Big-time rollback sa petrolyo asahan sa susunod na linggo!

Big-time rollback sa petrolyo asahan sa susunod na linggo!

November 25, 2022 @ 1:52 PM 1 week ago


MANILA, Philippines – Asahan ang malaking tapyas sa presyo ng produktong petrolyo sa susunod na linggo.

Ito ay ayon sa local oil industry sources nitong Biyernes, Nobyembre 25.

Sa pagtaya batay sa nakaraang apat na araw na palitan, posible ang P3.70 hanggang P3.90 na bawas presyo sa kada litro ng diesel.

Samantala, nasa P1.10 hanggang P1.30 kada litro naman sa presyo ng gasolina ang posibleng mabawas.

“May inaasahan tayong rollback sa lahat ng produktong petrolyo,” ayon kay Department of Energy-Oil Industry Management Bureau (DOE-OIMB) Assistant Director Rodela Romero.

Sa kabila nito, posible pa aniya na magbago ang inaasahang price adjustments sa magiging resulta naman ng oil trading ngayong araw.

Karaniwang inaanunsyo ng mga oil companies tuwing Lunes ang price adjustment at ipinatutupad ito sa kasunod na araw.

Nitong Martes, Nobyembre 22 ay nagpatupad ng P0.40 na bawas sa presyo sa kada litro ng gasolina, P2.15 na tapyas sa kada litro ng diesel at P2.10 naman na bawas sa kada litro ng kerosene. RNT/JGC