Swak sa kalaboso ang isang driver na listed bilang top 10 most wanted sa karnaping matapos matimbog ng pulisya sa ikinasang manhunt operation sa Malabon City, kamakalawa ng tanghali.

Kinilala ni Malabon police chief P/Col. Amante Daro ang naarestong akusado bilang si Justine Francis Gonzales, 26 ng Block 40 C, Lot 6, Lapu-Lapu Street, Barangay Longos, Malabon City.

Kanyang ulat kay Northern Police District (NPD) Director PBGen Ponce Rogelio Peñones Jr, sinabi ni Col. Daro na nakatanggap ng impormasyon ang mga tauhan ng Warrant and Subpoena Section (WSS) na naispatan ang presensiya ng akusado sa kanilang lugar.

Alinsunod sa kamanpanya ng PNP kontra wanted persons, agad nagsagawa ang mga tauhan ng WSS, kamasama ang 4th MFC RMFB-NCRPO ng joint manhunt operation na nagresulta sa pagkakaaresto sa akusado dakong alas-12:00 ng tanghali sa Lapu-Lapu Street, Barangay Longos.

Si Gonzales na listed bilang top 10 most wanted person ng Malabon ay inaresto sa bisa ng warrant of arrest na inisyu ng Regional Trial Court (RTC) Branch 290, Malabon City noong March 10, 2023 para sa paglabag sa RA 10883 o ang New Anti Carnapping Act of 2016 na may inirekomendang piyansa na Php300,000.00 para sa kanyang pansamantalang kalayaan.

Pansamantalang nakapiit ang akusado sa Costudial Facility Unit ng Malabon CPS habang hinihintay pa ang ilalabas na commitment order ng korte. Boysan Buenaventura

HIMAS-rehas ngayon ang isang lalaki matapos na mahuli sa akto ng babaeng kanyang binobosohan habang naliligo sa banyo kagabi sa lungsod ng Quezon.

Kinilala ni Quezon City Police District (QCPD) Director PBGEN Nicolas Torre III ang dinakip na si Angelo Dizon, 21 anyos, residente ng Alicia, Isabela.

Ayon kay Batasan Police Station 6 Commander PLTCOL Morgan Aguilar, pasado 9:00 ng gabi nang maganap ang insidente.

Lumalabas na habang naliligo ang biktima na si Krizia Dominique Largo Capanzana nang mapansin nito na mayroong celphone na nakapasok sa butas ng banyo.

Dahil dito, mabilis na lumabas ng banyo ang biktima at nahuli nito sa akto ang suspek sanhi upang humingi ito ng tulong sa kanyang kasama na naging dahilan upang madakip si Dizon.

Nakapiit na ang suspek na nahaharap sa kasong paglabag sa Unjust Vexation at paglabag sa R.A 9995 o ang Anti-Photo and Video Voyeurism Act.

“Nagpapasalamat ako sa publiko sa pagtitiwala niyo sa kapulisan at pagtulong niyo para mahuli ang mga ganitong tao na gumagawa ng di kanais-nais. Nawa’y ipagpatuloy po ninyo ang pagreport sa mga taong gumagawa ng kahit anumang krimen, para tayo’y manatiling ligtas sa bawat oras,” pahayag ni Torre. Jan Sinocruz

MANILA, Philippines – Arestado ang tatlong tulak ng illegal na droga, kabilang ang isang high value individual (HVI) sa isinagawang buy-bust operation ng pulisya sa Valenzuela City.

Kinilala ni PMAJ Dennis Odtuhan, hepe ng District Drug Enforcement Unit (DDEU) ng Northern Police District (DDEU) ang mga naarestong suspek na sina Edward Navarro alyas “Eway”, 42, (HVI), Edsel Franco, 37, at Rolando Peralta, 45, pawang residente ng Brgy. Bignay.

Sa kanyang report kay NPD Director PBGen Ponce Rogelio Peñones Jr., sinabi ni Major Odtuhan na dakong alas- 3:30 ng madaling araw nang magsagawa ang mga operatiba ng DDEU sa pangunguna ni PSMS Michael Tagubilin ng buy bust operation sa Galas St., Brgy. Bignay, matapos ang natanggap na impormasyon hinggil sa illegal drug activities ng mga suspek.

Kaagad sinunggaban ng mga operatiba ang mga suspek matapos bentahan ng P3,500 halaga ng umano’y shabu ang isang pulis na nagpanggap na poseur buyer.

Nakumpiska sa mga suspek ang tatlong medium size heat sealed transparent plastic sachets na naglalaman ng aabot 18 grams ng hinihinalang shabu na may standard drug price value P122, 400, buy bust money na isang P500 bill at 3-pirasong P1,000 boodle money at envelope

Ang mga suspek ay mahaharap sa kasong paglabag sa RA 9165 o ang Comprehensive Dangerous Drug Act of 2002. R.A Marquez

ILOCOS SUR-Patay ang isang 56-anyos na lalaki habang dalawang iba pa ang sugatan  matapos  magbangga ang isang tricycle at motorsiklo sa national highway sa Brgy. Las-ud, Tagudin ng lalawigang ito kagabi.

Kinilala ng Tagudin Municipal Police Station ang driver ng kulay itim na Suzuki Smash 115 motorcycle na si Julius Sumbad y Daogas, 50, may asawa, residente ng Brgy. Paratong, Tagudin, Ilocos Sur.

Kinilala naman ang driver ng tricycle na si Ronaldo Cuaresma y Nafrada, 56, walang asawa, residente ng Brgy. Magsaysay ng naturang bayan.

Kasama ni Cuaresma na nakasakay sa tricycle ang isang menor de edad na pasahero nito.

Papunta umano ng opposite direction ang dalawang sasakyan at pagdating sa lugar, tinangka ng tricycle na mag-overtake sa sinusundan nitong sasakyan at dito na nangyari ang banggaan.

Ang driver  ng tricycle ay nagtamo ng head injury at agad na dinala sa ospital ngunit idineklarang dead on arrival ng umatending doktor.

Nagtamo naman ng minor injuries ang 10-anyos na pasahero ng tricycle samantalang nagkaroon naman ng fracture sa kaliwang paa at kanang kamay ang driver ng motorsiklo. Rolando Gamoso

MANILA, Philippines – Bangkay na nang lumutang ang isang lalaki na nagpaalam sa kanyang kainuman na mamimitas lang ng mangga para sana may maipulutan sa masaya sana nilang inuman.

Kinilala ang biktimang si Jerico Pago, ng Baliuag, Bulacan na nalunod umano sa irrigation canal na katabi lang ng puno.

Samantala, sa Barangay Mainang sa Bamban, Tarlac, nalunod naman ang isang 12-anyos na Grade 4 pupil matapos na magkayayaan na maligo sa ilog kasama ang mga kabarkada ng biktima. RNT