Comelec academy itatatag ni Garcia

Comelec academy itatatag ni Garcia

August 7, 2022 @ 4:41 PM 2 months ago


MANILA, Philippines – Pinaplano ni Poll Chairman George Garcia na lumikha ng Commission on Elections (Comelec) Academy sa kanyang termino.

Layunin aniya nito na sanayin at turuan ang lahat ng mga papasok at kasalukuyang empleyado at opisyal ng kanilang mga tungkulin, at mga responsibilidad.

“There will be officials or employees that will say they will just learn their jobs in the next six months to one year,” ani Garcia sa press briefing sa August 3.

“What we want is everyone we will hire must undergo training and learn our curriculum,” aniya pa.

Sinabi ni Garcia na maging ang kanilang mga kasalukuyang empleyado ay sasailalim sa mga kinakailangang pagsasanay.

“Learning must be constant. Your knowledge must always be upgraded,” giit pa niya.

Sinabi ni Garcia na iuutos na niya ang pagsasagawa ng feasibility study sa usapin.

Bukod sa pagtatatag ng Comelec Academy, nais din ng poll chief na lumikha ng Office of the Comelec Spokesperson bilang permanenteng entity, at isang marshal ng Comelec.

“The Comelec marshal is the one that implements all our issuances,” giit pa ni Garcia. RNT