COVID ikatlong nangungunang dahilan ng pagkamatay ng Pinoy – PSA

COVID ikatlong nangungunang dahilan ng pagkamatay ng Pinoy – PSA

February 23, 2022 @ 7:41 AM 4 months ago


MANILA, Philippines – Ang coronavirus disease 2019 (COVID-19) ay ikatlo sa nangungunang sanhi ng pagkamatay sa Pilipinas sa unang 11 buwan ng 2021, ayon sa Philippine Statistics Authority (PSA).

Nanguna naman ang ischemic heart at cerebrovascular disease bilang mga pangunahing dahilan ng ikinamatay ng mga Pilipino dagdag pa ng PSA.

Base sa pinakahuling datos mula sa PSA ay nagpakita na ang ischemic heart disease ay ang nangungunang sanhi ng dami ng namamatay sa bansa mula Enero hanggang Nobyembre 2021, na may 125,913 kaso o 17.9% ng kabuuang pagkamatay.

Ito ay 31.9% na pagtaas mula sa 95,439 na kaso o 17% ng kabuuang pagkamatay sa parehong panahon noong 2020.

Ang mga sakit sa cerebrovascular ay pumangalawa naman na may 68,180 na pagkamatay o 9.7%.

Umabot sa 16.6% na pagtaas mula sa 58,476 na pagkamatay o 10.4% sa parehong panahon noong 2020.

Ang mga pagkamatay dahil sa COVID-19 (natukoy na virus) ang pangatlong nangungunang sanhi, na may 67,494 na pagkamatay (9.6%), mula sa rank 14 na may 8,390 na pagkamatay (1.5%) sa parehong panahon ng 2020.

“Figures in this release, specifically for deaths due to COVID-19, may differ from the one released by the Department of Health (DOH) because the figures in this release were obtained from the certificates of death particularly the descriptions written on the medical certificate portion therein as reviewed by the health officer of the local government unit concerned,” anang PSA sa pahayag.

“On the other hand, the figures released by the DOH were obtained through a surveillance system. Furthermore, figures in this release for deaths due to COVID-19 refer to both confirmed and probable cases as of registration.”

Ang mga neoplasms o cancer ang pang-apat naman na nangungunang sanhi ng pagkamatay sa bansa na may 54,853 kaso o 7.8%.

Ang mga pagkamatay dahil sa diabetes mellitus (44,491 o 6.3%), na nasa ikalima, ay may pagtaas ng 22.4%. RNT