Dagdag-bawas sa presyo ng produktong petrolyo asahan

Dagdag-bawas sa presyo ng produktong petrolyo asahan

September 16, 2022 @ 6:01 PM 1 week ago


MANILA, Philippines – Asahan na ng mga motorista ang posibleng dagdag-bawas sa presyo ng mga produktong petrolyo sa darating na linggo.

Base sa oil trading monitoring sa nakalipas na apat na araw, sinabi ng isang source ng industriya ng langis na ang presyo kada litro ng diesel ay maaaring mabawasan ng P2.80 hanggang P3.10 at kerosene na nasa P3 sa kada litro nito habang maaari ding magtaas sa presyo ng gasolina na nasa P0.30 hanggang P0.60 kada litro.

Epektibo nitong Setyembre 13, nagpatupad ang mga kompanya ng langis sa bansa ng bawas presyo na P0.45 sa kada litro ng gasoline, P1.45 sa kada litro ng diesel at P1.70 sa kada litro ng kerosene.

Dahil dito, ang year-to-date na kabuuang adjustments ay tumaas ng P16.50 kada litro para sa gasoline, P34.80 kada litro sa diesel, at P29.90 sa kada litro ng kerosene. Jay Reyes