Full authorization ng Janssen COVID vaccine nirerebyu ng FDA – DOH

Full authorization ng Janssen COVID vaccine nirerebyu ng FDA – DOH

August 9, 2022 @ 6:10 PM 2 months ago


MANILA, Philippines- Binubusisi ng Food and Drug Administration ang aplikasyon ng Janssesn para sa certificate of product registration (CPR) para sa COVID-19 vaccine nito, ayon sa Department of Health nitong Martes.

Binigyan ng Pilipinas noong Abril 2021 Janssen ng emergency use authorization para sa single-dose vaccine nito. Papayagan ng CPR ang manufacturers na ibenta ang kanilang mga produkto sa publiko.

Ang Janssen ang tanging coronavirus vaccine manufacturer na nag-apply para CPR hanggang nitong Martes, ayon kay DOH officer-in-charge Maria Rosario Vergeire.

“The FDA is currently reviewing and exercising the necessary work para sa application ng Janssen sa kanilang tanggapan,” pahayag ni Vergeire.

Ipinrisita rin ng DOH sa Inter-Agency Task Force Against COVID-19 ang ilang konsiderasyon sa state of calamity declaration sa bansa na matatapos sa susunod na buwan, base kay Vergeire.

Nakaangkla ang vaccination program ng bansa sa state of calamity declaration at emergency use authorization ng mga bakuna hindi na valid kapag hindi na-extend, aniya.

Mawawalan din ng bisa ang emergency procurement ng pamahalaan, tax exemptions para sa mga donor, price controls para sa COVID-19 drugs at testing kits, at mga benepisyo ng health workers, ayon pa kay Vergeire.

“Lahat pinag-aaralan at nakikipag-usap at coordinate tayo with other agencies so we can be able to manage lahat ng prosesong mawawala and everybody will still be protected,” sabi niya. RNT/SA