DepED, DOH, DSWD top performing agencies sa OCTA survey

DepED, DOH, DSWD top performing agencies sa OCTA survey

December 6, 2022 @ 3:36 PM 2 months ago


MANILA, Philippines- Itinanghal ang Department of Education (DepED), Department of Health (DOH), at Department of Social Welfare and Development (DSWD) bilang top three performing agencies ng pamahalaan, base sa resulta ng OCTA Research-Tugon ng Masa survey na ipinalabas nitong Martes.

Base sa independent at non-commissioned survey, na isinagawa mula Oct. 23 hanggang 27 na may 1,200 adult respondents sa buong bansa, 77 porsyento ng adult respondents ay pinakakontento sa performance ng DepED sa nakalipas na tatlong buwan.

Aprubado rin ng mga Pilipino ang job performance ng DOH at DSWD, na nakakuha ng 79 porsyento at 76 porsyento.

Tanging 2 porsyento ang nagsabing “dissatisfied” sila sa performance ng DepED, habang 11 porsyento ang “undecided”.

Inihayag ng OCTA na halos 4 porsyento at 7 porsyento ang dissatisfied sa job performance ng DOH at ng DSWD.

Samantala ang undecided sa performance ng DOH at DSWD ay 17 porsyento at 16 porsyento.

Gayundin, napag-alaman sa survey na ang Department of Information and Communications Technology (DICT), Department of Human Settlements and Urban Development (DHSUD), at Department of Migrant Workers (DMW) ang least performing agencies na may ratings na 38 porsyento, 35 porsyento, at 10 porsyento.

Ang dissatisfaction sa DICT, DHSUD, at DMW ay 8 porsyento, 9 porsyento, at 36 porsyento, habang ang indecision ay 52 porsyento, 55 porsyento, at 54 porsyento.

Ang sumusunod ang satisfaction ratings ng national government agencies, ayon sa Tugon ng Masa survey ng OCTA:

  • DepED (87 porsyento)

  • DOH (79 porsyento)

  • DSWD (76 porsyento)

  • Department of Public Works and Highways (72 porsyento)

  • Department of the Interior and Local Government (65 porsyento)

  • Department of Labor and Employment (64 porsyento)

  • Department of Agriculture (62 porsyento)

  • Department of Environment and Natural Resources (57 porsyento)

  • Department of Foreign Affairs (54 porsyento)

  • Department of Justice (54 porsyento)

  • Department of Science and Technology (50 porsyento)

  • Department of Finance (49 porsyento)

  • Department of Tourism (48 porsyento)

  • Department of Transportation (47 porsyento)

  • Department of National Defense (45 porsyento)

  • Department of Budget and Management (42 porsyento)

  • Department of Trade and Industry (42 porsyento)

  • Department of Energy (40 porsyento)

  • DICT (38 porsyento)

  • DHSUD (35 porsyento)

  • DMW (10 porsyento). RNT/SA