Dahilan ng sakit ng mga naninigarilyo tinukoy ng mga eksperto
February 1, 2023 @ 5:46 PM
2 months ago
Views: 233
Remate Online2023-02-01T16:29:31+08:00
MANILA, Philippines – Inihayag ng dalawang “leading oncologists” sa buong mundo na hindi ang nikotina kundi ang nasusunog na sigarilyo, na nakalilikha ng usok, ang nagtataglay ng “toxic chemicals at carcinogens.”
Sinabi ni Dr. Peter Harper, consultant medical oncologist sa Guy’s and St. Thomas Hospital sa London at chairman ng Toulouse Cancer Centre sa France, na habang ang mga tao ay naninigarilyo para sa nicotine, namamatay naman ang mga ito mula sa pagsusunog ng tobacco ng mahigit sa 350°C.
“The combustion of tobacco generates smoke and ash containing a toxic mix of chemicals that causes serious health effects, including fatal lung diseases and cancer,” wika ni Dr. Harper, sumulat ng mahigit sa “400 papers at chapters” sa peer-reviewed publications at kinilala naman sa buong mundo para sa kanyang gawa sa pagsasaliksik sa bagong droga at pagdebelop ng “improved forms” ng cancer treatment.
Sinabi naman ni Dr. David Khayat, professor ng Oncology sa Pierre et Marie Curie University at pinuno ng Medical Oncology at La Pitié-Salpétrière Hospital, parehong sa Paris, na ang nicotine ay hindi nagiging sanhi ng cancer.
“Doctors even prescribe nicotine replacement therapy [NRT] to help smokers quit. Exposure to the carcinogens present in the smoke of combustible cigarette is what causes cancer. There is a dose-response relationship – the greater the exposure to a carcinogen, the higher the risk to develop cancer,” ayon kay Dr. Khayat, isa ring adjunct professor sa MD Anderson Cancer Center sa Houston, Texas.
“Tobacco harm reduction can help smokers lessen their exposure to carcinogens,” ayon kapuwa sa dalawang eksperto.
Kabilang naman sa THR ang paggamit ng innovative smoke-free at less-harmful nicotine delivery devices gaya ng e-cigarettes (vapes) at heated tobacco products.
Ito ay isang public health strategy na naglalayong magbigay ng smoke-free alternatives para bawasan ang peligrong dulot ng paninigarilyo at magbigay ng nikotina sa mga tao na hindi pwede o ayaw tumigil sa paninigarilyo o mayroong “approved methods.”
Tinuran pa rin nina Dr. Harper at Dr. Khayat na sa Pilipinas, pinagtibay ng Kongreso noong Hulyo 2022 ang Vape para i-regulate ang “importation, manufacture, sale, packaging, distribution, use and communication of vapes and heated tobacco products.”
Mahigit naman sa 14 milyong Filipino adults ang itinuturing na smokers, ito ang makikita sa resulta ng 2021 Global Adult Tobacco Survey.
Natuklasan din na ang Pilipinas ay may 3.9% smoking quit rate, sumasalamin sa “ineffectiveness” ng kasalukuyang naaprubahan o pinagtibay na smoking cessation strategies gaya ng “quitting cold turkey” at NRT.
“Heated tobacco products heat tobacco to a lower temperature of less than 350°C, ensuring combustion does not occur while delivering nicotine to the user. Because there is no combustion, heated tobacco products have 95% less harmful chemicals compared to cigarettes,” ayon kay Dr. Harper.
Sinabi pa ni Dr. Khayat na “HTPs deliver the same nicotine peak delivered by combustible cigarettes, so heated tobacco product users get the nicotine fix they are looking for.”
“However, nicotine is not the only factor in addiction to tobacco; there is also the so-called ‘smoking ritual’ where the smoker lights the cigarette, puts it in their mouth, puffs on it, and so on. Heated tobacco products provide the same ritual involved in combustible cigarettes, which is why there has been a rapid uptake of heated tobacco products among former smokers, particularly in Japan,” ang pahayag pa rin ni Dr. Khayat.
Sa kabilang dako, “Japan has the highest prevalence of heated tobacco use and is the country where heated tobacco products have captured the highest share of the tobacco market,” ayon namn sa ginawang pananaliksik ng Philip Morris International.
Ang “most popular brand” ay IQOS na produkto ng PMI.
Lumabas din sa pananaliksik ng PMI na ang paggamit ng heated tobacco sa Japan ay nataon naman sa mabilis na pagbaba ng sales o benta ng namamayani na “combustible tobacco categories, cigarettes at cigarillos.”
Sinasabing sa lahat ng brands, naabot ng heated tobacco products ang mahigit sa “one third” ng kabuuang tobacco market noong 2021.
Makikita naman sa Japanese National Health and Nutrition Survey (NHNS) na ang matinding paghina ng adult cigarette smoking ay nangyari kasunod ng introduction o pagpapakilala sa heated tobacco products.
Habang 20% ng adults na napaulat na naninigarilyo kada araw o ilang araw noong 2014 (bago pa ipakilala ang heated tobacco products), ang “smoking prevalence” ay bumaba ng 13% noong 2019.
Makikita rin sa survey na ang napakalaking mayorya ng heated tobacco users ay pumalo sa 76% noong 2019, hindi nag-report ng kahit na anumang cigarette smoking.
Sa ulat, Hulyo 2020, pinahintulutan ng U.S. Food and Drug Administration ang marketing ng IQOS bilang modified risk tobacco products, gawing “first tobacco product” ang IQOS na makatatanggap ng “exposure modification” orders mula sa ahensya.
“Exposure modification orders permit the marketing of a product as containing a reduced level of or presenting a reduced exposure to a substance or as being free of a substance when the issuance of the order is expected to benefit the health of the population,” ayon sa ulat.
Samantala, kinumpirma at bineripika ng US FDA ang available na ebidensya ukol sa IQOS at inaprubahan ang mga sumusunod na impormasyon: “The IQOS system heats tobacco but does not burn it. This significantly reduces the production of harmful and potentially harmful chemicals. Scientific studies have shown that switching completely from conventional cigarettes to the IQOS system significantly reduces your body’s exposure to harmful or potentially harmful chemicals.” RNT
March 23, 2023 @9:49 AM
Views: 13
MANILA, Philippines – Hinimok ni Interior Secretary Benhur Abalos ang mga kapitan ng barangay na pag-usapan at imbitahan ang kanilang mga residente upang suportahan ang Buhay Ingatan, Droga’y Ayawan (BIDA) program ng pamahalaan.
Sa kaniyang speech sa Barangay Assembly Day noong Lunes, Marso 20, hinimok ni Abalos ang mga komunidad na maging BIDA advocates at sama-samang labanan ang illegal na droga.
“Gamitin natin ang makabuluhang pagtitipon na ito upang tulungan ang buong pamahalaan para mapababa ang demand sa iligal na droga at sisimulan natin yan sa ating mga pamayanan. Naniniwala ako na kaya nating gawin ito basta’t magtutulungan tayo,” aniya.
Ayon kay Abalos, magandang pagkakataon ang barangay assembly upang maabot ang mga residente sa komunidad at ipaliwanag ang kahalagahan ng kooperasyon sa pagitan ng mga ahensya ng pamahalaan, local governments, barangay at iba’t ibang sektor, maging ang publiko upang labanan ang illegal na droga sa pamamagitan ng BIDA program.
Aniya, ang estratehiya na ito ng programa ay holistic at nakatutok sa rehabilitasyon.
“Hiling natin na tulungan tayo ng ating mga kababayan hanggang sa mga barangay upang mas lumakas pa at maging epektibo ang ating kampanya sa pamamagitan ng aktibong partisipasyon sa mga susunod na BIDA activities,” sinabi pa ni Abalos.
Ayon sa kanya, marami rin ang mga nakilahok sa matagumpay na paglulunsad ng BIDA Fun Run at Service Caravan noong Pebrero 27 sa Mall of Asia, Pasay City na dinaluhan ng 16,245 BIDA advocates habang nasa 10,000 partisipante naman ang nakilahok sa fun run sa Laguna.
Sa pamamagitan ng Memorandum Circular No. 2023-032, inaabisuhan ni Abalos ang lahat ng mga alkalde at kapitan ng barangay na siguruhin ang pagdaraos ng Barangay Assembly Days, na obligado sa
ilalim ng Local Government Code and Proclamation No. 599-2018, tuwing Sabado o Linggo ng Marso at Oktubre. RNT/JGC
March 23, 2023 @9:36 AM
Views: 8
MANILA, Philippines – Pinanindigan at kinumpirma ni Pangulong Ferdinand Marcos Jr. na papayagan nito ang Estados Unidos na magkampo ang tropa nito at mga kagamitan sa apat pang bagong sites sa iba’t ibang panig ng bansa.
Ito’y sa gitna ng naging babala ng China na ang pagpayag sa mas marami pang sites sa ilalim ng PH-US Enhanced Defense Cooperation Agreement (EDCA) ay makapagdudulot ng malubhang pinsala sa Pilipinas.
“There are four extra sites scattered around the Philippines. There are some in the north. There are some around Palawan. There are some further south,” ayon kay Pangulong Marcos sa pagdiriwang ng ika-126 anibersaryo ng Philippine Army.
Hindi naman binanggit ng Pangulo ang mga bagong lokasyon subalit matatandaang noong 2014 ay pinayagan na ng EDCA ang Estados Unidos na pansamantalang magkampo ng tropa nito sa limang sites gaya ng Basa Air Base sa Pampanga, Fort Magsaysay sa Nueva Ecija, Lumbia Air Base sa Cagayan de Oro, Antonio Bautista Air Base sa Palawan at Benito Ebuen Air Base sa Cebu.
Winika naman ng Pangulo na malapit nang ianunsyo ng Pilipinas at Estados Unidos ang apat na bagong sites.
Binanggit din ng Chief Executive na ang karagdagang lokasyon para sa EDCA ay gagamitin “to defend our eastern coast.”
“That’s also something we have to look out for,” ayon sa Punong Ehekutibo sabay sabing kailangan din na protektahan ng bansa ang katubigan sa silangan ng bansa partikular na ang Benham Rise.
Aniya pa, ang lokal na pamahalaan na walang pagtutol at hayagan nang nagpahayag ng suporta sa posibilidad na magsilbing host sa mga tropang Amerikano.
“We explained to them why it was important that we have that and why it will actually be good for their province,” aniya pa rin. Kris Jose
March 23, 2023 @9:30 AM
Views: 10
Manila, Philippines- Inamin ni Kapuso OST Princess na si Hannah Precillas na sobra siyang na-pressure sa paggawa ng single na Sa Aking Daigdig. Sa ngayon, ang nasabing single ay nasa top chart ng Spotify at iba pang platforms.
Iniisip ni Hannah nu’n ay kung magustuhan kaya ng new generation ang modernized version ng song. Bukod pa rito ay tinatanong din ni Hannah kung ano kaya ang sasabihin ng original singer na si Megastar Sharon Cuneta.
Ang song na Sa Aking Daigdig ay inawit ni Sharon bilang theme song ng movie na Kaputol ng Isang Awit. Si Sharon din ang bida sa pelikulang ýon na ipinalabas noong 1991 kasama sina Gary Valenciano at Tonton Gutierrez. Ang legendary composer na si Vehnee Saturno ang gumawa ng song.
Ani Hannah: “Hangad Ko lang na magustuhan ng tao ang modern version ng Sa Aking Daigdig. Pag pinakinggan mo ay tagos sa puso ang pagkakaawit ko. Hindi ako gaanong bumirit sa song.
“Palagay Ko naman di kailangan sa song ang pagbirit. Basta maawit ko lang ng tama at maunawaan ng listeners ang mensahe ng song bilang isang ballad ay okay na sa akin.”
Samantala, naaalala ng tao si Hannah bilang isa sa mga Marites sa hit soap na Maria Clara at Ibarra, na malapit na ngayong mapanood sa Netflix.
Ani Hannah: “Excited ako sa Maria Clara at Ibarra na mapapanood worldwide via Netflix, mapapanood ang another side of Hannah bilang artista.
“Totoong nag-enjoy ako sa soap. ‘Andoon ang hinahagaan kong si Julie Anne San Jose. Ang galing niya. Napapanganga ako sa kanya sa set. Mapapanood ang reaction ko sa mga eksena sa soap na kasama ko si Julie Anne.”
Sa ngayon, si Hannah rin ay kasama sa feature series ng Daig Kayo Ng Lola Ko.
Hanga siya sa mga bida, ang magka-love team na sina Barbie Forteza at David Licauco.
Feeling ni Hannah na ipinakita ng dalawa ang kailangang professionalism sa mga eksenang ginagawa sa Saturday series ng GMA 7. Nagkakaunawaan ang dalawa sa eksenang gagawin.
Kahit nagkakasunud-sunod ang paglabas ni Hannah sa mga TV series ng GMA, nasabi niyang ang pag-awit pa rin ang first love niya bilang entertainer. Noel Asinas
March 23, 2023 @9:23 AM
Views: 10
MANILA, Philippines – Umarangkada na sa plenaryo ng Senado ang panukalang magbibigay ng proteksyon sa mga karapatan ng mga nasa caregiving industry sa bansa, sa ilalim ng Caregivers’ Welfare Act.
Sa sponsorship speech, sinabi ni Senador Jinggoy Estrada, chairman ng Senate Committee on Labor, Employment and Human Resources Development, na sakop ng kanyang panukala ang lahat ng mga nasa healthcare profession, kabilang ang mga lisensyadong professional health care providers, mga nagtapos ng caregiving courses at kahalintulad na kurso, maging ang mga nasertipikahan ng Technical Education and Skills Development Authority (TESDA) na may kaugnayan sa propesyong ito.
Sa consolidated version ng naturang panukala, nagbibigay ito ng gabay sa pagbalangkas at pagpapatupad ng mga proteksyon sa mga caregiver, katulad ng pagpapatupad ng employment contract, pagpapasa ng mga pre-employment requirements, non-diminution of benefits, proteksyon sa hindi makatarungang pagtanggal sa serbisyo, proteksyon sa mga namamasukan sa mga pribadong employment agencies, settlement of disputes, at paglilinaw ng mga tungkulin ng mga caregivers.
Maliban dito, inilalatag din sa panukala ang mga pangunahing pangangailangan na dapat ibigay ng mga employer sa mga empleyado nito.
Bilang tugon naman sa Labor Code, ang mga caregiver na magtatrabaho ng lampas sa minimum na walong oras ng kanilang trabaho ay bibigyan ng overtime pay.
Ayon kay Estrada, nakasaad din sa panukalang batas na dapat magbigay ng 13th-month pay sa mga ito at magkaroon ng annual service incentive leave na hindi bababa sa limang araw na may bayad.
Kasama rin dito ang pagbibigay ng mga benepisyo katulad ng SSS, PhilHealth at Pag-IBIG.
“We are already aware that there is a constant demand of Filipino caregivers abroad dahil mahusay, magalang, mapagmahal, mapagmalasakit ang alagang Pinoy… Panahon na pong pangalagaan ang ating mga tagapangalaga at maprotektahan ang sektor ng ating mga caregivers,” pagtatapos ni Estrada. RNT/JGC
March 23, 2023 @9:10 AM
Views: 14
MANILA, Philippines – Nagsisilbing “window opportunity” ngayon ang magandang panahon at kalmadong dagat para sa mas mabilisan at mas madaling paglilinis ng oil spill sa dagat na sakop ng Mindoro.
Sa pahayag ng mga eksperto mula sa UP Marine Science Institute nitong Miyerkules, Marso 22, sinabi nito na sa datos mula sa US National Oceanographic and Atmospheric Administration nitong martes ay makikita ang posibleng mga langis na namuo bilang “slick” at may lawak na 37.84-square-kilometer, o mas malaki pa sa Las Pinas.
“Weaker winds and calmer seas allow for larger oil slicks to form because of less disturbance from waves,” ayon sa mga eksperto.
Anila, ang namuong langis at maayos na panahon “may be a boon to the cleanup efforts.”
“Calmer seas and larger slicks should be taken as an opportunity to collect the oil in slicks near the sunken tanker using booms and skimmers and ramp up cleanup efforts to prevent the oil from spreading further,” dagdag pa nila.
Sa impormasyon ng Philippine Coast Guard, nakakolekta na sila ng nasa 7,000 litro ng oily water mixture mula sa mga apektadong lugar. RNT/JGC
