MANILA, Philippines – Kadalasang hindi napapansin ang mga sakit sa kalusugang pangkaisipan kaya marami ang hindi natutukoy ang mga senyales at sintomas, inihain ni Senador Christopher “Bong” Go ang Senate Bill No. 1786 na mag-aatas sa public higher education institutions (HEIs) na maglagay sa kani-kanilang campus ng Mental Health Office.

“One’s mental health has always been my priority, especially when the COVID-19 hit the country. Palagi itong iniiwasan na pag-usapan dahil kadalasan nahihiya sila sa posibilidad na ma-discriminate sila ng tao. But mental health is an important part of your well-being kaya dapat huwag natin ito pabayaan,” iginiit ni Go, tagapangulo ngbSenate committee on health and demography.

Ayon sa mga pag-aaral, ang mga ulat na datos ng pagpapakamatay sa bansa ay tumaas, partikular sa mga kabataan, sa nakalipas na ilang dekada.

“Kaya hindi po dapat natin ito palagpasin. Mental health is very important to address just like any other health concern,” anang senador.

Layon ng SBN 1786 na inihain ni Go noong Enero 26 na palakasin ang mental health services ng HEIs sa pamamagitan ng paglalagay ng Mental Health Office sa lahat ng kampus, pagkuha, pag-deploy at pagsasanay ng karagdagang HEI-based mental health service personnel.

Ang mga opisina ng mental health ay magtatalaga ng hotlines na may dedikado at sinanay na tagapayo. Nakasaad din sa panukalang batas na dapat bigyan ng espesyal na atensyon ang mga natukoy na may problema o kondisyon sa kalusugan ng isip, lalo ang mga nasa panganib na magpakamatay.

“Alam n’yo, umpisa pa lang ng pandemya, marami na pong naiulat na nakaka-experience ng depression… Marami rin nawalan ng kabuhayan,” ani Go.

“Umpisa pa lang ng krisis, talagang maraming apektado to the point na tumataas rin ang depression and worse, suicide cases. We have to address this issue,” idiniin ng mambabatas.

Ayon sa isang pag-aaral na isinagawa ng University of the Philippines Population Institute, 7.5% ng mga kabataang Pilipino ay nagtangkang magpakamatay noong 2021.

Iniulat din ng pag-aaral na sa pagitan ng 2013 at 2021, ang “suicide ideation” sa mga kabataang Pilipino ay higit sa doble.

“Hindi po ako titigil sa pagsasagawa at pagsuporta sa mga programa para makatulong sa ating mga kabataan at mga kababayan na may mental health disorders. Hindi po biro ito. Magtulung-tulong tayo para mabigyan ng sapat na suporta at pondo ang ating mga mental health programs,” ayon kay Go. RNT

MANILA, Philippines – Itinanggi ng National Bureau of Investigation (NBI) ang alegasyon laban sa kanilang tauhan na nang-abuso ng dalawang suspek na sangkot sa kaso sa pagkawala ng mga sabungero.

“The NBI takes exception to the reported torture, planting of evidence and rape by the NBI – Task Force Against Illegal Drugs (NBI-TFAID) personnel band it’s Chief”, pahayag ng NBI.

“We believe that this issue is related to the three cases filed by NBI-TFAID against the Manio brothers and the PNP-NCRPO-RDEU (Philippine National Police-National Capital Region Police Office-Regional Drug Enforcement Unit),” dagdag pa ng NBI.

Naniniwala ang ahensya na ang isyu ay may kaugnayan sa tatlong kaso na inihain ng NBI-TFAID laban sa kampo ni Joyce Manio.

Ayon sa NBI, hindi pa ito nakakatanggap ng pormal na reklamo.

“Nonetheless, once furnished with the same, the NBI will answer all the allegations in accordance with the legal procedure in the proper forum. Rest assured that the NBI will continue to unwaveringly perform its mandate in providing quality services to the public,” ayon pa sa ibinahaging pahayag sa mga mamamahayag.

Pagtitiyak ng NBI na patuloy na gagampanan ang kanilang mandato sa pagbibigay ng serbisyong dekalidad sa publiko.

Si Manio ay naghain ng complaint-affidavit sa Office of the Deputy Ombudsman for the Military and Other Law Enforcement Offices laban sa siyam na NBI personnel para sa umano’y “sexual assualt , planting of evidence, torture, graft, incriminating innocent persons and delay in the delivery of detained persons to the proper judicial authorities”.

Gayundin ang kasong administration para sa “serious dishonesty, grave misconduct, oppression, conduct prejudicial to the best interest of the service, sexual harassment and violation of the Code of Conduct and Ethical Standards of Public Officials and Employees.” Jocelyn Tabangcura-Domenden

MANILA, Philippines – Inaprubahan ng Philippine Economic Zone Authority (PEZA) ang nasa kabuuang P6.393 bilyon halaga ng investments para sa unang buwan ng 2023.

Sa year-on-year basis, lumago ng 83.69% ang booked investments sa PEZA mula sa P3.48 bilyon na inaprubahan nito sa kaparehong buwan noong 2022.

“The PEZA Board has approved a total of 19 new and expansion projects of ecozone locators and developer/operators expected to bring in P6.393 Billion investments,” ayon sa pahayag ni PEZA officer-in-charge Tereso Panga nitong Miyerkules, Pebrero 1.

Sa naturang halaga, ang inaprubahang investments ay binubuo ng 18 new at expansion projects — 11 para sa export manufacturing enterprises, apat sa facilities enterprise, dalawa sa IT enterprise, at isa para sa domestic market enterprise — na nagkakahalaga ng P2.277 bilyon.

Ang inaprubahan naman na P4.116 bilyon ay para sa isang economic zone development project.

“With the positive start of the year, we are bullish with our outlook this year, targeting a 10% investment growth based on the initial locator sector targets,” ani Panga.

Target ng PEZA ang 10% increase sa investments o mas mataas sa P140.7 bilyon na investments na naitala mula Enero hanggang Disyembre 2022, o 103.03% na mas mataas kumpara sa kaparehong panahon noon namang 2021.

“With the inclusion of the ecozone development program in the new Philippine Development Plan, we are positive that more ecozones will be approved and created especially in the countryside,” pagbabahagi ni Panga.

“Ecozones can be shields to soften the landing of the headwinds, the external constraints, and all these global disruptions happening especially during this time. The other side to this is that ecozones can be economic drivers to accelerate economic recovery and growth,” dagdag niya.

Sa ilalim ng PDP 2023-2028, inaatasan ang PEZA na pabilisin ang implementasyon ng ecozone transformation roadmap na magpapalawak sa iba’t ibang uri ng special economic zones na nakarehistro sa ilalim ng PEZA, kabilang ang “the new frontiers for ecozone development.” RNT/JGC

MANILA, Philippines – Tututukan ni newly-appointed Social Welfare and Development Secretary Rex Gatchalian ang pagsasaayos sa listahan ng mga benepisyaryo ng ahensya.

“May bagong technology. We just have to make sure na maayos ‘yung listahan. So ayan ang priority one natin, siguraduhin na tama ‘yung listahan,” pagbabahagi ni Gatchalian sa panayam ng DZBB nitong Miyerkules, Pebrero 1.

Ani Gatchalian, digitalization ang end product nito.

“We have to start off with the list. ‘Yung list kasi marami ‘yan eh, meron list from PSA, may list from NEDA, may list from DSWD,” dagdag niya.

“Data, marami tayong data pero kailangan talaga may tao na mag aanalisa kung ano ba talaga, sino ba talaga ang hinahabol namin,” pagpapatuloy ng Kalihim.

Samantala, sinabi ni Gatchalian na walang magaganap na restructure sa Department of Social Welfare and Development (DSWD).

“Ako, klaro, I plan to work with the existing bureaucracy. May talento, may puso ‘yung mga nasa DSWD,” aniya.

“Hindi kasi ako ganoong klaseng tao. I will work with you as long as you want to get your hands dirty, meaning pare-parehas tayo mag trabaho,” dagdag nito.

Nitong Martes, Enero 31 ay nanumpa si Gatchalian sa harap ni Pangulong Ferdinand Marcos Jr. bilang bagong Kalihim ng DSWD. RNT/JGC

MANILA, Philippines – Hindi makakaapekto sa pagbisita ni Pangulong Ferdinand Marcos Jr. sa Japan sa susunod na linggo ang kontrobersiya sangkot ang apat na puganteng Japanese na kasalukuyang naka-detain sa bansa.

Ito ang sinabi ni Department of Foreign Affairs (DFA) Assistant Secretary Neal Imperial nitong Miyerkules, Pebrero 1 kung saan ang naturang isyu ay tinutugunan na ng Department of Justice at ng Japanese Embassy sa Maynila.

“If there is a decision to deport these concerned Japanese nationals, the Philippines will follow the timeline of deportation proceedings in accordance with the Philippine laws,” ani Imperial kasabay ng pre-departure briefing sa Malacañang.

Si Marcos ay bibisita sa Japan mula Pebrero 8 hanggang Pebrero 12.

“We feel that this is totally unrelated to the visit of the President. This is a consular matter being handled by the Department of Justice and the Japanese Embassy here and our embassy in Japan with the Ministry of Justice in Tokyo,” pahayag pa ni Imperial.

“We don’t think it will affect, in any way, the visit of the President and we do not expect it to be raised during his meeting with counterpart.” RNT/JGC