Fixed three-year term sa top military officials, oks kay PDu30

Fixed three-year term sa top military officials, oks kay PDu30

May 16, 2022 @ 6:12 PM 2 months ago


MANILA, Philippines – Nilagdaan ni Pangulong Rodrigo Roa Duterte ang batas na magkakaloob ng three-year fixed term para sa mga key officials ng Armed Forces of the Philippines, kabilang na ang chief of staff.

Pinirmahan ng Pangulo ang Republic Act 11709 — o Act Strengthening Professionalism and Promoting the Continuity of Policies and Modernization Initiatives in the Armed Forces of the Philippines by Prescribing Fixed Terms for Key Officers thereof, Increasing the Mandatory Retirement Age of Generals/flag Officers, Providing for a More Effective Attrition System, and Providing Funds therefor “— noong Abril 13 subalit nito lamang Mayo 16, araw ng Lunes, inanunsyo ng Malakanyang.

Sa ilalim ng nasabing batas, ang mga military officials na makakakuha ng three-year term maliban sa chief of staff ay ang “vice chief of staff, deputy chief of staff, commanding general of the Philippine Army, commanding general of the Philippine Air Force, flag officer in command of the Philippine Navy, unified command commanders; at inspector general.”

Ang tour of duty ng mga nasabing opisyal ay magsisimula sa petsa kung kailan nilagdaan ang appointment at uupo sa posisyon sa loob ng three consecutive years maliban na lamang kung kaagad na tatapusin ng Pangulo, “provided that those mentioned will not be eligible for any other position in the Armed Forces unless promoted to the position of chief of staff.”

Idagdag pa rito, ang fixed tour of duty ng chief of staff ay maaaring mapalawig ng Pangulo “in times of war or other national emergency declared by Congress.”

Nakasaad naman sa batas na ang fixed term ay may kaakibat na layunin na kailangan na magampanan gaya ng “enhance professionalization in the organization by strengthening the merit system, allow the new leadership a longer period to implement reforms, and institutionalize sound policies that will redound to the improvement of the AFP, promote the most qualified officers to higher ranks and obviate revolving door accommodation promotions to successfully create a new culture of excellence in leadership and accountability in the AFP.”

Sa kabilang dako, nakasaad sa Republic Act 11709, “that a general/flag officer of proven competence and academic excellence will be appointed as superintendent of the Philippine Military Academy (PMA) and will be exempt from the application of the maximum tenure-in-grade defined under the law.”

Ang PMA superintendent ay mayroon ding ranggo na lieutenant general/vice admiral at mabibigyan ng tour of duty ng apat na taon, maliban na lamang kung wawakasan ng higher authority at kung, maliban para sa posisyon ng chief of staff, ang PMA superintendent ay hindi magiging eligible para sa anumang iba pang posisyon sa AFP at mapipilitan na magretiro matapos na makompleto ang fixed tour of duty o sa oras na maalis mula sa tanggapan.

Sinasabi pa rin ng batas na walang general/flag officer na mahigit sa 58 taong gulang ang itatalaga bilang PMA superintendent.

Ang mga Officers at enlisted personnel, sa kabilang dako ay mananatilling magre-retiro “one rank higher” mula sa huling ranggo nito.

Ang mga sumusunod na opisyal ng AFP, para sa kanilang panig, maaaring ituring na compulsorily retired sa ilalim ng mga sumusunod na pangyayari:

  • mga nasa “grades of second lieutenant/ensign (0-1) to colonel/captain (0-6),” kapag umabot sa edad na 56 o may akumulasyon na 30 taon ng satisfactory active duty

  • mga nasa “grades of brigadier general/commodore (0-7) to lieutenant general/vice admiral (0-9),” kapag umabot sa edad na 59 o maximum tenure-in-grade gaya ng nakasaad sa batas

  • mga nakaupo sa key position matapos na makompleto ang fixed tour of duty maging anuman ang edad, maliban na lamang kung ipo-promote bilang chief of staff o kung sino ang maaalis sa puwesto ay hindi na maitatalaga sa o makakaupo sa anumang posisyon sa AFP Table of Organization; at iyong mga kinomisyon sa ilalim ng Presidential Decree No. 1908, at iyong mga itinalaga sa Corps of Professors kapag umabot sa edad na 60 o nakatapos ng 20 taon na satisfactory active duty,

Ang enlisted personnel ay maituturing na compulsorily retired kapag nakompleto na ang 30 taon ng satisfactory active duty o kapag umabot sa edad na 56.

Maaari namang mag-request ng isang officer o enlisted personnel na maging retirrado mula sa military service kapag nakompleto na ang 20 taon ng satisfactory active duty.

Ang enlisted personnel na mabibigo naman na maging kuwalipikado o mabibigo na matugunan ang anumang kondisyon para sa promosyon para sa next higher grade “as determined by the appropriate Enlisted Personnel Promotion Board” ay ire-refer sa Review and Evaluation Board para sa masusing pagsusuri at pagkatapos ay rekumendasyon sa Major Service Commanders para sa “attrition or retention.”

Ang grounds naman para sa referral ay nakasaad sa rules and regulations na ipalalabas para sa epektibong implementasyon ng batas. Kris Jose