FDA chief Eric Domingo bumaba na sa pwesto

FDA chief Eric Domingo bumaba na sa pwesto

January 3, 2022 @ 5:30 PM 8 months ago


MANILA, Philippines- Kinumpirma ni Director General Dr. Eric Domingo nitong Lunes na bumaba na siya sa posisyong pinuno ng Food and Drug Administration (FDA).

Sinabi ni Domingo sa GMA News na epektibo ngayong araw ang kanyang pagbibitiw sa pwesto.

Nang tanungin ang rason kung bakit umalis siya sa naturang posisyon, sinabi ni Domingo na wala siyang partikular na rason.

“Wala naman dahilan,” ani Domingo.

“I think I did my part to help during the pandemic. I’m happy with that but now it is time to move on to other things,” patuloy niya.

Inilahad ng DOH Media Team sa mga mamamahayag na itinalaga si Dr. Oscar Guiterrez, deputy director general ng FDA, bilang officer-in-charge ng departamento, kapalit ni Domingo.

“Yes. We confirm the resignation of FDA Director General Eric Domingo. Dr. Oscar Gutierrez, Deputy Director General, FDA, was assigned as OIC,” base sa pahayag. RNT/SA