Estudyante, 2 pang tulak ng droga, timbog sa Isabela

Estudyante, 2 pang tulak ng droga, timbog sa Isabela

August 18, 2022 @ 1:35 PM 1 month ago


ROXAS, Isabela -Bumagsak sa kamay ng alagad ng batas ang isang estudyante at dalawa pang katao na nasa Municipal Target Listed Drug Personalities matapos na mahuli sa isinagawang drug buy bust operation sa Purok Saranay, Brgy. Luna, Roxas, Isabela.

Sa ipinarating na ulat ni PMaj. Rassel Tuliao, hepe ng Roxas Police Station kay PCol. Julio Go, Provincial Director ng Isabela Police Provincial Office o IPPO ang tatlong suspek na sina Dan Paul Santiago, 24 anyos, driver/mechanic at residente ng Brgy. Sotero Nuesa, Roxas, Isabela; Peter Angelo Padilla, 22 anyos, Civil Engineering student at residente ng Brgy. Rizal at Arfil Juco Macayanan, 27 anyos, caretaker at residente ng Brgy. Vira, na kapwa taga bayan ng Roxas, Isabela.

Narekober mula sa pag-iingat ng tatlo ang 5 na medium size sealed transparent plastic sachets na naglalaman ng pinaniwalaang shabu, drug parapernalya, limang shabu residue, limang nakabukas na plastic sachet, (1) plastic bottle; boodle money; isang (1) unit blue iPhone 13 Pro at isang (1) unit black iTel keypad phone .

Nahaharap ang tatalong suspek sa kasong R.A 9165 o Comprehensive Dangerous Drugs Act of 2002. REY VELASCO