Binata, 4 beses tinarakan ng distilyador ng katoma!

Binata, 4 beses tinarakan ng distilyador ng katoma!

August 8, 2022 @ 3:19 PM 2 months ago


Bulacan- Kalunos-lunos ang sinapit ng binata matapos pagsasaksakin ng kainumang karpintero sa lungsod ng San Jose Del Monte (SJDM).

Kinilala ang suspek na si Ernesto Floro, 53, habang ang biktima ay si Rolly Sara, 36, helper, kapwa residente ng Brgy. Kaypian.

Sa report ng SJDM police, nangyari ang insidente bandang ala-1:35 ng madaling araw nitong Agosto 7, sa Brgy. Julo Kaban.

Ayon sa inisyal na imbestigasyon at sa salaysay ng saksi, masayang nag-iinuman ang dalawa nang biglang magkaalitan at magsuntukan.

Sa kasagsagan ng suntukan ay dumampot ng screwdriver ang suspek hanggang sa
tarakan ng tatlong beses sa dibdib at kanang braso ang biktima.

Nang humupa, agad dinala ang sugatang biktima sa Ospital ng Lungsod para sa paunang lunas habang ang suspek ay mabilis na tumakas sa lugar.

Dahil dito, mabilis na humingi ng saklolo ang mga kaanak ng biktima sa mga tanod na rumesponde sa lugar kaya naaresto ang suspek at isinuko naman sa pulisya kalaunan.

Nahaharap ang suspek sa kasong frustrated murder habang nakakulong sa naturang istasyon ng pulisya. Dick Mirasol III