MANILA, Philippines – Nalasap ng Gilas Pilipinas ang mapait na pagkatalo kontra Tall Black ng New Zealand, 106-60, sa kanilang unang laban sa 3rd window ng 2023 FIBA World Cup Asian Qualifiers sa Auckland, New Zealand.

Ginamit ng Tall Blacks ang matinding sigwada sa first half, kung saan agad nilang dinurog ang national team at nilimitahan ang Gilas sa walong puntos kontra sa 24 sa unang quarter at tapusin ang half sa iskor na 47-21. Humabol ang Gilas, 23-13, sa opening frame.

Matapos ang nakadidismayang first half, naging agresibo ang national team at nagpakita ng impresibong laro sa third quarter kung saan umiskor ang Gilas ng 22 points, pero nanatiling malakas ang New Zealand at hinawakan ang 73-43 na kalamangan sa payoff period.

Samantala, ipinagpatuloy ng Tall Blacks ang kontrol sa laro na nagresulta sa pagtipa nila ng kanilang ikaapat na panalo sa torneo.

Sa nakaraang window ng qualifiers, tinalo rin ng New Zealandad ang Gilas, 88-63.

Dahil sa pagkatalo, nalugmok ang Gilas sa kartadang 1-2 sa tournament at babalik sila sa bansa upang sagupain naman ang higanteng team ng India sa Linggo ng gabi sa Mall of Asia Arena.

Target ng Gilas na talunin ang India.RICO NAVARRO

 

TAIPEI – Isang Taiwanese judo coach na pumatay sa isang pitong taong gulang na mag-aaral sa pamamagitan ng paulit-ulit na paghagis sa kanya sa sahig ay sinentensiyahan ng siyam na taon na pagkakulong, na nag-udyok sa mga magulang ng bata na humingi ng mas malupit na parusa.

Ang bata, na kinilala lamang sa pangalan ng kanyang pamilya na Huang, ay isinugod sa isang ospital sa gitnang lungsod ng Taichung noong Abril noong nakaraang taon matapos na siya ay iniulat na Inihagis ng 27 beses ng kanyang coach na si Ho Tsung-le.

Nanatili siyang coma sa loob ng 70 araw na may pagdurugo sa utak, at nagkaroon ng mga problema sa paghinga pati na rin ang multiple organ failure bago nagpasya ang kanyang mga magulang na tanggalin na ang life support.

Nagpasa ang korte sa distrito ng Taichung ng siyam na taong sentensiya sa pagkakulong, na nagsasabing pinilit ni Ho ang bata na sundin ang kanyang mga utos at pinabayaan ang posibilidad na maaari itong humantong sa kamatayan.

Ngunit ang mga magulang ng bata ay nangako na iapela ang “magaan” na sentensiya at sinabing ang coach ay hindi kailanman nagpakita ng anumang pagsisisi.

“I think it’s too light, it should be a life for a life. Grabe talaga ang ugali niya. He’s never admit to any wrongdoing and blamed it on my child,” ayon sa ama ng bata.

Ayon sa isang pahayag ng korte, inutusan ni Ho ang bata na magsanay ng paghagis kasama ang isang mas may karanasan na kaklase, kahit na alam niyang hindi pamilyar ang biktima sa mga pangunahing paggalaw ng judo.

Matapos tumanggi si Huang sa mga utos at sabihin na “ang coach ay isang idiot,” mismong si Ho ang naghagis sa bata gamit ang iba’t ibang technique, kabilang ang shoulder throw.

Nang magreklamo ang bata ng matinding sakit ng ulo, sinabi ng coach na umaarte lang ito at hinagis pa siya ng isang dosenang beses, na nagdulot ng pagsusuka, sabi ng pahayag.

Matapos malinis ng ibang mga mag-aaral ang suka sa sahig, ipinagpatuloy ni Ho ang paghagis sa bata ng ilang beses hanggang sa tuluyan itong bumagsak sa sahig, dagdag pa nito.

Dumalo umano sa klase ang tiyuhin ng bata ngunit nabigong pigilan ang coach.

Sa inilabas na media report, hinagis umano ang bata ng halos 27 beses. Ang pahayag ng korte ay nagsabi na ang kanyang ulo ay paulit-ulit na tumama sa sahig ngunit hindi tinukoy kung ilang beses.

“Isinagawa niya ang labis na hindi naaangkop na mga hakbang sa pagsasanay na nagdulot kay Huang na magtamo ng mga pinsala at sa kasamaang palad ay namatay sa murang edad,” sabi ng korte.RICO NAVARRO

MANILA, Philippines – Inaabangan ng mga basketball fan ang  laban sa pagitan ng Gilas Pilipinas atTall Blacks ng New Zealand ngayon araw sa ganap na ika-3 ng hapon sa  2023 FIBA World Cup Asian Qualifiers.

Ilang beses maglalaro ang Gilas Pilipinas  sa mga susunod na araw na may 11-man team na binubuo ni Kiefer Ravena, Dwight Ramos, Rhenz Abando, RJ Abarrientos, SJ Belangel, Carl Tamayo, Dave Ildefonso, William Navarro, Francis LeBron Lopez, Geo Chiu, at Kevin Quiambao.

Haharapin ng Gilas ang New Zealand ngayon Huwebes (June 30) sa ganap na 3:30 p.m sa Auckland, New Zealand at India naman sa Linggo sa Mall of Asia Arena sa Pasay.

“We are a hundred percent behind the whole Gilas team as they take a step closer to our end goal: to be able to make our country proud. This is also an important window for us as we are preparing to host the FIBA Basketball World Cup in 2023 with Japan and Indonesia. We wish the team the very best as they show the world the heart and fighting spirit of Filipinos,” ayon kay Alfredo S. Panlilio.JC

MANILA, Philippines – Target ng dating two-division UFC world champion na si Conor McGregor na makabalik sa huling bahagi ng taong ito, kung hindi man sa unang quarter ng 2023, ayon kay UFC President Dana White.

Galing si  McGregor, 33,sa back-to-back na pagkatalo sa kamay ng dating UFC interim lightweight champion na si Dustin Poirier.

Huli siyang lumaban noong Hulyo 2021 sa UFC 264 kung saan naranasan niya ang first-round technical knockout matapos siyang magkaroon ng freak injury kung saan nabali ang binti nito.

“Nais ni Conor na bumalik sa katapusan ng taong ito o sa unang bahagi ng susunod na taon. Nang kinausap ko siya nais talaga niyang lumaban,” ani White.

“Nakakakuha si Conor ng lahat ng uri ng mga alok para sa pelikula at lahat ng iba pang mga bagay na maaari niyang gawin para kumita ng pera. Ayaw niyang gawin iyon. Gustong lumaban ni Conor.”

Ang Irish mixed martial arts superstar, na may hawak na record na 22-6, ay dahan-dahang gumaling mula sa injury at madalas na nagpo-post ng mga video sa social media na nagsasanay sa boksing.

Bagama’t may mga tsismis na maaari niyang labanan muli si Floyd Mayweather Jr. sa isang eksibisyon, ginagarantiyahan ni White na ang susunod na laban ng kanyang ward ay sa mixed martial arts.

“Ito ay nasa hawla,” ani White.JC

MANILA, Philippines – Ibinunyag ng retiradong light welterweight champion na si Amir Khan na may mga feeler mula sa Hall of Fame trainer na si Freddie Roach na makipag-sagupa kay Manny Pacquiao sa isang exhibition match  matapos na matalo ang huli sa kanyang bid sa Presidential election noong nakaraang buwan.

“Well, a friend of mine got a phone call from Freddie Roach, who just said that, ‘Listen, we want to get a fight. Manny didn’t win the election. Let’s do like an exhibition with Manny, or maybe a proper fight.’ They want to do it in the UK,” ani Khan.

Si Khan, na dating nagsisilbing sparring partner ni Pacquiao noon, ay nagnanais ng malaking pera laban sa Filipino boxing icon sa buong karera niya. Gayunpaman, inihayag nito ang kanyang pagreretiro ng maaga sa taong ito matapos matalo kay Kell Brook sa pamamagitan ng sixth-round technical knockout.

Samantala, inihayag din ni Pacquiao na tapos na siya sa boxing bago niya opisyal na inihayag ang kanyang kandidatura sa pagka-Pangulo. Huli siyang lumaban noong Agosto laban kay Yordenis Ugas kung saan natalo siya sa pamamagitan ng unanimous decision.

Ngunit ang mga pagkakataon ng isang labanan ay malamang na malabong maganap,  lalo na kay Khan ay nagretiro na.

“You know what to be honest with you, all that bulls— chasing Mayweather, chasing Manny Pacquiao, it was not meant to happen noon, maybe it’s not meant to happen now. Hindi ko sila hahabulin ngayon,” sabi ni Khan.

“Medyo natawa ako dito. I didn’t even want to mention it because it’s probably all bollocks, to be honest with you.”RICO NAVARRO