MANILA, Philippines- Sinabi ni Outgoing Health Secretary Francisco Duque III nitong Martes na ang two-week growth rate ng paglaki ng mga impeksyon ay hindi na kaugnay na hakbang sa pagtatasa ng sitwasyon ng COVID-19 sa isang lugar.

Kinakalkula ng two-week growth rate ng paglago kung gaano karaming mga kaso ang natala sa isang partikular na lokasyon sa nakalipas na dalawang linggo, pagkatapos ay inihahambing ito sa karaniwang pang-araw-araw na mga kaso dalawang linggo bago. Mula noong Setyembre 2020, ito ay kabilang sa mga batayan sa pagpapasya kung tataas o hindi ang pag-uuri ng panganib ng isang lugar.

Ngunit noong Hunyo 27, binasura ng Inter-Agency Task Force (IATF) ang panukat na ito. Sa halip, sinabi nito na ang pag-uuri ng panganib ay ibabatay sa average daily attack rate (ADAR) — na tumutukoy sa bilang ng mga tao sa bawat 100,000 populasyon na nahawahan araw-araw — pati na rin ang paggamit ng pangangalagang pangkalusugan.

Ayon kay Duque, ang dalawang linggong sukatan ng growth rate ay nawalan ng kahalagahan at kaugnayan. Itinuring ng kalihim na hindi na ito kinakailangan at, sa isang punto, nakikita ito bilang isang “alarmist metric.”

“It was unnecessary. We are nimble and the IATF listens to our experts, and our experts are all in consensus na hindi na kailangan itong talagang [that we don’t really need this] two-week growth rate.”ani Duque.

“Kasi kung zero case ka tapos nagkaroon ka ng tatlo, 300 % na, high-risk ka na, e tatlong kaso lang. E, hindi naman na ito panahon na walang bakuna. Meron tayong bakuna at maganda ang masking natin,” paliwanag ni Duque.

Sa mga pagbabago, ang isang lugar ay nasa mababang panganib kung wala pang anim na tao bawat 100,000 ang nakakakuha ng COVID-19 araw-araw at kung, sa parehong oras, ang mga kama sa ospital at paggamit ng kagamitan ay mas mababa sa 50%.

Samantala, ang lugar ay tataas sa katamtamang panganib kung ang ADAR ay umakyat sa anim hanggang 18 katao sa bawat 100,000 populasyon habang 50% hanggang 70% ng mga healthcare resources ay ginagamit na rin.

“Sa tingin namin, ‘yung dalawang ‘yun na lang ang more accurate measure ng situation. So tinanggal ang isa, again to simplify para ‘di na mahirapan tayo,” sabi ni Duque said, at idinagdag na ang paggamit ng ADAR at pangangalagang pangkalusugan ay palaging isasaalang-alang.

Ang mga lugar sa Maynila na inilagay kamakailan sa ilalim ng moderate risk ay muling ibababa.

Inihayag ni Health Undersecretary Maria Rosario Vergeire noong Sabado na ang Pasig, San Juan, Quezon City, Marikina, at Pateros ay tumaas sa moderate risk dahil sa kanilang dalawang linggong growth rate na higit sa 200%. Ngunit isa lamang ang may bahagyang pagtaas sa pagpasok sa ospital na higit sa 50%.

Ayon sa health chief, ang pinakamataas na ADAR sa Metro Manila nitong Martes ay 3 kada 100,000 populasyon. Jocelyn Tabangcura-Domenden 

MANILA, Philippines- Inanunsyo ni Vice President Leni Robredo nitong Martes na ilalaan niya ang dalawang araw pagkababa sa pwesto sa paglulunsad ng kanyang anti-poverty Angat Buhay nongovernment organizationsa Hulyo 1 at 2 kung saan magkakasa ng street at art festival tampok ang mementos na ibinigay sa kanya ng mga taga-suporta sa 2022 presidential campaign.

“We are officially launching the Angat Buhay program at our Volunteer Center on July 1, 2022. To celebrate, there will also be a two-day street and art festival, where some of the pink memorabilia and artworks we received during the campaign will be featured,” pahayag ni Tobredo.

Nag-post din si Robredo ng link kung saan ang mga nais na personal na dumalo sa event sa gitna ng COVID-19 ay maaaring magpalista.

Subalit ang attendance slots ay agad na naubos, dalawang oras makalipas niya itong i-post.

Sinabi naman ni Robredo na ipalalabas nang live ang event para sa mga hindi makadadalo.

“For those who will not be able to join us, we will be setting up a live streaming link so that everyone can be part of this exciting new adventure for Angat Buhay,” dagdag niya.

Inilabas din ni Robredo ang listahan ng official social media pages ng Angat Buhay:

• Facebook: https://facebook.com/angatbuhaypilipinas

• Twitter: https://twitter.com/angatbuhay_ph

• Instagram: https://instagram.com/angatbuhay

Nauna nang ihayag ni na hihingin muna niya ang permiso ng artis bago ibenta ang memorabilia na ibinagay sa kanya noong kampanya upang makakalap ng pondo para sa Angat Buhay NGO na aagapay sa mga komunidad na nangangailangan.

“We catalogued these paintings to classify which ones will go to Angat Buhay museum and which ones will be sold to raise funding for the Angat Buhay NGO so all of them could be of good use,” sabi ni Robredo. RNT/SA

MANILA, Philippines- Habang ang mga manggagawa sa bansa ay nagsisimula nang bumalik sa kani-kanilang trabaho, ang pandemic task force ng gobyerno ay nagbigay mandato sa mga employers na i-require ang kanilang  onsite workers na magpabakuna laban sa virus.

Ito’y matapos na i-update ng Inter-Agency Task Force for the Management of Emerging Infectious Diseases (IATF-EID) ang  Covid-19 testing policy ng bansa.

Sinabi ng IATF na ang pagbabakuna sa mga  onsite workers ay dapat na mandatory  sa mga lugar na may sapat na suplay ng bakuna.

Samantala, ang  employers  ay obligadong i-require ang kanilang mga unvaccinated onsite workers na sumailalim sa regular Covid-19 tests, lalo na sa  RT-PCR (reverse transcription polymerase chain reaction) test isang beses kada dalawang linggo o weekly antigen test.

“Testing requirements shall be waived for areas under Alert Level 1, subject to the implementation of clinical-based management, including symptomatic testing. However, testing requirements shall be reinstated in areas under Alert Level 2 or higher,” ayon sa IATF.

“Employees in the public sector, including local government units, may cover the costs of the RT-PCR or antigen tests to be administered, subject to availability of funds, and civil service, accounting and auditing rules and regulations,” ayon pa rin sa IATF.

Exempted naman mula sa testing requirement ang mga manggagawa  na may “recent Covid-19 infection within 90 days and those with alternative working arrangements that do not require onsite reporting.” Kris Jose

MANILA, Philippines- Muling nagbabala ang pamunuan ng Bureau of Immigration (BI) sa publiko laban sa sindikato ng human trafficking na nambibiktima ng mga bata, kababaihan, at mga manggagawa sa ibang bansa patungo sa Middle East at Gulf Regions.

Ang babala ni BI Commissioner Jaime Morente ay kasunod ng isang insidente na isang babaeng Indian ang ni-rescue dahil sa pagmamaltrato ng kanyang employer sa Kuwait.

“It is important that we do not take the issue of human trafficking lightly.  This modern-day slavery is still very rampant, and it is happening both here and in other parts of the world,” ayon kay Morente.

Paliwanag ni Morente na karamihan sa mga human traffickers ay hinihikayat ang kanilang biktima sa mataas na sahod kahit na wala ito mga legal na dokumento.

“As a result, those victims of human trafficking are led up to experience compensation issues, or worse— mental and physical abuse abroad,” ayon sa BI Chief.

Ayon naman kay BI Travel Control and Enforcement Unit (TCEU) Head Timotea Barizo, pinaalalahanan niya ang publiko na maging mapagmasid sa mga nag-aalok sa kanila ng trabaho sa Middle Eastern countries kung saan mataas na sahod ang naghihintay sa kanila.

“Aspiring OFWs should practice caution and transact only with persons and agencies accredited by the government. If caught, those illegal recruiters and human traffickers are doomed to face imprisonment,” ayon sa kanya.

Sa datos, umabot sa 491 na mga mananakay ang inendorso ng Inter-Agency Council Against Trafficking (IACAT) na posibleng biktima ng human trafficking. JAY Reyes

MANILA, Philippines- “Solemn and simple.”

Ganito ilarawan ng Marcos camp ang inagurasyon ni  President-elect Ferdinand “Bongbong” Marcos Jr. bilang ika-17 Pangulo ng Pilipinas sa Hunyo 30 sa National Museum sa Maynila.

Ayon kay Franz Imperial,  isa sa mga namumuno sa  preparation committee ng nasabing event, ang  programa ay  “all set” na maliban sa ilang minor details na hanggang sa ngayon ay isinasapinal pa.

“The program we have prepared is very solemn and simple. It would be very traditional dahil sabi nga ni BBM sa vlog niya, ‘hindi kami lilihis pa sa tradisyon,’” ayon kay  Imperial.

Ang Television host na si  Toni Gonzaga  ang kakanta ng Philippine National Anthem  habang ang inauguration song na “Pilipinas Kong Mahal,” ay aawitin naman ng singer na si Cris Villonco at Young Voices of the Philippines Choir.

Manunumpa si Marcos sa harap ni  Supreme Court (SC) Chief Justice Alexander Gesmundo.

Tinanggap ni Gesmundo ang kahilingan na siya ang mag-administer ng oath taking ni Marcos.

Wala namang ibinigay na karagdagang detalye hinggil sa  inaugural speech  ni Marcos subait sinabi ni Imperial na ang  incoming president  ay hindi na mangangailangan pa ng  teleprompter.

Samantala, isinasapinal pa ang detalye ng ecumenical invocation.

Sa kabilang dako, sa isinagawang  press conference  ng subcommittee on security, traffic, and communications na idinaos sa Camp Crame, sinabi ni  Interior Secretary Eduardo Año na tatagal ang nasabing event ng mahigit-kumulang dalawang oras.

“More or less siguro, baka two hours lang itong event na ‘to. At ito ay magsisimula around 10:50 in the morning and we expect na ang kanyang oath-taking exactly 12 noon. And then, after the speech ay tapos na ang ating event o ceremony,” anito.

Isang 30-minute military-civil parade naman ang gagawin sa naturang event, ayon kay  Imperial.

Tinatayang may 2,213 security personnel ang sasama sa military parade  mula sa Armed Forces of the Philippines, Philippine Coast Guard, at Philippine National Police (PNP).

“We have a total of 2,213 troops na mag-participate sa military parade,” ang pahayag ni  Joint Task Force National Capital Region commander Brigadier General Marceliano Teofilo.

Idinagdag pa nito na magpapartisipa rin ang  kadete mula sa Philippine Military Academy at Philippine National Police Academy at maging ang mga  regular at special troops.

Makikita rin sa military parade ang armored vehicles at artillery equipment.

Kabilang din sa military parade ang  flyby ng military air assets gaya ng  “planes and choppers.”

Para naman sa  civic composition  ng military parade, sinabi ni Metropolitan Manila Development Authority Chairperson Romando Artes na ang mga kinatawan ng sektor ng medical frontliners, overseas Filipino workers, athletes, labor force, agriculture, transportation, metro aides, at iba pa ay makikiisa rin.

Sinabi naman ni NCRPO chief Police Major General Felipe Natividad  na may  1,250 “VIPs at VVIPs” ang inaasahan na dadalo sa oath-taking event.

“We are expecting 1,250 — those are VIPs and VVIPs. That is aside from the ‘yung mga pupunta nating mga kababayan doon,”  anito.

Ang  incoming Office of the President at PNP Police Security and Protection Group  naman ang bahala sa  mga heads of states.

Ani Año, ang mga VIPs ay pupunta muna sa Philippine International Convention Center para sa  screening.  TInatayang 60 buses ang magsasakay sa mga ito para dalhin sila sa venue, sa  National Museum.

Sinabi pa ni Artes na pinag-uusapan na ng mga Alkalde ng Kalakhang Maynila ang posibleng deklarasyon na “holiday” sa kani-kanilang lugar para sa inagurasyon ni Marcos.

Samantala, nagdeklara na si Outgoing Manila Mayor Isko Moreno  ng special non-working holiday sa Lungsod ng Maynila sa Hunyo 30 para sa inagurasyon ni Marcos.

“More than 18,000 public safety and security forces would be deployed to secure Marcos’ inauguration, according to the National Capital Region Police Office. No security threat has been monitored so far,” ayon sa  Philippine National Police.

May ilang lansangan naman ang  isasara sa mga motorista upang i- secure ang mga lugar sa paligid ng  National Museum at Malakanyang bago pa ang aktuwal na araw ng inagurasyon. Kris Jose