DICT may alok na startup grant sa Pinoy technopreneurs

DICT may alok na startup grant sa Pinoy technopreneurs

November 24, 2022 @ 9:30 AM 3 days ago


MANILA, Philippines – Maari nang mag-apply ang mga Filipino startups o technopreneurs sa buong bansa para sa Department of Information and Communications Technology’s (DICT) Startup Grant Fund (SGF) at makatanggap ng hanggang P1 million grant.

Sa isang kalatas, sinabi ni DICT Undersecretary Jocelle Batapa-Sigue na ang department circular para sa SGF ay pirmado at aprubado.

Layon ng SGF na maging “behikulo” para suportahan ang mga Filipino startups at makapagtayo ng malakas na startup ecosystem.

“The DICT fully embraces and promotes the importance of developing and continuously strengthening the Philippine Startup Ecosystem leveraging on the convergence of digital technologies, innovation, and entrepreneurial mindset of Filipinos,” ayon kay Sigue.

Sa ilalim ng Seksyon 11 ng Republic Act 11337, o mas kilala bilang Innovative Startup Act, “the SGF aims to provide financial grants for new and early-stage startups relating to startup development, capacity building, and network building.”

Magiging available ito sa startups na may produkto o serbisyo na kasalukuyang nasa “proof of concept, prototype, o minimum viable product stages” sa information and communications technology (ICT)-enabled sectors.

Samantala, sa idinaos na Philippine Startup Week noong Nobyembre 14 hanggang 18, sinabi ni DICT Secretary Ivan John Uy na may 10 startups ang planong maging bahagi ng “first run ng grant fund.”

“Apart from the grant fund of up to PHP1 million pesos that shall cover costs to further develop a startup’s ideas and prototypes, the DICT shall also provide grantees opportunities to meet great mentors and widen their network in the startup community,” ayon sa Kalihim.

Ang SGF program ng DICT ay pangangasiwaan ng ICT Industry Development Bureau.

Para sa mga interesadong startups, maaaring bisitahin ng mga ito ang Startup Philippines website na https://www.startup.gov.ph. Kris Jose