FOREIGN IT CONTRACTOR NG LTO MAY WARRANT

 FOREIGN IT CONTRACTOR NG LTO MAY WARRANT

July 12, 2022 @ 5:47 PM 1 month ago


TALAGA palang kapag mayaman at maipluwensiya hindi agad-agad nasasakop ng batas.

Mantakin mo ba naman, nahalungkat ng ating bubwit na ipinapaaresto na pala ng Quezon City Regional Trial Court – Branch 224 ang apat na opisyales ng Dermalog Identifications Systems, GmBH (Dermalog), ang banyagang informa-              tion technology contractor ng Land Transportation Office dahil sa kasong qualified theft.

Biruin mo naglabas na ng non-bailable arrest warrants si RTC Branch 224 Presiding Judge Zita Marie Magundayao Atienza-Fajardo laban kina Dermalog Chief Exe­cutive Officer/Managing Director, Gunther Mull, Project Manager; Michael Schutt, Chief Financial Offi-cer; Randolf Sitz, at Philippine representative, Lynne Ocampo noong ika-20 pa ng Hunyo ng kasaluku­yang taon.

Ating nabatid na nag-ugat pala ang arrest warrant sa kasong estafa na isinampa laban sa Dermalog ng kanilang local partner na Verzontal Builders, Inc. (Verzontal) sa Quezon City Prosecutor’s Office noong nakaraang taon.

Magugunitang pumasok pala sa isang Joint Venture Agreement  ang dalawang nabanggit na kompanya noong 2018, kasama ang Holy Family Planning Corp., at Microge-nesis Software, Inc., upang maki­lahok sa bidding para sa P3.19B DOTr Road Transportation Infrastructure Project (LTO-Component A) na may kinalaman sa Land Transportation Management System.

Inakusahan din ng Verzontal ang Dermalog nang hindi pagbabayad ng 25 porsyentong share matapos nilang makumpleto ang civil, mechanical, at electrical works na kailangan para sa proyekto.

Bukod dito, hindi rin umano si­nabi ng Dermalog ang tunay na ha-la­ga ng proyekto na inaprubahan ng LTO. Bakit kaya?

Subalit sa resolusyon na inila-bas ng city prosecutor, sinabi nito na mas naaangkop ang kasong qualified theft sa reklamong ito dahil sa hindi pagbabayad nang wasto ng Dermalog sa Verzontal.

Ayon pa sa city prosecutor, dahil nasa isang JVA ang Dermalog at Verzontal, ang hindi wastong pagbibigay ng kaukulang bayad na batay sa kontrata ay maituturing na pagna­nakaw.

Hindi rin pala malinaw kung ang pagbabago sa tunay na presyo ng proyekto ay may kinalaman sa audit issue na makailang beses na inilabas ng Commission on Audit kaugnay ng procurement contract sa pagitan ng Dermalog at LTO.

Nakasaad sa Article 310 ng Revised Penal Code na may kinalaman sa qualified theft, na ang mga akusado ay dapat patawan ng parusang mas mataas ng da-lawang antas ang lebel kagaya ng pagkaka­kulong na hindi bababa sa dalawang taon at apat na buwan at isang araw hanggang anim na taon.