Cayetano, inimbitahan ang Iran para makiisa sa “Build, Build, Build”

Cayetano, inimbitahan ang Iran para makiisa sa “Build, Build, Build”

August 3, 2018 @ 11:03 AM 5 years ago


 

Manila, Philippines – Inimbitahan ni Foreign Secretary Alan Peter Cayetano ang Iran upang makiisa sa programa ng Pilipinas na “Build, Build, Build” nang makipagkita siya sa Iranian counterpart sa regional meeting kahapon (August 2) sa Singapore.

Nakipag-usap si Cayetano sa Singapore kay Iranian Foreign Minister Mohammad Javad Zarif sa sideline ng naganap na Association of Southeast Asian Nations (ASEAN) foreign ministers’ meeting.

“During the meeting, Foreign Minister Zarif congratulated the Philippines on the passage of the Bangsamoro Organic Law and its independent foreign policy,” sabi ng Philippine Department of Foreign Affairs (DFA) sa Facebook post.

“For his part, Secretary Cayetano invited Iran to take part in the Philippines’ Build, Build, Build program,” dagdag pa ng DFA patungkol sa programa ng gobyernong pagpapatayo ng mas maraming imprastraktura sa ilalim ng adminitrasyong Duterte.

Tinalakay ng dalawang foreign minister sa meeting ang bilateral relations sa pagitan ng Manila at Tehran.

Nangyari ang meeting nang magsamasama ang ASEAN foreign ministers sa Singapore para sa regional meeting. Remate News Team