng Baluk-Baluk Island sa Hadji Muhtamad, Basilan, ayon sa ulat ng Coast Guard Station Basilan.
“Upon receipt of information regarding the said fire incident, a Search and Rescue (SAR) Team from Coast Guard Sub-Station Maluso immediately proceeded in the area of the incident and was able to retrieve one female cadaver,” sinabi ng Coast Guard sa isang Facebook post.
Ipinadala na rin ang dagdag na SAR Team na binubuo ng CGS Basilan, CGSS Lamitan at Special Operations Unit Team Lamitan.
Nakapagligtas naman ng apat na indibidwal at isang bangkay ng babae ang nakuha ng CGSS Hadji Muhtamad, na bumuo ng Joint Search and Rescue Team kasama ang Local Government Unit ng Hadji Muhtamad sa pangunguna ni Mayor Arsina Kahing-Nanoh.
Ipinadala na rin ang BRP Cape Engaño, BRP Tubbataha at MCS 3007 upang tumulong sa search and rescue operations.
Samantala, sinusuri naman ng Coast Guard Station Basilan, kung mayroong senyales ng oil spill sa nangyaring insidente. RNT/JGC
“Nakuha sila sa barko na patay or tumalon kasi yung iba sa dagat. Either nalunod or may mga nakita rin kami na signs na yung iba ay sunog din,” dagdag pa niya.
Ipinadala na rin ang BRP Cape Engaño, BRP Tubbataha at MCS 3007 upang tumulong sa search and rescue operations.