Barangay Treasurer nagbigti sa sling bag, patay

Barangay Treasurer nagbigti sa sling bag, patay

August 2, 2022 @ 7:49 PM 2 weeks ago


BENITO SOLIVEN, Isabela – Tuluyan ang nagpakamatay ang isang barangay treasurer matapos na magbigti gamit ang sling bag sa loob ng kanyang kuwarto sa Purok #2 sa Barangay Maluno Sur.

Sa ipinarating na ulat kay PMaj. Rufo Figarola Jr., hepe ng Benito Police Station ang nagbigti ay kinilalang si Fernando Justo, 48-anyos, may asawa, Barangay Treasurer sa naturang lugar.

Una rito, nakatanggap ang pulisya ng impormasyon mula kay Punong Barangay Crisanto Ancheta kaugnay sa pagpapatiwakal kanilang barangay treasurer na agad nilang tinugunan.

Posible umano na mayroon silang hindi pagkakaunawaan ng kanyang misis na nasa ibang bansa na isa sa nakikitang dahilan ng pagpapakamaty ng biktima.

Napag-alaman din na ilang araw nang balisa at tahimik ang biktima bago nangyari ang pagpapakamatay. Rey Velasco