DepEd tumatanggap pa rin ng aplikasyon para sa SHS Voucher Program

DepEd tumatanggap pa rin ng aplikasyon para sa SHS Voucher Program

July 14, 2022 @ 7:30 AM 4 weeks ago


MANILA, Philippines- Tumatanggap pa rin ang Department of Education (DepEd) ng aplikasyon para sa Senior High School Voucher Program para sa School Year 2022-2023.

Ayon sa ulat nitong Miyerkules, maaaring gumawa ng kanilang Online Voucher Application Portal ang mge estudyante hanggang Hulyo 22.

Ang deadline ng pagsusumite ng mga aplikasyon ay hanggang Hulyo 29.

Sinabi ng DepEd na ang mga maaaring makakuha ng vouchers ay ang mga nakakumpleto ng Grade 10 sa pampubliko o pribadong paaralan.

Pwede rin umano ito sa mga Grade 10 students na nagtapos sa Alternative Learning System o Presentation Portfolio Assessment, at sa mga nakapasa sa Philippine Education Placement Test.

Para sa karagdagang detalye sa voucher, maaaring bisitahin ang https://ovap.peac.org.ph/

Samantala, inihayag ng DepEd na libre ang application process upang makatulong sa Senior High School students. RNT/SA