David Licauco, binansagang “Pinoy Konyo”!

David Licauco, binansagang “Pinoy Konyo”!

January 6, 2023 @ 3:00 PM 4 weeks ago


Manila, Philippines – Ang kahulugan ng salitang “konyo” sa Tagalog ay tumutukoy sa isang tao “who speaks in a pretentious and bratty way.”

Ito ngayon ang bansag sa 28 anyos na Filipino-Chinese Kapuso actor na si David Licauco matapos maglaro sa Pinoy Henyo, ang inaabangang segment ng Eat Bulaga.

Celebrity player ang isa sa mga tauhan ng Maria Clara at Ibarra ng GMA sa January 2 episode ng nasabing longest running noontime program.

Kakampi ni David ang isa sa mga writer ng top-rating historical portal series.

Nakaabot ang kanilang team sa jackpot round.

Ngunit bigo silang manalo dahil hindi nahulaan ni David ang salitang “baka.”

Sa halip ay paulit-ulit niyang sinasagot ito ng “cow.”

Obyus na dahil kabado’y nakalimutan ni David ang Tagalog equivalent ng nasabing hayop.

Gayunpaman, imbes na kainisan siya ng mga viewers ay nakyutan pa sa kanya.

Ironic ngang masasabi ‘yon dahil sa Maria Clara at Ibarra ay malalalim na Tagalog ang binibitawan niya.

Kahit sino naman kasi ang sumalang sa palarong ‘yon who has to wrestle with time pressure ay tiyak na magkakaroon ng mental block.

Kasama na rin doon ang expectation ng mga manonood na magwawagi ang mga sumasalang na celebrity players.

Dahil sa ipinamalas na ‘yon ni David ay marami tuloy ang nagpiprisintang maging Tagalog tutor niya.

Ito’y para rin daw lalong ma-enhance ang kanyang pananalog at delivery ng mga dialogue niya sa nasabing serye.

Tuloy, “Pinoy konyo” ang bansag kay David. But in fairness, he doesn’t speak in a pretentious or bratty way. Ronnie Carrasco III