Complementary role ng public, private school sa edukasyon, pinasusuri ng Senado
January 11, 2023 @ 2:57 PM
2 weeks ago
Views: 128
Remate Online2023-01-11T12:29:10+08:00
MANILA, Philippines – Habang hinihimok ng Private Education Assistance Committee (PEAC) ang pamahalaan na huwag pabayaan ang mga pribadong paaralan, ipasusuri naman ni Senador Sherwin Gatchalian sa Senado ang complementary roles o nagkakaisang papel ng pampubliko at pribadong paaralan sa pagkamit ng pambansang layunin at sustainable development goals sa edukasyon.
Sa pahayag, sinabi ni Gatchalian na nagpapatupad ang PEAC ng mga programang namamahagi ng tulong pinansyal sa pribadong paaralan mula sa pamahalaan.
Sa isang panayam, binanggit ni PEAC Executive Director Doris Ferrer na kinakailangang pagtapatin ang sahod ng public at private school teachers.
Binanggit niya rin ang panukalang palawigin ang mga programa tulad ng Educational Service Contracting (ESC) upang maging bahagi nito ang mga mag-aaral sa elementary.
Sa pamamagitan ng ESC, ang mga sobrang kapasidad ng mga sertipikadong private junior high school ay nilalaan sa mga mag-aaral na pupunta sana sa mga pampublikong paaralan. Kasama ng mga naturang slot ang ayudang tinatawag na ESC grants.
“Kasabay ng ating pagrepaso sa buong sektor ng edukasyon ang pagtugon natin sa mga hamong kinakaharap ng mga pribadong paaralang katuwang natin sa paghahatid ng dekalidad na edukasyon. Tutulungan natin silang makabangon, lalo na’t nakaranas sila ng matinding pinsala dahil sa pandemya ng COVID-19,” ani Gatchalian.
Para sa School Year (SY) 2021-2022, ang enrollment sa mga private schools ay mas mababa ng 23 porsyento, bagay na nagdulot ng pagsasara ng 185 na mga paaralan noong panahon iyon.
Noong nakaraang taon, inihain ni Gatchalian ang Proposed Senate Resolution No. 12 na isinusulong ang pagrepaso ng Senado sa pagpapatatag sa complementary roles ng mga pampubliko at pribadong mga paaralan sa sistema ng edukasyon sa bansa.
Ani Gatchalian, Chairman ng Senate Committee on Basic Education, kailangang makabuo ng isang dynamic at responsive na framework sa pagpapatupad ng principle of complementarity na nakasaad sa 1987 Constitution.
Pinuna rin ni Gatchalian ang pagkakaiba sa sahod ng mga guro sa mga pampubliko at mga pribadong paaralan.
Sa pagsisimula ng ikalawang semestre ng School Year (SY) 2019-2020, ang average monthly salary ng mga guro sa mga pampublikong mga paaralan ay P22,316.
Ayon naman sa isang survey ng Coordinating Council of Private Educational Associations of the Philippines (COCOPEA) sa mga member associations nito, P14,132 ang average na sahod kada buwan ng isang private school teacher sa elementarya, P15,048 sa junior high school, at P16,258 sa senior high schools.
Bagama’t nagkaroon ng public-private partnership sa edukasyon dahil sa na-amyendahang Expanded Government Assistance to Students and Teachers in Private Education, binigyang diin ni Gatchalian na may mga hamon pa rin sa pagpapatupad nito. Ernie Reyes
January 27, 2023 @3:49 PM
Views: 4
MANILA, Philippines – Palalakasin ng Philippine Coast Guard (PCG) at Malaysian Maritime Enforcement Agency ang paglaban sa krimen sa dagat na naghahati sa teritoryo ng Pilipinas at Malaysia.
Ito ay matapos magkaroon ng pagpupulong sa pagitan ng dalawang bansa sa pangunguna ni Coast Guard Commandant Admiral Artemio Abu.
Kabilang sa tinalakay ay ang mga banta at hamon na kapwa kinakaharap ng dalawang bansa base sa umiiral na mga batas.
Gayundin ang posibilidad nang magkasamang pagsasanay sa pag-iimbestiga at pagtugon sa mga insidente sa karagatan. Jocelyn Tabangcura-Domenden
January 27, 2023 @3:36 PM
Views: 9
MANILA, Philippines – Naipagkaloob na ng Bangsamoro Autonomous Region in Muslim Mindanao (BARMM) ang P21 milyon halaga ng libreng medical assistance sa indigent patients sa rehiyon.
Ayon Ministry of Social Services and Development (MSSD) Atty. Raissa Jajurie, ibinigay ng ahensya ang P21 milyon halaga ng tseke nitong Huwebes, Enero 26 kay Mercury Drug Cotabato branch manager Daniel Ulep para magpasalidad sa pagbibigay ng libreng gamot sa mga pasyente.
Sa ilalim nito, maaaring makakuha ng libreng gamot ang mga pasyenteng may hawak na referral mula sa MSSD sa mga branch ng Mercury Drug sa mga lungsod ng Cotabato, Tacurong, Iligan at Zamboanga; maging sa mga bayan ng Midsayap at Kabacan sa North Cotabato.
Ani Jajurie, layon nito na palakasin pa ang pagbabahagi ng Bangsamoro Critical Assistance for Indigents in Response to Emergency Situations (B-CARES) program ng MSSD para sa mga indigent patients na mangangailangan ng gamot.
Samantala, sasailalim sa interview ang pasyente o authorized representatives nito upang malaman kung kwalipikado ang mga ito bilang benepisyaryo ng naturang programa.
“Once deemed qualified, a guaranty letter will be issued, and they can proceed to Mercury Drug to get the medicine,” aniya.
Ang mga pasyenteng mangangailangan ng tulong ay maaaring magtungo sa opisina ng MSSD at ipakita ang reseta ng doktor kabilang ang date of issuance ng prescription, kumpletong pangalan, PRC license number at pirma ng umatending doktor.
“Through this, the indigent patients or a representative will no longer go through a tedious process of seeking assistance from BARMM,” sinabi pa ni Jajurie.
Samantala, nangako naman si Ulep na patuloy na magbibigay ng tamang gamot at serbisyo ang Mercury Drug sa indigent patients.
“Hopefully, this program will continue to help make life easy for indigents, especially those in need of immediate medication,” sinabi pa niya. RNT/JGC
January 27, 2023 @3:23 PM
Views: 20
MANILA, Philippines – Nasa 80 distressed overseas Filipino workers (OFWs) mula Kuwait ang dumating na sa bansa nitong Biyernes, Enero 27 ayon sa Overseas Workers Welfare Administration (OWWA).
Sa pahayag, sinabi ng OWWA na ang ika-apat na batch ng distressed OFWs mula sa nasabing bansa ay dumating sa Ninoy Aquino International Airport (NAIA) Terminal 3 bandang 5:40 ng umaga.
Sinalubong naman ng repatriation team ang mga dumating na OFW.
“Bukod sa pagkain at inumin, nakatanggap din ng financial assistance ang bawat isa sa kanila,” ayon sa OWWA.
Matatandaan na nauna nang binisita ng team mula sa Department of Migrant Workers ang government-run facilities sa Kuwait kung saan namamalagi ang mga distressed OFW doon.
Inihanda rin ng ahensya ang agarang repatriation para sa mga ito.
Inaasahan na darating sa bansa sa mga susunod na araw ang ikalimang batch ng OFWs mula Kuwait. RNT/JGC
January 27, 2023 @3:10 PM
Views: 20
MANILA, Philippines – Tiniyak ng Department of Migrant Workers (DMW) sa publiko na blacklisted na ang Kuwaiti employer ng napatay na overseas Filipino worker (OFW) na si Jullebee Ranara.
Si Ranara, 35-anyos ay pinatay ng 17 taong gulang na anak ng kanyang employer.
Ang kanyang katawan nito ay sinunog at inabandona sa disyerto sa Kuwait.
“Definitely, blacklisted na siya,” sabi ni DMW Secretary Susan Ople.
Dagdag pa ng kalihim, sinampahan na ng disciplinary action ang employer dahil sa pagkamatay ni Ranara.
“We already preventively suspended the employer because of the death of our OFW. Sinampahan na rin po natin ng disciplinary action against the employer,” pagbabahagi naman ni DMW Undersecretary Bernard Olalia sa isang press briefing.
Samantala, haharap din sa recruitment violation case at disciplinary action ang local at foreign recruitment agency ng napatay na OFW.
“Si agency naman po, si Catalist, ‘yung local recruitment agency dito at ‘yung kanyang counterpart, ‘yung FRA (foreign recruitment agency) na si Platinum, meron na rin pong hinaharap na recruitment violation case at saka isang disciplinary action against the employer also and against the counterpart,” ani Olalia.
“Ongoing po ‘yung ating investigation at ‘pag napatunayan po nating nagpabaya, definitely, hahantong din po ‘yun sa isang sanction,” dagdag pa niya.
Kasalukuyang naka-detain na ang suspek sa pagpatay kay Ranara.
Inaasahang darating sa bansa Biyernes ng gabi, Enero 27 ang labi ng Pinay OFW. Jocelyn Tabangcura-Domenden
January 27, 2023 @2:57 PM
Views: 20
MANILA, Philippines – Iniulat ng Commission on Elections (Comelec) nitong Biyernes, Enero 27 na nakumpleto na ang pag-imprenta sa official ballots sa apat na rehiyon at isang probinsya sa bansa.
Ito ay gagamitin para sa isasagawang Barangay at Sangguniang Kabataan Elections (BSKE) sa Oktubre.
Ayon kay Comelec spokesperson John Rex Laudiangco, ang mga balotang ito ay para sa Bangsamoro Autonomous Region in Muslim Mindanao, Caraga, Soccsksargen, Davao Region at probinsya ng Batanes.
“Per update of the printing committee, 15 percent of the projected ballot quantities have been printed,” mensahe ni Laudiangco sa mga mamamahayag.
Idinagdag din ng opisyal na dadagdagan pa nila ang mga pagdinig sa susunod na buwan ng Election Registration Board (ERB) para sa applications for registration na isinumite ng mga voter applicants.
“These are projected figures as the final quantity will be determined after the conduct of the Election Registration Board Hearings come February, to include all approved applications for this registration cycle, as well as those subject for inclusion/exclusion by the Courts. The 15 percent fully completed is comprised of the 4 regions subject of first deployment (BARMM, CARAGA, XI, XII and the Province of Batanes), with additional printings to be done, if any, per the results of the coming ERB Hearings,” dagdag pa ni Laudiangco.
Nagsimulang mag-imprenta ng balota ang Comelec noong nakaraang taon bilang paghahanda sana para sa nakatakdang December 5 election.
Sa kabila nito, pinirmahan bilang batas ni Pangulong Ferdinand Marcos Jr. ang
Republic Act 11935 na nag-uusog sa BSKE sa Oktubre 30, 2023. RNT/JGC
