“Fan Girl” hakot-award sa 2020 MMFF Gabi ng Parangal!

“Fan Girl” hakot-award sa 2020 MMFF Gabi ng Parangal!

December 28, 2020 @ 8:07 AM 3 weeks ago

  •  
  •  
  •  

Manila, Philippines – Tuluy-tuloy na ang pagna-no. 1 ng pelikulang “Fan Girl” sa kita!

Wagi ito ng Best Picture, Best Director, Best Actor, Best Actress, Best Screenplay, Best Cinematography, Best Editing at Best Sound, sa Gabi ng Parangal ng 2020 Metro Manila Film Festival na idinaos kagabi (December 27).

Sa ulat ay ang “Fan Girl” ang topnotcher sa mga unang araw ng MMFF dahil sa pagpapakita ng ari ni Paolo Avelino bilang lead actor ng pelikula.

Ngayon ay ‘di na masasabing ang ari lang ni Paulo (na fake naman pala dahil prosthetics lang!) ang pinagkakaguluhan ng madla sa “Fan Girl.”

Si Paulo ang best actor at ang fan girl n’yang si Charlie Dizon ang best actress. Kauna-unahang pelikula ni Charlie ang “Fan Girl” na ang nagdirek at sumulat ng script ay si Antonette Jadaone.

Kabilang sa mga tinalo ni Charlie ay si Nora Aunor sa entry nito na “Isa Pang Bahaghari,” sa direksyon ni Joel Lamangan.

Pero ang walang pinagwagiang “Mang Kepweng” at “Pakboys” pa rin ang kasunod sa kita ng “Fan Girl,” ayon pa rin sa mga naunang ulat. Ni wala ngang nominations ang “Pakboys,” eh! Parehong comedy ang “Mang Kepweng” at “Pakboys.”

Heto pa ang ibang nagwagi sa Gabi ng Parangal na ang nag-host ay sina Kylie Versoza at Marco Gumabao:

  • 2nd Best Picture: “The Boy Foretold By The Stars”

  • 3rd Best Picture: “Tagpuan”

  • Michael de Mesa, Best Supporting Actor for “Isa Pang Bahaghari”;

  • Shaina Magdayao, Best Supporting Actress for “Tagpuan”;

  • Seiyo Masunaga, Best Child Performer for “The Missing”

  • Erickson Navarro, Best Production Design for “Magikland”

  • Best Original Theme Song: “The Boy Foretold by the Stars” (“Ulan” by Jhay Cura/Pau Protacio)

  • Best Musical Score: “Magikland” (Emerzon Texon)

  • Best Student Film: “Paano Maging Babae” (De La Salle College of St. Benilde)

  • Gatpuno Antonio J. Villegas Cultural Award: “Suarez, The Healing Priest”

  • FPJ Memorial Award: “Magikland”

  • Gender Sensitivity Award: “The Boy Foretold by the Stars”

  • Special Jury Prize: Peque Gallaga

  • Marichu Vera-Perez Maceda Memorial Award: Gloria Romero

  • Best Virtual Float: “Magikland” (1st place), “Isa Pang Bahaghari” (2nd place), “Fan Girl” (3rd place). Danny Vibas


  •  
  •  
  •  

Loading...