Manila, Philippines – Sunod-sunod na ang mga talent center na naglo-launch ng kanilang naging talents and artists.

This time, ang Jamsap Entertainment Corporation naman ang nagpakilala ng kanilang nagong talents to watch for sa SMX Convention Center sa lungsod ng Pasay. Matagumpay na ipinakilala ng nasabing kumpanya ang kanilang humigit-kumulang na animnapung (60) talents mula sa apat nitong division: ang Jams Artist Talent Center, Jams Top Model Philippines, Jams Basketball Training Camp at Jams Artist Production.

Ang Jams Artist Talent Center ay nagsisilbing training ground ng mga talent na nangangarap maging artista, modelo, singer o dancer na may edad na 4 hanggang 45 taong gulang. Sumasailalim din sila sa masusing workshop sa acting, dancing at modelling na pinamumunuan ni Jessica Mendoza.

Ang Jams Top Model Philippines naman ay isang event producer na layuning makapag-produce ng top models sa bansa. Nagdaraos din sila ng taunang ramp model competition na sinasalihan ng libo-libong participants sa buong bansa.

May tatlong kategorya ito: Category 1 (aged 6-11 years old), Category 2 (aged 12 to 17 years old) at Category 4 (aged 18 to 25 years old). Pinangangasiwaan ito ni Josie Deog.

Ang Jams Basketball Training Camp naman ay isang training center na layuning linangin ang potensyal ng future basketball superstars. Nagho-host din ito ng mga torneo at paliga sa iba’t ibang munisipalidad at siyudad sa buong bansa with Patrick Alvarez as head.

Ang Jams Artist Production na pinangangasiwaan ni Maricar Moina ay isang talent at event production company na kinabibilangan ng iba’t ibang artists at models sa fashion at movie industry.

Nagsisilbi rin itong talent at casting agency na nagsu-supply ng talents sa iba’t ibang media platforms at networks.

Ang mga eklusibong talents nito ay nanggaling sa Jams Top Model Philippines at Jams Artist Talent Center.

Magiging bahagi rin sila ng mga pelikula, serye at digital ads na iproprodyus ng kumpanya para sa 2023.

Ang launch ng Jamsap talents na sinaksihan ng entertainment press ay dinaluhan ng kanilang CEO na si Jojo Flores at COO Maricar Moina.

Ang Jamsap Entertainment Corporation ay katuwang ng Philippine Movie Press Club bilang producer ng 2023 Star Awards for Television. JP Ignacio

MANILA, Philippines – Opisyal na tinanghal na ikapitong Philippine meteorite na nakarehistro sa Meteoritical Bulletin Database (MBD) ang 2.4-kilogram na meteorite na bumagsak sa Barangay Ponggo sa Quirino.

Ang meteorite na inirehistro ng mga Filipino collector na sina Mar Christian Cruz, Ramon Santiago, David Joshua Magno, at Allen Yu ay natagpuan sa isang nayon sa bayan ng Nagtipunan kung saan ito bumagsak noong Mayo 20.

Inirehistro sa internasyonal na database ng mga meteorite na may pag-apruba ng National Commission for Culture and the Arts ang metorite sa ngalan na “Ponggo” sunod sa nayon kung saan ito matatagpuan.

Ayon sa entry sa MBD, bumagsak si Ponggo sa bubong ng bahay at nabasag ang isang plastic na palayok ng halaman.

“According to the anonymous finder, he did not touch the stone right after it landed because it seemed to be too hot,” saad sa MBD report read. “After the impact, the people within the vicinity heard three consecutive sonic booms.”

Ang MBD, na itinatag at pinananatili ng Nomenclature Committee ng Meteoritical Society, ay ang opisyal na mapagkukunan ng impormasyon tungkol sa lahat ng kilalang meteorites at kinokopya ang data sa mga bagong meteorite na inilathala sa Meteoritical Bulletin.

Ang anim pang Philippine meteorite na opisyal na nakalista sa global database ay ang Bondoc, Calivo, Orconuma, Paitan, Pampanga, at Pantar. RNT

Manila, Philippines – Parte na ng kultura ng mga Pinoy ang paniniwala sa mga pamahiin. Bukod sa nakasanayan na, wala rin naman daw masama kung susundin ang mga ito.

Sabi nga ng nakararami, mas mabuti na ang maniwala kaysa kontrahin ito.

Gaya na lamang tuwing may patay. Iba’t ibang pamahiin din ang mayroon ang mga Pilipino ukol dito. Ilan nga sa mga ito ay ang nga sumusunod:

1. Paglalagay ng pera sa kamay ng yumao

Paniwala ng karamihan, bago ito ilibing, kukuhanin ang naturang pera at isasabit sa iyong negosyo bilang pampaswerte.

Isa rin sa mga bilin ng matatanda ay pabaunan ng pansapin sa paa ang pumanaw para umano sa magiging paglalakbay nito.

Hindi ito kinakailangang isuot kundi ilalagay lamang sa loob ng kabaong.

Samantala, ang mga abuloy naman na magmumula sa mga nakikiramay ay hindi dapat gastusin kung hindi rin lang para sa gagamitin ng patay.

2. Pagbulong sa patay

Paniwala ng karamihan, kapag binulong mo ang iyong hiling sa yumao, ito ay matutupad.

3. Pagbantay sa kabaong ng yumao

Ayon sa kasabihan, hindi mo raw ito pwedeng tulugan dahil posibleng may kumuha ng katawan nito.

4. Bawal magsuot ng pula tuwing may patat

Hindi rin pinapahintulutang magsuot ng kulay pula ang mga nakikiramay at pamilya ng yumao.

5. Pagsasama ng bulaklak na inialay sa patay ay sa loob ng nitso na paglalagakan nito

6. Pagpag

Ang ‘pagpapagpag’ ay ginagawa umano para hindi sumama ang kaluluwa sa bahay na uuwian.

Ilan lamang ito sa mga pamahiing pinaniniwalaan tuwing may patay.

Ikaw, ka-Remate? Naniniwala ka ba sa mga ito? RNT

DUBAI – Lumipad na sa bansang ito ang isang flying car na gawa sa Tsina.

Ito ang tinaguriang kauna-unahang pampublikong paglipad sa United Arab Emirates ng isang flying car na gawa ng Chinese electronic vehicle maker na Xpeng Inc.

Ang X2 ay isang two-seater electric vertical take-off and landing (eVTOL) aircraft na pinalilipad ng walong propeller – dalawa sa bawat sulok ng sasakyan.

Kasabay din ng makasaysayang paglipad ang paglulungsad ng kompanya ng nasabing electric aircraft sa mga internasyonal na merkado.

“First we selected Dubai city because Dubai is the most innovative city in the world,” ayon pa sa kompanya.

Ang unmanned, na 90-minutong test flight sa Dubai ay inilarawan ng tagagawa nito bilang isang “mahalagang yugto para sa susunod na henerasyon ng mga lumilipad na sasakyan.” RNT

BOHOL, Philippines – Sa kauna-unahang pagkakataon ay nasilayan sa Pilipinas partikular sa baybayin ng Calabanga, Camarines Sur ang highly-endangered Irrawaddy dolphin.

Sa kasamaang palad, nasawi ang isa sanang malusog na dolphin matapos na mapulupot sa lambat ng mga mangingisda sa  San Miguel Bay noong Agosto 16.

Tinatawag naman ng Bureau of Fisheries and Aquatic Resources (BFAR) at ng Philippine Marine Mammals Stranding Network (PMMSN) ang nasabing dolphin na Calab.

Ayon sa pahayag ng University of the Philippines Diliman College of Science, nakita sa autopsy ang tiyan ni Calab na puno pa rin ng hindi natutunaw na isda, na nagpapahiwatig na biglaan at hindi inaasahan ang pagkamatay nito.

Ang mga irrawaddy dolphin (Orcaella brevirostris) ay nailalarawan sa kulay abo o madilim na asul na likod at maputlang tiyan. Mayroon silang mataas na tolerance sa iba’t ibang antas ng kaasinan, na nagbibigay-daan sa kanila na manirahan sa mga lugar kung saan nagtatagpo ang maalat na tubig-dagat at tubig-tabang, tulad ng sa bukana ng mga ilog at look.

Ang mga ito ay kabilang sa mga pinaka-endangered species ng dolphin sa mundo, na ipinahiwatig bilang critically endangered sa Red List ng International Union for Conservation of Nature at ng Department of Environment and Natural Resources (DENR).

Ito ang unang pagkakataon na natagpuan ang isang Irrawaddy dolphin sa Pasipiko o silangang bahagi ng Pilipinas. Dati itong nakita sa kanlurang bahagi, sa Malampaya Sound, Palawan, at sa Kipot ng Iloilo-Guimaras. RNT