DENR: East Asia regional cooperation makapagbibigay ng mahalagang estratehiya para sa PH ocean resources conservation

DENR: East Asia regional cooperation makapagbibigay ng mahalagang estratehiya para sa PH ocean resources conservation

June 21, 2022 @ 7:00 PM 2 weeks ago


MANILA, Philippines- Para sa tamang paggamit ng oceans at marine resources sa rehiyon, partikular na sa Pilipinas binigyang-diin ng Department of Environment and Natural Resources (DENR) ang kahalagahan ng East Asia regional cooperation para sa ocean conservation upang makatulong na mabigyan ng solusyon ang mga pagsubok para sa konserbasyon.

Kaugnay nito umaasa si DENR Acting Secretary Jim O. Sampulna na may mabuting maibubunga ang estratehiya kung saan ang ibang karagatan sa bansa ay nakapaloob sa “transboundary ocean management.”

“Our major programs, such as the Manila Bay Rehabilitation, are directly linked to ocean-based adaptation solutions that are considered in the Philippines’ climate change pledge to the Paris Agreement and to help bolster the country’s Blue Economy,” ani Sampulna.

Sa pamamagitan ng Biodiversity Management Bureau, inimplementa ng DENR ang Coastal and Marine Ecosystems Management Program na natukoy bilang isa sa ‘adaptation measures’ para sa Nationally Determined Contributions sa Paris Agreement ng bansa.

Ang estratehiya ay binigyang-diin sa Way Forward sa ulat ni DENR Climate Change Service Director Elenida dR. Basug sa ginanap na webinar na pinangunahan ng Partnership in Environmental Management for the Seas of East Asia (PEMSEA).

Dagdag pa nito: “The regional cooperation measures will improve the quality of life of average Filipinos, particularly in the implementation of adaptation and disaster risk reduction strategies in our coastal populations, providing sustainable and biodiversity-friendly livelihood options, and ensuring food security for coastal communities.”

Samantala ang papel ng East Asia regional cooperation para sa konserbasyon at tamang paggamit ng ocean at marine resources ay tinalakay sa webinar na may pamagat na “Ocean and Climate Change: East Asia Seas’ Response to the Global Climate Change Challenge.” Santi Celario