‘Double standard policy’ ng IATF sa sabong kinondena ng gamefowl breeders
September 22, 2020 @ 11:12 AM
1 month ago
Views:
1,170
Rico Navarro2020-09-22T14:41:21+08:00
MANILA, Philippines – Habang ang illegal online operations ng sabong ay nananatiling laganap at walang humpay, ang tagapagpatupad naman ng COVID-19 health protocols ay mistulang bingi sa panawagan ng lehitimong industry stakeholders na mag-operate nang legal at ligtas.
Ginawa ng mahigit sa 10,000-member International Federation of Gamefowl Breeders Association ang alegasyon sa harap ng tinatawag nitong ‘kawalang interes at malamig’ na pagtrato ng IATF sa apela ng FIGBA na ipagpatuloy ang sports events nito na ltinatawag na ‘sabong’.
“Lahat ng government agencies na nilapitan ng FIGBA para makonsidera ang aming proposal para sa pagbukas ng mga derby tulad ng NEDA, Games and Amusement Board, DILG at mga lokal na pamahalaan, ay palaging itinuturo ang IATF na siya lang umano ang pwedeng mag-aprub sa aming kahilingan,” pahayag ni Ricardo Palmares, Jr., ang Presidente ng federation.
Binigyang-diin ni Palmares na sa petisyon ng FIGBA para sa muling pagbubukas ng mga sabungan ay naglatag ito ng sapat na safety measures na sumusunod sa pinakamataas na standard ng health protocols ng IATF, tulad ng ‘retrofitting at modular setting’ sa mga sabungan para sa physical distancing, wash at alcohol areas sa derby sites at mahigpit na pagsunod sa pagsusuot ng face mask at face shield.
“FIGBA and some lawmakers who’re sympathetic to our plight, like Reps. Sonny Lagon and Joseph Bernos, have also appealed for the imprimatur of President Duterte to whom we’ve shared the woes of our 42 provincial associations of breeders and the economic paralysis gripping the P75 billion gamefowl industry during this more than 6 months of COVID-19 pandemic, but until now we are still in limbo,” pagbibigay-diin ni Palmares.
Sa kanilang panig ay kinastigo naman ng local gamefowl breeders ang inilarawan nilang ‘sinadyang kapabayaan’ ng law enforcers para masugpo ang talamak na online sabong at ang halatang pagkiling ng mga ito sa mga operator na inakusahan pa nilang pinahihina ang ‘survival’ ng gamefowl industry sa pag-aalok ng walang konsiderasyon at napakaliit na halaga para sa mga manok na panabong.
“Nagtataka kaming mga lehitimo at law-abiding breeders na naghihintay at sumusunod sa utos ng IATF kung bakit nakapikit ang kanilang mga mata sa laganap na illegal online sabong na araw-araw naglalaban nang walang pagkilala sa health protocols at walang ambag na buwis sa ating gobyerno,” pahayag ng isang officer ng isang asosasyon ng local breeders sa Central Luzon, na binatikos din ang kawalang aksyon ng National Bureau of Investigation at ng Philippine National Police para mapigilan ang naturang illegal na gawain.
Nauna rito ay nagpasaklolo ang gamefowl industry na may milyon-milyong direct at indirect beneficiaries at hindi kailanman inabala ang gobyerno para sa anomang social amelioration o pinansyal na tulong buhat nang pumutok ang coronavirus pandemic noong Marso, sa Pangulo para payagan ang muling pagdaraos ng sports events nito na tinatawag na ‘sabong’ makaraang hindi umano pansinin ng IATF ang petisyon nito.
Ipinaaabot kay Presidente Duterte sa kanyang apela para sa pang-unawa, sinabi ni Palmares na titiyakin niya sa Pangulo at sa health authorities na kahit magkaroon ng bakuna sa COVID-19, ang mahigit sa 10,000 breeders na lalahok sa FIGBA derbies ay aatasan pa ring sumunod sa maximum health protocols na ipinatutupad ng gobyerno.
October 29, 2020 @2:00 AM
Views:
46
ABU DHABI – Hinirang ng Ultimate Fighting Championship (UFC) si Khabib Nurmagomedov bilang best mixed martial arts fighter sa mundo matapos nitong ianunsiyo ang pagreretiro sa UFC.
Matatandaang naidepensa ni Nurmagomedov ang kanyang hawak na UFC lightweight world title kontra kay Justin Gaethje via 2nd round submission nitong nakaraang linggo.
Agad din nitong inanunsiyo ang kanyang pagreretiro noong gabi ng kanyang panalo dahil wala na umano siyang dapat patunayan at bunsod na rin nang pagkamatay ng kanyang ama na si Abdulmanap. Nagretiro ito na walang talo sa record na 29-0.
“It was work of my life, I never got anything easy, and nothing was given to me because I’m nice guy,” ani Nurmagomedov sa kanyang Instagram.
“Hard work, hope for Allah and patience, this three ingredient helps me to get successful, and of course, control and advises from my Father, who invested in me a lot of time and work,” wika pa nito.
Dahil sa pagkaluklok kay Nurmagomedov sa No. 1 spot sa pound-for-pound rankings, nalaglag naman si former UFC light heavyweight world champion Jon Jones sa number two na hindi nito ikinatuwa.
“This is number one bullsh*t,” ani Jones sa kanyang Twitter.
Sinabi rin ni Jones na hindi si Nurmagomedov ang greatest of all time na umakyat sa cage.
“Unanimous decision over last minute replacement Al Iaquinta to become champion, Conor McGregor is the only opponent he’s ever had that the general public actually knew,” banat ni Jones.
“Catapulted my man to becoming the best ever, this is hilarious,” dagdag pa nito.Rico Navarro
October 29, 2020 @1:42 AM
Views:
39
UNITED STATES – Iaapela umano ni world champion sprinter Christian Coleman ang ipinataw sa kanyang two-year ban sa athletics bunsod ng anti-doping violations, ayon sa kanyang manager.
“The decision of the Disciplinary Tribunal established under World Athletics Rules is unfortunate and will be immediately appealed to the Court of Arbitration for Sport,” ani Emanuel Hudson.
“Mr. Coleman has nothing further to say until such time as the matter can be heard in the Court of jurisdiction.”
Matatandaang nagwagi si Coleman sa men’s 100 meters noong isang taon sa World Championships sa Doha at itala ang world-leading time para sa season na 9.76 seconds.
Agad na sinuportahan ng World Athletics’ Disciplinary Tribunal ang isinampang kaso at banned sa 24-year-old American ng dalawang taon na nagsimula noong May 14, 2020.
Kung mananatili ang ban, hindi makalalahok si Coleman sa Olympic Games sa Japan kung saan siya ang paboritong makakuha ng 100m gold medal.Rico Navarro
October 29, 2020 @1:30 AM
Views:
46
JAPAN – Sa wakas ay nakapagtala rin ng unang panalo ang San-En NeoPhoenix matapos durugin ang Kyoto Hannaryz, 94-75, sa 2020-21 B. League season sa larong ginanap sa Toyohashi City Gymnasium.
Pinangunahan ni Serbian import Stevan Jelovac, kumamada ng 27 points at nine rebounds, ang unang panalo ng NeoPhoenix sa kanilang ika-sampung laro.
Naganap din ang unang panalo ng NeoPhoenix sa paglabas ni Thirdy Ravena sa kanyang 14 days quarantine.
Malaking tulong din sa panalo ng San-En ang kanilang bagong import na si Kyle Hunt ng tumikada ng double-double sa kanyang 16 points at 10 rebounds para sa San-En.
Umambag naman sina Hayato Kawashima ng 12 points, seven assists, at two steals habang si Shumei Kitahara ay may 12 points at two rebounds sa naging panalo.
Sunod na haharapin ng NeoPhoenix na kasama si Ravena ang Shimane Susanoo Magic sa November 7 at sa sumunod na araw naman ang Yonago Industrial Gymnasium sa Tottori.Rico Navarro
October 29, 2020 @1:00 AM
Views:
46
PAMPANGA – Mapapalaban ng husto si Calvin Abueva sa pagsabak ngayon araw (Huwebes) ng Phoenix Super LPG kontra sa mabangis na Alaska Aces sa elimination round ng PBA Philippine Cup sa larong gagawin sa Angeles University Gym sa Pampanga.
Matapos ang magandang simula sa muling pagbabalik sa liga, ipakikitang muli ni Abueva ang kanyang talent sa ganap na ika-apat ng hapon kontra Aces.
Ang laban rin ng Phoenix at Aces ang magmamarka ng unang pagharap ni Topex Robinson bilang head coach kontra sa Alaska kung saan siya naglaro at naging assistant coach.
Inaasahang mapapalaban ng husto si Abueva dahil ang dalawang team ay parehong determinado para makuha ang panalo PBA elims.
“Magandang laban, and we have to be ready lalo na nandyan si Calvin,” ani Vic Manuel na isa sa sinasandigan ng Alaska.
Magandang laban din umano ito para sa positioning sa team standings.
Matatandaang kumamada si Abueva na halos triple-double sa pagbabalik niya sa PBA matapos tulungan ang Phoenix sa panalo kontra NLEX, 114-110.
Sumunod na araw naman ay tinalo ng Aces ang Terrafirma Dyip, 99-96, sa malupit ding sagupaan.
Malaking challenge ngayon para sa Aces kung paano mapipigilan ang adrenalin ng Fuel Masters dahil na rin sa pagbabalik ni Abueva.
“Focus ako na makatulong na makuha kung ano ang minimithi ng team,” ani Abueva.Rico Navarro
October 28, 2020 @9:26 PM
Views:
80
PAMPANGA – Ipinakita ng San Miguel Beermen ang puso ng pagiging five-time depending champion matapos itumba ang Meralco Bolts, 89-82, sa paghaharap nila sa elimination round sa PBA Philippine Cup na ginaganap sa bubble sa Angeles University Gym sa Angeles, Pampanga.
Nagparamdam ang Beermen sa 4th quarter matapos isalpak ang ilang three- pointers para habulin ang 13 points na itinambak ng Bolts sa 3rd quarter.
Lumamang ang reigning champion nang ipasok ni Von Pessumal ang isang jump shot para basagin ang 71-all deadlock.
Naipanalo ng San Miguel ang ikatlo nilang diretsong laban upang ma-imprub ang record sa kartadang 4-2 at tumabla sa 3rd place kasama ang Barangay Ginebra.Rico Navarro
