Ejercito humirit ng trial period sa implementasyon ng NCAP hanggang katapusan ng 2022

Ejercito humirit ng trial period sa implementasyon ng NCAP hanggang katapusan ng 2022

August 18, 2022 @ 2:58 PM 1 month ago


MANILA, Philippines – Humirit ng trial period sa implementasyon ng no contact apprehension program (NCAP) hanggang katapusan ng taon si Senador Joseph Victor “JV” Ejercito.

Ito ay upang plantsahin muna umano ang mga gusot at problema sa pagpapatupad ng naturang programa.

Paglilinaw ni Ejercito, chairman ng Senate committee on local government, hindi naman umano siya tutol sa NCAP ngunit naniniwala siyang kailangan munang maisaayos pa ang mga butas bago ito tuluyang ipatupad.

“Being a former mayor, I do understand also that they want to improve everything in their city to have an order… but I’m hoping that there will be a compromise,” paliwanag ni Ejercito sa panayam ng ANC.

“Ako naman, if you can resolve everything, you don’t have to take it to court. Probably, the transport groups, the LGUs, through the MMDA can probably discuss about this and have a compromise that probably to have a moratorium first,” dagdag pa niya.

Umaasa naman ang Senador na mapagbibigyan ang hiling nitong trial period sa implementasyon ng NCAP hanggang sa katapusan ng 2022.

Matatandaan na nauna nang pinagtibay ng mga alkalde ng Metro Manila ang kanilang desisyon na ipagpatuloy ang implementasyon ng no contact apprehension program. RNT