MANILA, Philippines – Pinaalalahanan ng Inter-Agency Task Force (IATF) ang publiko na maging kalmado at huwag mag-panic sa pagtaas ng kaso ng mas nakahahawang Delta variant sa bansa.

“Huwag po nating pangunahan ‘yong mga lockdown or anything like that. We don’t want to create a sense of panic also sa ating mga kababayan,” saad ni IATF co-chairperson at Cabinet Secretary Karlo Nograles.

“A sense of heightened responsibility na lang siguro, ‘yong i-heighten na lang ang ating pagbabantay, pag-iiwas, mga health protocols… not a sense of panic,” apela nito sa publiko.

Ito ay matapos irekomenda ng OCTA research group na magpatupad ng “circuit-breaking” lockdown upang mapigilan ang pagtaas ng kaso sa Metro Manila.

Siniguro ni Nograles na mananatiling bukas ang ekonomiya ng bansa para sa community quarantine sa Agosto.

Nakatakdang magpulong muli ang task force sa Huwebes.

“Hopefully by tomorrow or sa Friday, mai-announce na natin ano ‘yong community quarantine classifications natin para sa buong bansa… Abangan na lang natin,” saad ng opisyal.

Samantala, pinahintulutan ng IATF ang mga lokal na pamahalaan na magpatupad ng granular lockdowns sa mga lugar na may pagtaas ng COVID cases.

Nitong Lunes, sa huling SONA ni Pangulong Duterte, sinabi nito na hindi na kakayanin ng bansa ang muling pagpapatupad ng lockdown. RNT/ELM

MANILA, Philippines – Isusulong pa rin sa Kamara ang Bayanihan 3 sa kabila ng pahayag ng Malakanyang na hindi na ito kailangan.

“The (P401) billion Bayanihan 3 is already tapos na sa atin and ang napag-agreehan yata dito between the Senate and the House of Representatives and ‘yung grupo ng economic managers is to consolidate it much more to about, if I’m not mistaken, about P140 to P170 billion para liliit kasi hindi nga makahanap ng budget pero so far, nakahanap na raw ng budget. I think magpo-proceed ito,” sinabi ni House Deputy Speaker Michael Romero sa Ugnayan sa Batasan media forum.

“I reiterate the call for both the Executive branch of government and the economic managers to pursue itong Bayanihan 3, kahit on a smaller scale. Puwede mo naman i-tier 1, tier 2 funding,” dagdag ng mambabatas.

Giit ng ilang mambabatas na dapat kaagad matugunan ang mga pangangailangan ng mga Filipino sa gitna ng pandemya kung saan nakapaloob ito sa Bayanihan 3.

Anila hindi kaagad mabibigyan ng ayuda ang mga Filipino kung isasama ito sa General Appropriations Act sa susunod na taon. RNT/ELM

MANILA, Philippines – Kinumpirma ng Department of Labor and Employment (DOLE) na walong food firms sa ilalim ng San Miguel Corporation (SMC) group ang  nakasunod sa safety compliance makaraang gawaran sila ng safety seal sa awarding ceremony sa Pasig City.

Kabilang sa SMC  subsidiaries na matagumpay na bakakuha ng safety certification ay ang  San Miguel Foods, Inc.; Purefoods-Hormel Company Inc., Magnolia, Inc.; San Miguel Mills (head office at branch); Golden Bay Grain Terminal Corp.; San Miguel Food and Beverage, at San Miguel Super Coffeemix Co. Inc.

Pinuri naman ni Labor Secretary Silvestre Bello III ang  SMC, at nagsasabi na nararapat itong kilalanin hindi lamang dahil sumusunod ito sa mga proteksyon sa kaligtasan ipinataw ng gobyerno  ngunit dahil din sa kapuri-puri na proseso ng pagtatrabaho.

 “Indeed, San Miguel Corporation’s safety compliance is truly commendable. However, it is more important to note that the company hires its employees directly and not from agencies,” ayon kay  labor secretary .

Pinasalamatan naman ni San Miguel Foods, Inc. Assistant Vice President at Head ng Human Resources Daniel De Castro  ang kahusayan ng  DOLE’s safety seal application process.

“The process was very easy. The [DOLE’s Bureau of Working Condition’s] website [that guides the application process] was both user- and reader-friendly. The application went smoothly, but it was also rigorous because the company had undergone assessments and onsite inspections,” paliwanag ni De Castro .

Naglagay din ang kompanya ng  handwashing spaces, foot baths, at plastic barriers sa mga pangunahing lugar sa kanilang tanggapan upang makasunod sa mga kinakailangan sa sertipikasyon.

Nagpapatupad din ang SMC ng mga hakbang sa kaligtasan patungo sa kaligtasan ng mga empleyado nito.

Ayon kay  San Miguel Foods, Inc. President Francisco Alejo III, halos 80 percent ngvSMC workforce ay bakunado na.

“Thirty percent of our employees also work from home to ensure that we can effectively practice social distancing in our workplace,” dagdag pa ng  food company chief .

Ang SMC ay isa sa pinakamalaki at ‘diversified conglomerates’ ng bansa na  may mga negosyo sa industriya ng pagkain at inumin, packaging, fuel at langis, kuryente , at industriya ng  imprastraktura.

Ipinakitansa huling datos ng  DOLE – Bureau of Working Conditions (BWC), na iginawad ng labor department  ang  110 safety certifications sa buong bansa , 14 rito ay mula sa  National Capital Region.

“The SMC group is the second food company to qualify for the certification, and we are looking forward to awarding more safety certificates in the coming weeks,” sinabi ni DOLE-NCR Director Sarah Buena Miraflor . Jocelyn Tabangcura-Domenden

MANILA, Philippines – Inihain sa Kamara ang isang resolusyong mag-aabswelto sa buwis at iba pang bayarin sa mga insentibong matatanggap ng isang national athlete.

Sa House Bill 9891 o Hidilyn Diaz Act of 2021 ni House committee on ways and means chairperson Joey Salceda, hindi papatanawan ng buwis ang monetary donations at rewards ng isang national athlete at coach.

Aamyendahan nito ang Section 4 ng Republic Act No. 10699.

“I run after big-time smugglers and tax evaders. The foregone taxes are just too small to even both collecting, not to mention diminishing the honor and national pride our athletes have gifted us,” pahayag ni Salceda.

“I’m not willing to rain on national pride by insisting that we collect taxes on our national athletes. Neither should the law. So we will change the law,” dagdag ng mambabatas.

Aniya, hindi ipaantala ang deliberasyon sa resolusyon upang ma-enjoy ng mga atleta ang benepisyo.

Niluluto na rin sa Senado ang kaparehas na resolusyon para sa Olympic gold medalist. RNT/ELM

MANILA, Philippines – Magdadala ng mga pag-ulan sa Ilocos Region, Batanes, Babuyan Islands, Apayao, Abra, Benguet, Zambales, Bataan, at Occidental Mindoro ang habagat, ayon sa Philippine Atmospheric, Geophysical and Astronomical Services Administration (PAGASA).

Batay sa 24-hour forecast ng PAGASA, may posibilidad ng mga pagbaha at pagguho ng lupa dahil sa mga kalat-kalat hanggang sa malawakang pag-ulan na dala ng habagat.

Panaka-nakang ulan din ang epekto ng habagat sa Metro Manila, CALABARZON, Bicol Region, nalalabing bahagi ng Cagayan Valley, natitirang parte ng Cordillera Administrative Region, nalalabing mga lugar sa Central Luzon, natitirang bahagi ng MIMAROPA, Antique, at Aklan.

Samantala, magiging bahagya hanggang sa maulap na may hiwa-hiwalay na pag-ulan o thunderstorms ang nalalabing mga lugar sa bansa. RNT/ELM