MANILA, Philippines–Nilinaw ng Department of Health na hindi lamang sa iisang araw nangyari ang naitalang 277 deaths kahapon Setyembre 17 sa daily report ng COVID-19.

Paliwanag ni Health Usec Maria Rosario Vergeire,  hindi lamang ito nangyari ngayong Setyembre .

Aniya 167 lamang ang reported deaths ngayong buwan ng Setyembre; 83 noong Agosto; 18 noong Hulyo at ang iba ay naitala rin sa iba pang buwan ngayong taon.

Giit pa ni Vergeire, mayroong proseso na nangyayaring ganito dahil sa ginagawang validation ng local government units.

“Minsan kapag bumalik sa amin ang datos  ay medyo late na, kaya hindi po timely yung ibang mga deaths na naipapasok  pero kailangan kasi nating ireport  kaya naisasama sila  for our daily report ”, ani Vergeire.

Ang lahat ng 277 deaths na naiatala kahapon ay hindi lamang nangyari ngayong Setyembre kundi nangyari din sa nakalipas na mga buwan ng taong 2021. Jocelyn Tabangcura-Domenden

MANILA, Philippines—Tinatayang 46,558 katao na o 12,096 na pamilya ang apektado ng bagyong Kiko sa Luzon, ayon sa ulat ng National Disaster Risk Reduction and Management Council (NDRRMC).

Batay sa ulat, mula sa 186 na barangay sa Region 1, 2, 3, at Cordillera Administrative Region (CAR) ang nasabing apektado.

Sa kasalukuyan, 52 katao na ang nailikas at nananatili sa limang evacuation centers habang 204 0 51 pamilya naman ang namamalagi sa labas ng evacuation centers.

Naitala naman ng NDRRMC ang 27 kaatong nasaktan habang walang naitalang namatay sa kalamidad.

Hindi pa rin madaanan ang dalawang kalsada sa Region 2 habang pito naman sa Region 3.

Samantala, maaari naman ng madaanan ang ilang mga kalsada kabilang ang isa sa Region 1, anim na kalsada at tulay sa Region 2, at tatlong kalsada at tulay sa Region 3.

Pitong munisipalidad naman ang nakaranas ng kawalan ng kuryente at tubig.

Tinatayang 93 pasahero naman ang istranded sa Region 1, Region 2, Region 3, CALABARZON, Region 12, at CAR.

Nakapagtala na ang NDRRMC ng 652 bahayang nasira sa Region 2, Region 3 at CAR.

Habang ang nasira naman sa agrikultura ay P37,354,667.52 sa Region 2 at 3.

Sa ngayon nakahanda ang 866 food packs, 69 Assistance to Individual in Crisis Situation (AICS) at 30 hygiene kits sa Region 1, Region 2, CAR, na nagkakahalaga ng P789,012. RNT/RG

Manila – LUMILITAW na napahiya at namumulitika lamang si Sen. Richard Gordon at ang iba pang senador nang ipagdiinan ni

Commission on Audit chairperson Michael Aguinaldo na walang binabanggit ang 2020 audit reports nito na may nawawalang pondo ang Department of Health dahil sa katiwalian.

Iginiit din ng COA na wala itong sinasabi sa report na may overpricing sa pagbili ng Procurement Services ng Department of Budget and Management sa mga medical supplies.

Ginawa ng COA ang paglilinaw matapos tanungin ni Senator Christopher “Bong” Go si Aguinaldo sa pagdinig ng Senate Blue Ribbon Committee noong Biyernes.

Ang Blue Ribbon Committee ay pinamumunuan ni Sen. Gordon, isa sa mga kritiko ni Pangulong Duterte, na matagal nang may ambisyong maging presidente ng Piipinas.

Nabatid na ang auditing process ng COA ay nagpapatuloy kaya naman hiniling ni Go kay Aguinaldi na ipaliwanag ang obserbasyon nito sa nasabing report.

“Naglabas kami ng statement saying na wala naman sa findings that there was any money lost to corruption. Wala pong sinasabing gano’n ‘yung report. As noted, ‘yung sinabi do’n sa report is that there were deficiencies sa P67 billion in terms of documentation,” ayon kay Aguinaldo.

“‘Yung sa PS-DBM naman, ‘yung Annual Audit Report did not make any mention of overpricing … wala silang findings of overpricing. Ang findings nila were limited to the management of the inventories,” klinaripika pa ng COA chair.

Tinanong din ni Go kung ano na ang progreso sa pagsusumite ng DOH ng mga dokumento bilang pagsunod sa rekomendasyon ng COA na sagutin ang findings.

“’Yung normal process talaga is, after the audit report is transmitted to the agency, they have 60 days to comply with some of those recommendations… So, that’s left really to the discretion of the auditor kung ano ‘yung kailangang ma-comply within 60 days o hindi,” paliwanag ni Aguinaldo.

Ngunit tiniyak ni Aguinaldo kay Senator Go na mareresolba ang isyu sa tamang panahon at sinabing naisumite naman na ng DOH ang action plan nito, batay sa kanilang rekomendasyon.

“The resolutions on the different issues will come not all at the same time, one by one. But what’s important is may action plan na. Kasi ‘pag in-audit na ang 2021 Fiscal Year ng DOH, ang unang titingnan is compliance with prior years recommendations o itong mga recommendations na nag-submit na ang DOH,” paglilinaw pa ng COA chair.

Tinanong din ni Go ang COA head kung sa audit findings ba nito ay lumitaw na nai-deliver at nagamit nang tama sa dapat paggamitan ang mga nabiling medical supplies.

“Base sa review nila no’n nagche-check, nagta-tally naman ‘yung mga figures … Titingnan rin ‘yung mga documents – meaning ‘yung contracts and POs. At the time they made the audit, hindi kasi lahat ng documents na-submit pa. Pero may update na mukhang halos lahat ‘ata nag-submit na sila, so undergoing review pa ‘yon,” tugon ni Aguinaldo.

Dahil dito, iginiit ni Go na dapat maipagpatuloy ang audit process at ang anumang kalabasan nito ay kinakailangang maayos na mailabas para magkaroon ng linaw sa mga alegasyon.

“Ang importante rito, aksyonan na kaagad… The faster you clear these issues, the faster we can move on … Dahil kawawa ‘yung DOH. ‘Yung iba diyan gusto lang pong magtrabaho kaya lang nagiging busy sila ngayon dahil nahusgahan na kaagad sila na mayro’ng pagkukulang… dahil dito sa COA findings,” idiniin ni Go.

Binigyang diin ni Go na ang mga akusasyon ng anomalya na walang sapat na katibayan ay nakasisira lamang sa pagsisikap ng gobryeno na gawin ang mga nararapat sa pagtugon sa COVID-19 pandemic.

“Sana po’y pagkatapos no’ng 60 days na ibinigay n’yo, ilagay n’yo rin po iyong inyong findings kung mayro’n bang irregularities na nakita o naayos na ba o settled na ba. Para in fairness naman sa mga ahensya na nagtatrabaho at gusto nang makapagtrabaho. Kawawa naman silang nahuhusgahan kaagad sila,” ang apela ni Go.

Ibig kasi palitawin ng Blue Ribbon Committee ni Gordon at ng iba pang senador na kritiko ng administrasyon na may naganap na pandarambong sa pondo ng pamahalaan na laan sa pagtugon sa pandemya at pilit na ikinakabit ang pangalan nina Pangulong Duterte at ni Sen. Go.

Ngunit tingin ng marami, ang ginagawa ni Gordon at mga “kakamping senador” ay pangwawasak lamang sa gobyernong Duterte dahil sila ay pawang may mataas na ambisyon sa halalan sa susunod na taon.###

MANILA, Philippines —  Hindi mawawala ang Research Institute for Tropical Medicine (RITM) sa pagbubuo ng Virology Institute of the Philippines (VIP), batay kay Department of Health (DOH) Undersecretary at spokesperson Maria Rosario Vergeire.

“May mga pag-uusap pero kailangan ipaliwanag natin sa publiko na hindi totoo na i-a-abolish natin ang RITM. Ilalagay lang natin siya sa isang malaking institution na maaaring mas ma-improve natin and mapalawak pa natin ang kanilang expertise sa research at pagpapagawa ng bakuna,” paliwanag ni Vergeire.

 “Hindi po totoo na i-a-abolish siya. Maisasama lang siya sa isang mas malaking institution para mas magkaroon siya ng mas maraming resources at mas ma-expand natin ang expertise natin.”

Inilunsad ang RITM noong 1981 at naatasang magplano at magpatupad ng implement research programs para sa mga nakahahawang sakit at tropical diseases. RNT/FGDC

Manila, Philippines – Hinikayat ng Department of Health (DOH) ang mga ospital na magsumite ng datos sa emergency room admission data nang regular upang makatulong sa pagpapatupad ng bagong COVID-19 alert level system sa Metro Manila.

Ito ang iginiit ni Health Undersecretary Maria Rosario Vergeire makaraang hikayatin ni Healthcare Professionals Alliance Against COVID-19 (HPAAC) ang gobyerno na ayusin ang ‘inadequate’ reporting system.

“Actually nakapagusap na kami with them. May mga kaunting challenges lang po talaga ang national government for us to be able to get the necessary data especially sa mga [emergency room] admission,” saad ni Vergeire sa Laging Handa briefing.

“So kami po ay nananawagan sa mga ospital na sana we can regularly get your data on ER admissions para maisama natin ito sa ating mga tinitingnan.”

“The health professionals po they look at their specific hospitals, we look at the whole country. So pagka ganito ‘yung challenges napakarami po and specifically po yung compliance sa submission ng reports,” dagdag pa ni Vergeire. RNT/FGDC