FULL STORY: Pulis at 4 na kasabwat na kidnaper, tiklo sa entrapment operation sa Makati

July 6, 2018 @ 4:22 PM 5 years ago

Makati City – Limang kalalakihan kabilang ang isang traffic police investigator ang inaresto ng kanyang mga kabaro matapos umano nilang kidnapin at pagnakawan ang dalawang negosyanteng Chinese nationals na iniulat kahapon sa Makati City.

Kahapon ay iniharap ng hepe ng Makati City Police na si Sr. Supt. Rogelio Simon ang suspect na sina PO2 Jaycee Abana, 28, binata, isang traffic investigator na nakatalaga sa Vehicular Traffic Investigation Unit (VTIU) ng naturang himpilan ng pulisya; mga kasabwat nitong magkakapatid na sina Mohalem, 28; Muhamad, 34; Mohalil Macapundag, 30, pawang residente ng #39 Joseph St., Interior Brgy. Holy Spirit, Quezon City at Wenceslao Sevellejo, 44, nakatira sa #86 Norte Ma. Socorro, Marilao, Bulacan.

Kinilala naman ang mga biktimang sina Changbo Fang, 22, binata at ang kasama nitong si Fang Zhang Bao, kapwa nanunuluyan sa Yakal St., Brgy. San Antonio Village, Makati City.

Ayon sa report, nagtungo ang mga kaibigan ng mga biktima na sina Tony Yu; Livian Bao at Jennifer Zarcilla, pawang mga taga 24D, Greenbelt Prasier Place, Palanca St., ng naturang siyudad sa tanggapan ng Makati City Police upang i-report na ang mga ito ay nasa custody ng limang kalalakihan suspect.

Kung saan pinatutubos ang mga biktima ng halagang P1 million, dahilan upang magkasa ng entrapment operation ang mga kagawad ng Makati City Police laban sa mga suspek.

Nang magpositibo, ala-1:30 ng madaling araw nang arestuhin ng mga kagawad ng Makati City Police si PO2 Abana, kasama ang apat na kasabwat nito sa kahabaan ng Nicanor Garcia St., Brgy. Poblacion ng naturang lungsod.

Sa salaysay ng isa sa biktimang si Fang sa mga pulis, nakasakay sila ng kanyang kasama sa isang Lexus IS 300 Sedan na may plakang ND-707 at habang binabagtas nila ang panulukan ng Nicanor Garcia at Metropolitan Sts., ng nabanggit na barangay nang harangin at patigilin sila ng isang kulay puting Mitsubishi Montero na may conduction sticker NM5626, na sakay ang mga suspek.

Kung saan inutusan ang mga biktima na iparada muna nila ang kanilang sinasakyan sa harapan ng Jazz Mall at tinutukan ng baril ni PO2 Abana ang mga biktima at kinuha nito ang wallet ni Fang at ang pera ni Bao.

Dito na kinidnap ng mga suspek ang dalawang biktima at sinabihan silang tawagan ang kanilang kaanak at magbigay ng halagang P1 million bilang ransom at kapag hindi ito naibigay ay papatayin sila.

Dahil sa insidente, dito na nadakip ang mga suspek ng mga kagawad ng Makati City Police at sinampahan ang mga ito ng mga kasong Kidnapping and Robbery.

Na-recover ng mga pulis ang service fire ni PO2 Abana (Glock), P80,000.00 ransom money, P8,000.00 na personal money ng mga biktima at Montero SUV na gamit na sasakyan ng mga suspect. (James I. Catapusan/ Kuha ni Jun Mestica)

21

Tue

21

Tue

FULL STORY: Pulis at 4 na kasabwat na kidnaper, tiklo sa entrapment operation sa Makati

FULL STORY: Pulis at 4 na kasabwat na kidnaper, tiklo sa entrapment operation sa Makati

FULL STORY: Pulis at 4 na kasabwat na kidnaper, tiklo sa entrapment operation sa Makati

FULL STORY: Pulis at 4 na kasabwat na kidnaper, tiklo sa entrapment operation sa Makati

BAYOMBONG, NUEVA VIZCAYA-Patay ang isang rider matapos nitong salpukin ang konkretong bakod sa Bypass Road Barangay Bonfal East, Bayombong, Nueva Vizcaya kaninang madaling araw.

Isinugod ito ng MDRRMO Bayombong Rescue team sa R2TMC upang magamot subalit bandang ala una kwarenta ng madaling araw nang ipaalam ng pamunuan ng hospital na namatay na ang biktima. Rey Velasco

MANILA, Philippines – Arestado ang isang incumbent Association of Barangay Captain (ABC) President matapos na masamsaman ng iligal na mga baril at bala na walang kaukulang lisensya.

Sa bisa ng search warrant, sinalakay ng pulisya ang bahay ni ABC President Angelito De Mesa sa Barangay Masaya, Bay, Laguna.

Batay sa report ng Laguna Criminal Investigation and Detection Group ( CIDG) ganap na las-7 ng umaga nang salakayin at halughugin ang tahanan kung saan narekober kay De Mesa ang caliber 5.56mm, M16 rifle, Caliber 9mm machine pistol, Caliber 45, at ibat-ibang klase ng bala ng nasabing mga armas.

Nakatakdang kasuhan si De Mesa. Ellen Apostol

TACLOBAN CITY – MINSAN pang napatunayan ng walang mabuting dulot ang matinding selos matapos pagsasaksakin ang isang saleslady ng kanyang kinakasama dahil sa selos habang nagtangka naman magpakamatay ang suspek, kamakalawa ng hapon sa lungsod na ito.

Kinilala ang biktimang si Dailyn Tiu, 33, appliance center sales lady habang naka-hospital arrest naman ang suspek at live-in partner na si Jason Roa, alyas Dagul, 28, at kapwa residente sa Brgy. 83-A Burayan San Jose, Tacloban City.

Batay sa report ng Police Station 1, Tacloban City Police Office, dakong 12:40 PM naganap ang krimen sa loob ng inuupahan na bahay ng mag-live in partner sa nasabing lugar.

Lumabas sa imbestigasyon ng pulisya, nagkaroon ng pagtatalo ang suspek at biktima sa loob ng kanilang bahay dahil sa pagseselos ng una.

Hanggang sa nakarinig na lamang ang kanilang mga kapitbahay na sumisigaw ng tulong ang biktima at nakita na nilang may umaagos na dugo sa pintuan ng bahay kaya agad na silang humingi ng tulong sa pulisya.

Sa pagresponde ng mga awtoridad naabutan na lamang nilang naliligo sa sariling dugo ang biktima at maraming tama ng saksak sa iba’t ibang parte ng katawan na naging sanhi ng agaran nitong kamatayan.

Isinugod naman sa Eastern Visayas Medical Center ang suspek matapos magtangkang magpakamatay sa pamamagitan ng paglaslas sa kamay.

Inihahanda naman ang kaukulang kasong isasampa laban sa suspek./Mary Anne Sapico

Binitbit sa selda ang isang lalaki na listed bilang most wanted sa pagnanakaw matapos malambat ng pulisya sa ikinasang manhunt operation sa Navotas City, kamakalawa ng hapon.

Kinilala ni Navotas police chief P/Col. Allan Umipig ang naarestong akusado bilang si Albert Conde, 35 ng No. 379, Brgy. NBBN, Navotas City.

Ayon kay Col. Umipig, nakatanggap ng impormasyon ang mga tauhan ng Sub-Station 3 ng Navotas CPS na naispatan ang presensiya ng akusado sa kanilang lugar.

Alinsunod sa kampanya ng PNP kontra wanted person, agad nagsagawa ng joint manhunt operation ang mga tauhan ng SS3, kasama ang Warrant and Subpoena Section at Intelligence Section na nagresulta sa pagkakaaresto sa akusado sa kanilang bahay dakong alas-2:10 ng hapon.

Hindi naman umano pumalag ang akusado nang isilbi sa kanya ng mga pulis ang arrest warrant na inisyu ng Regional Trial Court (RTC) Branch 286, Navotas City noong April 16, 2019, para sa kasong Robbery.

Pinuri naman ni Northern Police District (NPD) PBGen Ponce Rogelio Peñones Jr, ang Navotas police sa kanilang pagsisikap para maaresto ang mga wanted persons. Boysan Buenaventura

CAMARINES SUR- TIGBAK ang isang 51-anyos na biyudo matapos pagbabarilin ng pulis na mister ng kalaguyo makaraan maaktuhan umanong naghahalikan ang una at huli, kamakalawa ng madaling-araw sa bayan ng Cabusao.

Kinilala ang biktimang si Arlando Sugay, magsasaka at residente ng Brgy. Camagong sa Cabusao, Camarines Sur habang sumuko naman sa kanyang mga kabaro ang suspek na si Staff Sergeant Baltazar Manacob, 43-anyos, kasapi ng Ragay Municipal Police Station.

Batay sa report ng Cabusao Municipal Police Station, bandang 1:00 AM ng maganap ang krimen sa kubo ng biktima sa nasabing lugar.

Lumabas sa imbetigasyon ng pulisya, huli sa akto ng suspek na naghahalikan ang 42-anyos nitong misis at biktima sa kubo.

Dito, wala man lamang babala na pinagbabaril ng suspek ang biktima sa iba’t ibang parte ng katawan na naging sanhi ng agaran nitong kamatayan habang maswerte naman hindi tinamaan ang misis.

Matapos ang krimen sumuko sa Cabusao-PNP ang suspek at kanyang service firearm na ginamit sa krimen na may tatlong magazine at 35 piraso ng bala.

Depensa ng suspek matagal na siyang nagdududa na may relasyon ang kanyang misis at biktima kaya sinubaybayan niya ang mga ito hanggang sa mahuli sa akto.

Nahaharap ngayon sa kasong pagpatay ang suspek./Mary Anne Sapico