Envoy: Mga balakid, dapat malampasan ng Pinas, Tsina para sa ‘greater progress’

Envoy: Mga balakid, dapat malampasan ng Pinas, Tsina para sa ‘greater progress’

January 17, 2023 @ 4:24 PM 2 weeks ago


MANILA, Philippines- Sinabi ni Chinese Ambassador to the Philippines Huang Xilian na kailangang malampasan ng Manila at Beijing ang mga balakid para umusad at makamit ang itinuturing na “greater progress” para sa mga mamamayan ng dalawang bansa.

Sa isinagawang Chinese New Year celebration ng Chinese embassy, Lunes ng gabi, sinabi ni Huang na ang gobyerno ng Pilipinas at Tsina ay mayroong kaalaman at kakayahan na pangasiwaan ang mga “differences” at alisin ang mga balakid na hadlang para maisulong ang pagtutulungan.

“We can overcome obstacles to move forward even better. We hope both the Philippines and China in the Year of Rabbit will make even greater progress, and our relationship will achieve even greater for the benefits of our two peoples,” ayon kay Huang sa sidelines ng nasabing event.

Idinagdag pa nito, kasunod ng naging pagbisita ni Pangulong Ferdinand R. Marcos Jr. sa Beijing nito lamang unang linggo ng Enero, naging madalas na ang interaksyon sa pagitan ng departamento ng Pilipinas at Chinese governments para ipatupad ang ilang pagtutulungan gaya ng napagkasunduan nina Pangulong Marcos at President Xi Jinping.

“We are working very hard to implement what has been agreed by the two top leaders… I think we have a lot to implement and it’s time to act now,” ayon sa envoy.

Sa kamakailan lamang na desisyon ng Korte Suprema, sinabi nito na hindi konstitusyonal ang 2005 pact sa pagitan ng Tsina, Pilipinas at Vietnam upang magkasamang humanap ng langis sa pinag-aagawang South China Sea, isang desisyon na nagdala rin ng duda sa iba pang prinopose na mga kasunduan.

Pinawalang-bisa ng desisyon ng 12 sa 15 justices ng korte ang Joint Marine Seismic Undertaking agreement ng mga kompanya na pagmamay-ari ng tatlong nasyon, mga bansang nakakulong din sa agawan ng teritoryo sa busy waterway na inabot na ng dekada.

Dalawang justices ang hindi sumang-ayon, ang isa ay naka-leave at ang isa ay hindi bumoto. Hindi kaagad isinapubliko ng korte ang buong desisyon at inilabas lang ang mga highlight sa isang pahayag.

Sa kabila nito, kumpiyansa naman si Huang na kapuwa itutuloy ng Maynila at Beijing ang negosasyon sa oil at gas exploration, bahagi ng priority cooperation nina Pangulong Marcos at Xi.

“I think the two top leaders already agreed to do that. We need to eliminate any obstacles that might be in front of us so that we can get to where we push to get,” dagdag na wika ni Huang.

Sinabi nito na ang “development” o pagsusulong ng oil at gas sa bansa ay magiging “in the fundamental interest of the Philippines and the Filipino people”. Kris Jose