Ex-PAL chief Jaime Bautista bagong DOTr chief sa ilalim ni Marcos

Ex-PAL chief Jaime Bautista bagong DOTr chief sa ilalim ni Marcos

June 23, 2022 @ 4:30 PM 6 days ago


MANILA, Philippines- Pinili ni President-elect Ferdinand “Bongbong” Marcos Jr. si former Philippine Airlines (PAL) president at chief operating officer Jaime Bautista bilang incoming Transportation chief sa ilalim ng kanyang administrasyon.

Kinumpirma ito ni incoming Executive Secretary Attorney Vic Rodriguez nitong Huwebes.

Papalitan ni Bautista si Arthur Tugade bilang DOTr chief sa Hunyo 30. 

Nanungkulan si Bautista, isang certified public accountant, sa PAL sa loob ng 25 taon bilang presidente at 13 taon bago nag-retiro noong 2019.

Pinangalanan din ni Marcos si former Light Rail Transit Authority (LRTA) deputy administrator Cesar Chavez bilang Undersecretary-designate for Rails ng DOTr.

“I will not preempt the transport policy initiatives of the incoming president and incoming transport secretary, but my immediate concerns will be how to simplify decision-making processes and hasten the project completion of railway projects, and prioritize Visayas and Mindanao in the planning of future rail projects,” pahayag ni Chavez.

Samantala, pinili naman ni Marcos si Atty. Cheloy Garafil, MNSA bilang chairperson ng Land Transportation Franchising and Regulatory Board (LTFRB).

Gayundin, si Christopher “Chet” Pastrana ang pinili ng incoming president na maging general manager ng Philippine Ports Authority (PPA). RNT/SA