DAR chief namahagi ng 3,524 titulo ng lupa sa mga magsasaka

DAR chief namahagi ng 3,524 titulo ng lupa sa mga magsasaka

December 11, 2022 @ 5:00 PM 2 months ago


MANILA, Philippines – Aabot sa 3,524 certificates of land ownership award (CLOAs) o titulo ng lupa ang ipinamahagi ni Department of Agrarian Reform (DAR) Secretary Conrado Estrella III na sumasaklaw sa 6,103 ektarya ng lupa sa 3,273 mga agrarian reform beneficiaries (ARBs) ng South Cotabato, Cotabato, Sultan Kudarat at Sarangani.

Ayon kay Estrella na sa 6,103 ektarya na ipinamahagi, 3,692 ektarya ang hinati-hati sa 2,166 electronic land titles (e-titles) at iginawad sa 1,871 ARBs sa ilalim ng Support to Parcelization of Lands for Individual Titling (SPLIT) Project ng ahensya.

Hinahati-hati ng Project SPLIT ang mga collective certificates of land ownership award (CCLOAs) na dating na-inisyu ng DAR.

“Issuing separate titles for each farmer-beneficiary is better because it enables them to have a clear and defined ownership of the parcels of land they are tilling. It will also give them the freedom to plant whatever they want on the lands awarded to them and not conform with what the majority wants,” ani Estrella.

Aniya, sa ilalim ng SPLIT project, hahatiin ng DAR ang mga iginawad na lupain na sakop ng CCLOA, na nangangahulugan na ang bawat magsasakang-benepisyaryo ay bibigyan ng indibidwal na titulo ng lupa batay sa aktwal na lugar o partikular na bahagi ng lupang kanilang binubungkal.

“The land title is finally in my name. I can now truly say that the land I am tilling is mine. I am thankful for President Ferdinand R. Marcos Jr and Secretary Estrella for the quick processing of our land titles,” ayon kay Ruben Rivas, isang magsasaka na beneficiary ng Columbio, Sultan Kudarat.

Ipinamahagi din ang mga CLOA na inisyu sa ilalim ng Comprehensive Agrarian Reform Program (CARP) at mga lupang pag-aari ng gobyerno sa ilalim ng Executive Order No. 75.

Sa mga CLOA sa ilalim ng CARP, 1,143 CLOAs na sumasaklaw sa 2,216 ektarya ng mga lupain ang iginawad sa 1,220 ARBs, habang 215 CLOAs sa ilalim ng EO 75 na sumasaklaw sa 194 ektarya ng lupa ang ibinigay sa 182 ARBs.

Kaugnay nito sa kanyang talumpati, iniulat ni Estrella ang magandang balita tungkol sa House Bill 6336, ang panukalang batas na naglalayong magpapalaya sa umiiral na pautang ng mga magsasaka, ay inaprubahan na sa ikalawang pagbasa nito ng House of Representatives.

“When the law is enacted, ARBs who are yet to receive their awarded land under the CARP will receive it without any obligation to pay any amortization,” paliwanag pa ni Estrella. Santi Celario