EUA ng Sinovac vaccine, oks na sa FDA; pero pagturok sa health workers ibinabala

EUA ng Sinovac vaccine, oks na sa FDA; pero pagturok sa health workers ibinabala

February 22, 2021 @ 1:37 PM 4 days ago

  •  
  •  
  •  

MANILA, Philippines – Inaprubahan na ng Food and Drug Administration ng Pilipinas, Lunes ang emergency use ng COVID-19 vaccines na gawa ng Chinese company Sinovac Biotech.

Sa kabila nito, pinag-iingat naman ni Director General Eric Domingo ang paggamit sa bakuna para sa healthcare workers na unang sumasagupa sa COVID-19 pandemic.

Ani Domingo na ang paggamit ng bakuna ng  Sinovac sa healthcare workers ay hindi rekomendado dahil sa efficacy nito na aabot lamang sa 50.4%.

Aniya na ang dapat gumamit lang nito ay ang mga malulusog na indibidwal mula edad 18-59.

“Ang nakita kasi sa trial sa Brazil na binigay ito sa healthcare workers sa hospitals treating COVID-19 ay 50.4% ang efficacy niya. Mas mabuti na kaysa wala. Pero ang rekomendasyon natin, ng mga experts ay hindi ito ang pinaka magandang bakuna para sa kanila,” aniya sa isang media briefing.

Sa ngayon ay naantala ang 600,000 Sinovac donation ng Tsina dahil nga sa naantalang EUA approval ng FDA.

Ayon naman kay Health Secretary Francisco Duque III na nag-request ang Chinese Embassy ng 3-5 na araw para ihanda ang pagpapadala sa mga ito.

Dahil ito ang unang batch ng bakuna na darating sa Pilipinas, maaring magbago ang priority list ng makatatanggang ng bakuna na itinakda ng FDA.

Matatandaan dapat na mauuna ang mga health care worker at mga matatanda pero dahil sa itinakdang restriksyon sa Sinovac, maaring magbago ang listahan. RNT


  •  
  •  
  •