Gasolina may P3.95 na taas-presyo bukas; Diesel, kerosene may tapyas!

Gasolina may P3.95 na taas-presyo bukas; Diesel, kerosene may tapyas!

May 23, 2022 @ 5:08 PM 1 month ago


MANILA, Philippines – Nag-anunsyo na kani-kanilang bawas-presyo sa petrolyo ang mga kumpanya ng langis.

Sa abiso, magpapatupad ang Chevron Philippines Inc. (Caltex), Pilipinas Shell Petroleum Corp. at Seaoil Philippines Inc. ng dagdag na P3.95 sa kada litro ng gasoline habang magtatapyas sila ng P2.30 sa diesel at P2.45 sa kerosene.

Parehong price adjustment din ang ipatutupad ng Cleanfuel, Petro Gazz, at Unioil Petroleum Philippines Inc.

Epektibo ang dagdag-bawas sa krudo alas-6:00 ng umaga bukas, Mayo 24 maliban sa Caltex na mas maagang magpapatupad ng price adjustment ng hatinggabi at ang Cleanfuel na alas-8:01 naman ng umaga.

Ito na ang ika-anim na linggong nagpatupad ng rollback sa krudo ngayong 2022. RNT/ JCM