Chinese national patay sa kaaway

Chinese national patay sa kaaway

December 28, 2022 @ 12:30 PM 1 month ago


COTABATO CITY- PATAY ang isang Chinese national matapos barilin ng umano’y nakaaway nito sa loob ng kanyang bahay, kaninang umaga sa lungsod na ito.

Kinilala ang biktimang si Joseph Yu,60 anyos,may asawa at residente ng Don Cesar Street Barangay Poblacion 3 Cotabato City.

Tugis naman ng pulisya ang isa sa person of interest na hindi pa pinangalanan habang isinasagawa ang imbestigasyon.

Batay sa report ng Cotabato City Police Station 1, naganap ang krimen sa may kusina ng bahay ng biktima sa nasabing lugar.

Abala ang biktima sa kanyang kusina ng bigla na lamang siyang binaril sa ulo ng suspek saka tumakas.

Nagawa pang isugod sa ospital ang biktima subalit sa daan pa lamang ay nalagutan na ito ng hininga.

Lumabas sa paunang pagsisiyasat ng pulisya, bago ang krimen nagkaroon ng pagtatalo ang suspek ang biktima sa hindi pa malaman na dahilan./Mary Anne Sapico