Casimero “puro dada walang gawa”- Donaire

Casimero “puro dada walang gawa”- Donaire

August 29, 2021 @ 2:30 PM 10 months ago


MANILA, Philippines – Tinawag ni Nonito Donaire Jr. ang kampo ni John Riel Casimero na puro dada at walang gawa.                                                                                                                                                                                                                                                                                                                                                                          Ayon sa WBC bantamweight champion na hanggang hindi kinakausap ni Casimero at kanyang promoter na si MP Promotions chief Sean Gibbons ang kanyang handler na si Richard Schaefer, wala umano siyang nakikitang magaganap na laban.

“Contrary to what is being presented on social media, all the antics and TALK, Quadro Alas It’s my boy and Sean Gibbons have YET to contact our promoter, Richard Schaefer, about wanting to fight, despite their call out on Aug 14,” ani Donaire sa Facebook post.

“We are currently weighing all REAL options and will not entertain social media wars when it is apparent it was just talk,” ayon sa post ni Donaire.

Dapat sana ay maghaharap sina Donaire at Casimero sa All-Filipino title unification bout noong Agosto 14 pero naunsiyame dahil sa hindi pagkakaintindihan.

Hawak ni Casimero ang WBO bantamweight title habang si Donaire ang WBC king.

Nauwi sa pag-atras ni Donaire sa laban matapos ang umano’y pambabastos ni Casimero sa kanyang pamilya at hindi pag-eenrol ni Casimero sa Voluntary Anti-Doping Association’s testing program para sa performance-enhancing drugs.

Pero sinabi ni Casimero na natakot lang si Donaire sa kanya gaya ni Japanese champion Naoya Inoue.

“I always call [out] Naoya Inoue, but now I know he’s scared of me, like Donaire,” wika nito.

“But, you know, if he signed a contract, let’s do it. I fight him. But, you know, Naoya Inoue and Donaire [are] all scared. I don’t know what happened,” wika pa nito. Rico Navarro