MANILA, Philippines- Ini-update ng World Health Organization (WHO) nitong Martes ang rekomendasyon nito sa COVID-19 vaccination, at hinikayat ang mga mamamayan sa high-risk populated areas na magpaturok ng additional dose isang taon matapos ang huling booster.

Base sa WHO, nirebisa ng Strategic Advisory Group of Experts on Immunization (SAGE) nito ang “roadmap for prioritizing the use of COVID-19 vaccines, to reflect the impact of Omicron and high population-level immunity due to infection and vaccination.”

“Updated to reflect that much of the population is either vaccinated or previously infected with COVID-19, or both, the revised roadmap reemphasizes the importance of vaccinating those still at risk of severe disease, mostly older adults and those with underlying conditions, including with additional boosters,” pahayag ni SAGE Chair Dr. Hanna Nohynek.

Sinabi ng WHO na kabilang sa high-priority group ang older adults, younger adults na may comorbidities, people with immunocompromising conditions kabilang ang 6 buwan pataas na mga bata, buntis, at frontline health workers.

Para sa high-priority group, inirerekomenda ng ahensya ang karagdagang dose ng bakuna anim hanggang 12 buwan matapos ang huling dose, batay sa edad at immunocompromising conditions.

Samantala, tinukoy ng WHO ang “low priority group” members bilang malusog na kabataan. Inirekomenda rin ng ahensya sa mga bansa na pag-aralan ang ilang salik gaya ng disease burden bago hikayatin ang bakuna para sa grupo.

Hindi na rin inirerekomenda ng ahensya ang karagdagang boosters, bukod sa inisyal na dalawang bakuna at isang booster, para sa mga indibidwal na kabilang sa medium-risk group – healthy adults na karaniwang mas bata sa 50 hanggang 60 na walang comorbidities at mga kabataang may comorbidities.

Bukod sa pagbabago sa inirerekomendang doses, binago rin ng SAGE ang rekomendasyon sa bivalent COVID-19 vaccines. Inirerekomenda na ngayon ng ahensya sa mga bansa na ikonsidera ang paggamit ng BA.5 bivalent mRNA vaccine para sa primary series ng doses. RNT/SA

CIUDAD JUAREZ, Mexico- Patay ang 39 migrants mula sa Central at South America sa sunog  nitong Lunes sa isang migrant holding center sa Mexican northern border city ng Ciudad Juarez, na umano’y dulot ng protesta sa deportasyon, ayon sa mga opisyal nitong Martes.

Patay ang 28 na hinihinalang Guatemalans, base sa foreign ministry ng Guatemala.

Inihayag ni Mexican President Andres Manuel Lopez Obrador na naniniwala ang mga awtoridad na naganap ang sunog sa lungsod sa tapat ng El Paso, Texas matapos sunugin ng ilang migrant ang mga mattress bilang pagprotesta nang madiskubreng ide-deport sila.

“They didn’t think that would cause this terrible tragedy,” sabi ni Lopez Obrador, at binanggit na karamihan sa mga migrant sa pasilidad ay mula sa Central America at Venezuela.

Sa kabuuan, mayroong 68 adult men galing Central at South America na nananatili sa pasilidad, ayon sa Mexico’s National Migration Institute (INM).

Sa bilang na ito, 29 ang sugatan at dinala sa apat na ospital sa lugar, base sa INM.

Naganap ang pagliyab sa gitna ng pagtugon ng US at Mexico sa record levels ng  border crossings ng mga migrante.

Sa mga nakalipas na linggo ay naobserbahan ang pagdami ng migrants sa Mexican border cities sa pagsisikap ng mga awtoridad na iproseso ang asylum requests gamit ang bagong US government app na kilala bilang CBP One.

Pakiramdam ng mga migrante, masyadong matagal ang proseso, at nito lamang buwan, nagkagulo ang ilang migrants at US officials sa border matapos madismaya sa pagkuha ng asylum appointments.

Isa ang sunog sa Ciudad Juarez sa deadliest incidents na tumama sa mga migrant ng Mexico sa nakalipas na mga dekada. RNT/SA

MANILA, Philippines- Inanunsyo ni Elon Musk nitong Lunes na tanging verified Twitter accounts na lamang ang maaaring bumoto sa polls simula April 15, na ayon sa CEO ng social media company ay makatutulong sa pagtugon sa AI bots.

Sinabi rin ni Musk na tanging verified accounts na lamang ang eligible para sa Twitter’s For You recommendations, kung saan idini-display ang stream ng tweets mula sa mga account sa Twitter.

Hindi agad nagkomento ang Twitter hinggil dito.

Nitong nakaraang taon, sinabi ni Musk na lilimitahan ng Twitter ang pagboto sa policy-related polls sa nagbabayad na Twitter Blue subscribers. RNT/SA

MANILA, Philippines- Nagpakawala ang Russia navy ng supersonic anti-ship missiles sa isang mock target sa Sea of Japan, ayon sa Russian defense ministry nitong Martes.

“In the waters of the Sea of Japan, missile ships of the Pacific Fleet fired Moskit cruise missiles at a mock enemy sea target,” pahayag nito sa Telegram account.

“The target, located at a distance of about 100 kilometers (62.14 miles), was successfully hit by a direct hit from two Moskit cruise missiles.”

Ang P-270 Moskit missile, na may NATO reporting name o SS-N-22 Sunburn, ay isang medium-range supersonic cruise missile mula sa Soviet, na kayang sumira ng barko na may layo hanggang 120 km (75 miles).

Ito ay kasunod ng paglipad ng dalawang Russian strategic bomber planes, kayang kumarga ng nuclear weapons, sa Sea of Japan sa loob ng mahigit pitong oras na ayon sa Moscow ay isang “planned flight”. RNT/SA

CONGO – Patay ang 14 na katao sa western Democratic Republic of Congo, kabilang ang 12 residente matapos itong tagain ng mga hindi pa tukoy na suspek.

Ayon kay territory administrator Amedee Bangambuma, inatake ng mga hindi pa nakikilalang suspek ang komunidad ng Kimpasi, sa Kwilu province Bagata territory, nitong Biyernes, Marso 24.

Sa ulat, unang pinatay ang 12 katao na residente ng naturang komunidad gamit ang itak saka isinunod ang isang local administrative official na nagtungo sana upang imbestigahan ang nangyari.

Nitong Lunes, Marso 27, pinatay din ng mga militante ang village chief ng Kimpasi, sabay-sabing ang lahat ng mga biktima ay miyembro ng Teke community.

Mainit ang sagupaan ng dalawang komunidad sa Western DRC, ang Teke at Yaka communities mula pa noong Hunyo dahil sa girian sa buwis at lupa.

Ikinokonsidera ng Teke community na sila ang orihinal na nakatira sa lugar na kumalat ng 200 kilometro sa Congo River.

Ang mga residente naman ng Yaka ang tumira sa lugar matapos ang Teke.

Hindi pa kinukumpirma ng AFP ang detalye sa pag-atake.

Ayon sa pamahalaan ng Democratic Republic of Congo, mayroon nang 180 katao ang nasawi dahil sa naturang girian.

Libo-libo na ring residente ang umalis sa naturang komunidad, ayon sa United Nations. RNT/JGC